Biblia Todo Logo
Bib sou entènèt

- Piblisite -




SAKARIĀ 3:4 - TÖHET LĪPÖRE (Re-edited) Bible (BSI)

4 Sapṙô ngaich anga-aṅ vë-ekūö cha inrē yik tösökhaka nö i kūö ò, nö gö ṙô, Kēngö minë tömūmu inyut ṙā-ang in ò. Ngaich ngö ṙô anga-aṅ tö ò, Yĕh meuk, tinī-iv chin tö ngam tökööl meh nö ṙāngen meh, ngaich chin hayūtö meh min tö töpōiṙāi hilā.

Gade chapit la Kopi




SAKARIĀ 3:4
34 Referans Kwoze  

Ngö ṙô pöri ngam yöng ò tö yik kamūönkūöre, Ka-eūyen yin; kētö ap tölöök inyut, hayutlö e in ò; kalonghöt kuntī ò inrē tö kinlong; kunröplö kunröön ò inrē tö kunröpö.


Pōyen ṙanāmölōn im Mā Tēv ṙamö ellōn chin min im Tēv chu; pò ò nö kafānö chu tö hilā inyööken, kahūmö chu an tö tökiröng inyut lanöökö sā ngam kikōnyö töhapīhö nö eūmlöre ngam kikānö inrē töhapīhö nö hanyöṅtlöre tö töpōiṙāi yanöṅtö.


Ngaich ngö ṙô chū-ö tö ò, Me-eṅ man tö akahalōn. Ngaich ngö ṙô anga-aṅ tö chu, Cha-a yin vē ṙamā-ang el ök yöng kanihngen, ngaich cha-a nö söich minë tö aṙū-uti inyutre, nö i mahām ngam pököre nö mī-isohnyö mat u.


Kicheny kui yīö chin min tö töhet mak, ngaich yī-ö min het ṙā-ang i nup ö hanëtö yīö, ṙā-ang i nup insātēv yīö chin min inrē ahetlen yīö.


Höng chū-ö chin Anga-aṅ samichngö nuk tanôichngen meh öich höng chööḵnyö töre: ngaich chū-ö min öt köpölōn tö nuk tökööl meh.


Ngatī yip misī rēvre in yīö: ngaich pöri yī-ö söichö, ngaich pöri yī-ö ahetlöngö, ngaich pöri yīö halööklöngö i mine-eny ngam Mā Yēsū Kristū, im Töhet Fanöinylö ngam Tēv hī inrē.


Ngö ṙô an ngam Mā Tēv yip tömaṙôngö: Yē meh min lök el në talöökö chu, yē meh min inrē haköp chöngö chu, ngaich me-eṅ min inrē ma-akah fālen el patī chu, ngaich min inrē öm hayōm në elmilūkö, ngaich chū-ö min inrē kētö chūök meh in cha vē samökhaka.


Achīö öp Tēv nö tösā meh, öp ma-aṙē-ĕl tökööl, chamööḵngö tötôchngen fālen yip chööḵṙen yip amin ò? Hö-ö an nö örheūheu nö haköp lanīnö re, pò ò nö tökuchīkölōn nö i miṙēlōn.


Kē-ĕkūö yip töhaṙivlōn inrē i Sīyôn tö neūmö ṙënngen tisum, tavī-i ṙanāmölōn inrē nö ṙënngen miṙivlōn, nöinyö inrē kinṙum nö ṙënngen tötkalē-en ellōn; hòṅ cha nö kaheūkö nö ōk chōn lanöökö, nö taheūichtö ngam Mā Tēv, hòṅ ò nö hapōilöngö.


Pò Chu aṙē-ĕlōn tö nup tö- kööl cha. Öt ngöhöre ka- nöpölōn Chin inrē tö nup tökööl cha.


Ngam töt akahakūö tö tökööl, ngaich pòkūö hī Anga-aṅ nö vītu nö kööl; hòṅ hī vītu lanöökö ngam Tēv in Ò.


Yĕh meuk, ngam ihong ṙahātö chu nö i kūö Yôsuā; sat nun minë mat nö im töhĕng ihong: yĕh meuk, ka-iphöt öp töka-iphötvö chin min in e, ṙô ngam Mā Tēv yip tömaṙôngö, ngaich min inrē i ël töhĕng sumkam öich kēngö tökööl ngam panam.


