SEFAINIĀ 1:3 - TÖHET LĪPÖRE (Re-edited) Bible (BSI)

³ Mīktö tarik chin min töṙeūla inrē; mīktö në chehenchōn ngam halīöngö chin min, tö nup kāḵ el mai, tö nup lökngen kinvē-ĕre i tötlöök; rökngen tarik chin min inrē, ṙā-ang i kūö ngam tumlat, ṙô ngam Mā Tēv.

SEFAINIĀ 1:3 Referans Kwoze

HŌSĪ 4:3

Lökten ngam panam nö haṙīvölōn, ṙòkhöre yip aṅ e min nö lëvngö, nö holtöṙah nup töṙeūla elkahôyö nup chehechōn inrē el taṙul; hôṅ, nup kāḵ el mai inrē min nö kē-ĕyö.

ISIKĪ-ĔL 7:19

Kavalngö rupīöre yip nö el talöökö, ngaich nup humlum cha nöng sā töthet nö ötkô nup rupīö cha tö nup humlum cha inrē nö ṙānyen cha ip sakāmö lanīnö ngam Mā Tēv; ötkô nup nö hatööḵngen kinpahare cha hēk hatööklö el tilkup cha tö u. Pò e nö kinvē-ĕ re cha nö i nup tökööl cha.

INMEUKHÖMAT 2:14

Haroh tum pöri nup kumnyah in chu lā in meh, pò meh aṅhaṅv-in umuh tö yip rēvre ṙamapkö ap inköphöti aṅ in Pēlām, ök mahaköpten Pēlak, nö kavaltö kinvē-ĕre yik kūön Israĕl, nö nyā nuk tökētu nö i insātēv, ngaich asēha inrē.

T. MËTIV 23:39

Ngö ṙô Chin tö yīö, Töngamuhangen yin min öt meukkūö Chu, hanöngsaha ṙô yīö min, ngö ṙô, Tökôlò An ngam yamih nö i Mine-eny ngam Mā Tēv.

SAKARIĀ 13:2

Ngaich ngö inlahen angū-ö min ip sakāmö angū-ö, ṙô ngam Mā Tēv yip tömaṙôngö tö chu min rökngen nup minënyö insātēv nö ṙā-ang im panam, ngaich öt ngöhören min angū-ö nö fēkaṙen: ngaich chū-ö min inrē vīten yip pròfĕt, tö yip tötlöök sī-ö inrē nö ṙāngö ngam panam.

HŌSĪ 14:8

Ngö ṙô min ngaich ang ifrēm, Asuh ap la-en chu höng hēkhö kūö re i insātev? Sapṙô ò chin ngaich, kūötenre inrē tö ò. Sā nup tö-ayal chin för chōn; lökten in chu nup ṙòng meh nö kôti.

HŌSĪ 14:3

Öt hayööken hī ap min Asiriā; hö-ö in min hòṅ i uk nup kōra ò: öt rēhĕn in min ngöhören ṙô tö në vahī në kuntī hī, Yī-ö yin Tēv ih: Pòn in meh yip kūön yōich nö kôtökūö tö miṙēlōn.

YERIMIĀ 12:4

I rô-òten öng min ngih panam nö haṙīvölōn, në kiyôp el në taṙeū nö nyangngö? Kūö öt lanöökö cha yip mi-iyöng in e töṙeūla, chehechōn inrē ngaich nö hatngö, pòn ngö ṙô tarik, hö-ö an min nö meuk öp manāngen ih.

Isayā 27:9

Lökten ön ngih min kanöölö fālen Yāköp nö ahetlöngö, angū-ö an tökôlò tī ngam kinëngö tökööl ò; hē ò nö vī nup ihong öp tahāklö nöng sā töpaṙöla ihong nup tösōngö ngaich laköli, hòn öt hēk nö asöklöngö Asērim tö ngam insā tēv tavūöi inrē.

ISIKĪ-ĔL 44:12

Pò cha nö meukṙen nö i kūö nup insātēv cha ngaich vītöre nö kinvē-ĕre nö i ötlanöökö nö im patī Israel, lökten chin chūöku ṙô in cha, ṙô ngam Mā Tēv, tö cha min nö keun sācha re.

T. MËTIV 13:41

Tīntö yip ma-aṅ-hāngare min ngòh Kūön Tarik; ngaich cha-a min nö hamūl ngaich kēḵngö u nö ṙā-ang im pūlngö Ò, nup töpô-òvkūö, yip tarik inrē tötlöökö la-en; ngaich kavalhötvö cha-a min nö i kūö öp töhūkūö tameūyö.

Isayā 6:11

Ngaich ngö ṙô chū-ö, Mā, i ṙôktören? Ngaich sap ṙô anga-aṅ nö ngö ṙô, Hanöng saha në elpanam nö piyāyi nö öt aṅhavkūö, öt aṅhavö inrē nup patī tö tarik, ngaich ngam panam inrē nö lëlngö nö keuheūtngöre,

Isayā 6:12

Ngam Mā Tēv inrē nö marôvat tī nö kēngö tarik, ngaich pōyen nup tö ṙā-ayö chūökö ellōn ngam panam.

YERIMIĀ 50:3

Pòn löktö lā kapā öp pumnāmö tarik nö yih nö lā-al ò, vamīngen ngam panam ò min nö öt aṅhaṅvkūö, öt hĕng tak min inrē mī-iyöng in e; falngöre min tarik töṙeūla inrē.

Ranehlö 6:7

Ngaich ngöṙô ngam Mā Tēv, Hòṅ piyāingö ngòh tarik Chin ngam vahī-il Chu ṙā-ang ikūö ngam tumlat; hĕnghöre töfënö kalröön inrē, töṙeūla chehen, chehechōn inrē el kuföt; pò e nö miṙivngen Chu töchu vīlen cha.

YERIMIĀ 7:20

Lökten ön nö ngö ṙô ngam Mā Tēv: Yĕh meuk, ṙöhtö ngam lanīnöre chin tanānyö chu inrē ikui ngih chūökö, ikui tarik, töṙeūla inrē, ikui chōng elkahôyö ikui ṙòng aṅ ngih tumlat inrē; hūkūö öp min öthannyangngenkūö.