SAKARIĀ 4:2 - TÖHET LĪPÖRE (Re-edited) Bible (BSI)

² Ngö ṙô ngaich anga-aṅ tö chu, Suāp maheūṅk meh? Ngö ṙô chū-ö ngaich, Yĕh meuk,meuk chūökröön tö manyak chin hĕk töng humlum nyöre, nö aṅhaṅv kui töp töchilū pingāṅl, sat inrē nup ëāṅvö i kui e; sat inrē nup inreū nö kö i nuk ëāṅvö, nup mī-i kui e;

SAKARIĀ 4:2 Referans Kwoze

INMEUKHÖMAT 4:5

Löknyö el ngam kantēra nup hanyālö, ṙën ṙô, kunṙôkö inrē; sat nup ëāṅvö tameūyö nö hū nö ikūö ngam kantēra. Nup tö sat kanô-òṅ yip Töhet Fanöinylö im Tēv.

INMEUKHÖMAT 1:12

Ngëichkö ngam ṙô ngam vame-eṅkūö chu. Havöötö kūöre chū-ö, ngaich meuk nup tösat humlum chūök rööntö manyak;

SAKARIĀ 5:2

Ngaich gö ṙô anga-aṅ tö chu, Suāp maheuṅk meh? Sapṙô chū-ö ngaich öich ngö ṙô, Meuk kumteū chin tölömhakṙen; nët anāi sumkôngö rôtòng ana, söm sumkôngö ṙôkti inrē.

YERIMIĀ 52:19

Nup tökūöṅnö inrē töchuvī, nup kunrālö, pēsön, tanīöyö, chūökröön tö ëāṅvö, töchilū chūök tötahūsa, töchuvī chūök sanöich. Nuk humlum kē-ĕyö angū-ö nöng sā re nö humlum tök yöngkūö amahati, nuk rupīö inrē, sā re nöng rupīö.

INMEUKHÖMAT 1:20

Ngam ötmikahkūö aṅ i minë tö sat taneūsömat, minë maheuṅk meh lāhāmö chu, minë tö sat inrē humlum chūök rööntö manyak. Ma-ahānga nup tösat māṅ, nun minë tö sat taneūsömat: tö sat nö māṅ minë tö sat chūök rööntö manyak.

2 KINṘÖTNGÖ 13:11

Kaheuk peuheū yin harap inrē nö kētö töföngö tökētu nö im Mā Tēv lōpan, tötahūsa inrē, ngaich ṙātö töhet rôti nö el ngam mīs töng humlumnyöre, haṙūötken ngam humlum chūök ëāṅvö pòn hōtu nup ëāṅvö nö hūkūö nö kaheuk harap; pò ih hang chöngö ngam Mā Tēv ngam Tēv ih, ngaich pöri yī-ö ṙāngen ò.

2 KINṘÖTNGÖ 4:7

Sömö vahī anga-aṅ tö humlum chūök rööntö ëāṅvö nö sā insōkngenre, ngaich asöklö u nö el ök tempöl, taneui lā lòhngö taneui inrē lā kapah.

1 KINṘÖTNGÖ 28:15

Kalaha lumngan nup humlum chūök ëāṅvö tö nup ëāṅvö inrē, kalaha humlum i töhĕng chūök ëāṅvö tö nup ëāṅvö e inrē, kalaha lumngan rupīö chūök ëāṅvö tö nup ëāṅvö e, sā tumkangen la-en ngih tö hĕng chūök ëāṅvö,

Mumkahten 12:6

Urēhĕkūö lintôkngö ngam rupīö tökuvāha, hēk linkukngö ngam töchilū pingāṅl humlum, hēk ngam chūök mak nö likūki nö ip löklö mak hēk öp tuyāru inrē nö laköli nö i kui mak,

YERIMIĀ 24:3

Ngaich ngö ṙô ngam Mā Tēv tö chu, Yarimiā, asuh ap maheuṅk meh? Ngaich ngö ṙô chū-ö, Anychīr, tökôlò takô anychīr, tötkôlò anychīr inrē, chahū-ui takô lökten u nö öt nyanā-en.

AMŌS 7:8

Ngö ṙô ngaich ngam Mā Tēv tö chu, Amôs, suāp maheuṅk meh? Ngaich ngö ṙô ngam Mā, Yĕh meuk, asöklö kinlah kūö panam chin min ellōn vē tarik chu Israel: hö-ö chin min hēk lök in cha;