Hanyatngö kūöre man tö në tökööl chu: sichngö nup tötṙong in chu nö ṙòkhöre.


Ngaich öi hayutlöre tö ngam tufömngöre tarik, ngam tö tumfömlöng nö i mikah nö sā ngam insā Ò, ngam vamīlen Ò;


Pò ngam raneushö tökööl nö kinpaha; ngam aṅ im Tēv pöri tötṙāyu raneushö, ngam tö örheūheu-aṅ nômö, in Kristū Yēsū ngam Mā hī.


Angū-ö lanöökö ngam Tēv lökten im mikah in Yēsū Kristū nö in cha nö ṙòkhöre yip ṙamātö ellōnre; pòn öt tö atöltuṙenvö;


Im huṙöich anga-aṅ meūkö Yēsū nö yihtöre nö in ò; ngaich ngö ṙô, Yĕh meuk, ngam pököre ngam Tēv, ngam kamëḵngö tökööl ngih panam.


Ngaich ngö ṙô ngam ma-ahānga nö sapṙô ò, Kēprīl chin kòl chu-ö, tösökhaka i kūö ngam Tēv. Ngaich öich tīntu öich ve-ekūö meh, ane inrē vë-eny nang meh tö në tölöök inhānga.


Ngaich aga-aṅ nö hameukhö-mat chu tö Yôsuā ök mākūö kūönṙô nö sökhaka nö i kūö ök ma-ahānga aṅ im Mā Tēv, sökhak inrē satān nö lā hāmö nö lā-al ò.


Aṅhen, aṅhen, kē ngam kumlēḵ re man, Ō Sīyôn; hayutlöre tö nup tövai tökiröng inyūt, Ō Yērusalem, töhet elpanam; pòn öt hēk min nö yih nö in meh yip töt tunyīnyi töthet inrē.


Ngaich ngö ṙô anga-aṅ, Lökten man hangihtöre tö ṙô ngam Mā Tēv: meuk ngam Mā Tēv chin nö el kantērare nö ūichhaka, ṙòkhöre inrē nö sökhaka nö in ò më tömaṙôngö el halīöngö lāhāmö ò lātavē ò inrē.


Ngaich ngö ṙô Tāvit tö Natān, Köölö fālen chin ngaich im Mā Tēv. Ngöṙô ngaich ang Natān tö Tāvit, Ngaich An inrē ngam Mā Tēv nö kavalngö ngam tökööl meh; hö-ö man min kapah.


Ngaich chū-ö meuk, ane inrē hang ṙô yip tömaṙôngö Ma-ahānga nö havīlö ngam kantēra, tö nup tö-aṅ töṙeūla, tö yip mā inrē, söm köṅny tumvan, söm köṅny tum kaka cha-a ane inrē köṅnyu tum köṅny;


Hē ngam rācha pöri nö kuhēthötre nö ngëichkö yip yamih, hĕng tak maheuṅk anga-aṅ tö tarik, ök töthilā tö hīlā yamih nö im inpīhö.


Yē yip kūönṙô nö kuhēthötre nö im töhet chūökö, hö-ö cha-a min nö kunyī-inyre nö ṙā-ang in e nö chuh ël öp lā uk elmilūkö Yĕn öt ṙātö nup inyut re nö umuh nup inyut cha nö meukṙen pò u anū-ö nö töhet; hayutlöre cha-a tö nup tahëng inyut urēhĕkūö cha nö haröhtöre nö i nup töchööḵnyö tö yip tarik.


Havöötökūöre an min nö hēk nö aṙē-ĕlōn tö hī; rööntö kui nup tökööl hī an min nö elröönre: ngaich me-eṅ min inrē kavalngö nup tökööl cha nö lā taṙeū tö mai.


Ngaich chin sichngö nuk tanôichngen meh, nuk tökööl meh inrē, nö sā taṙul: havantöre man in chu; tön ngaich chin havaha meh.


Lökten Yēhōyachin nö luhngö nuk inyut re nö el kinlōngö. Irô-òten ò nö aṅ, köpen anga-aṅ nö kaheuk sakāmö nö nyā nö el mīs ök rācha;


Swiv nou:

Piblisite


Piblisite