SAKARIĀ 3:2 - TÖHET LĪPÖRE (Re-edited) Bible (BSI)

² Ngö ṙô ngaich ngam Mā Tēv tö satān, Ō Satān, vëka man tö ngam Mā Tēv; hôṅ, ngam Mā Tēv ngam ma-atöllen Yērusalem nö vëken meh: röh öng angū-ö nö hanūkūö tameūyö tötöknyu nö ṙā-ang i kūö tameūyö?

SAKARIĀ 3:2 Referans Kwoze

AMŌS 4:11

Tiṙöli tö chu nup rīkre in yīö sā tī ngam Tēv hē tinṙölngö Sôtöm Kômòra inrē, ngaich yī-ö sā öp hanūkūö tameūyö tö töknyu nö ṙā-ang im töhūkūö: sönngenre yī-ö öt havantöre in chu, ṙô ngam Mā Tēv.

NGAM LĪPÖRE KAHŪICH YŪT 1:23

Rēvre inrē tö hayöölöngṙen, kichötnyu cha-a nö i kui yip rēvre inrē ngam neūkölōn holtö pinheṅ-eṅkūö; surīkhö ngam hilā töpaṙòk tö kūö ngam alaha.

NGAM LĪPÖRE KAHŪICH YŪT 1:9

Ngaich pöri Maiköl, ngam mākūö ma-ahānga, hē ò nö lā-alkūö ngam sī-ö nö kil ngam alaha Môsös, öt kētö chanökhuṙô tö ò nö im kinṙôka, ngö ṙô pöri, Vëka man töm Mā.

RŌMA 8:33

Achīö ap min mī-i vē katöllö ngam Tēv tī tö fālen? Ngam Tēv An mahalöökhölö.

SAKARIĀ 1:17

Iṙūöhö ṙô hū-a, ngö ṙô, Ngö ṙô an ngam Mā Tēv yip tömaṙôngö, Ṙòngmö taṙēchlöngö nup min elpanam chu tö kanôlò nö parāti; ṙòngmö haṙamlōn Sīyôn min inrē ngam Mā Tēv, ṙòngmö atöllen Yērusalem min inrē.

SAKARIĀ 2:12

Ngaich ngam Mā Tēv min nö amīnū tö Yūtā nö min-chöö-ö ò nö im töhet panam, ṙòngmö sönen an min nö atöllen Yērusalem.

1 YÔHAN 3:8

Ngòh tö la-evṙen tö tökööl, aṅ im sī-ö anga-aṅ, pò ngam sī-ö nö tö köölöfālen, hētentö ök raneh. Angū-ö an lökten ngam Kūön ngam Tēv nö hameuktu, pòn hōtu Anga-aṅ nö luhngö la-en ngam sī-ö.

RŌMA 16:20

Ngaich ngam Tēv lanāmen min nö paṙôkö tī tö Sātān, nö elröön yīö, öt ṙôktörevö. In yīö an yēḵ ngam inlōnti aṅ im Mā hī Yēsū Kristū.

T. YÔHAN 13:18

Rö-ö Chin ṙôten yīö ṙòkhöre. Akahalōn Chin tö yik katöllöre; kinheūṅtngö ṙô ngam töhet līpöre an, Ngòh nyamā nya-aṅkūö Chu, ngaich kichöötlö röönre nö lā-al Chu.

T. LŪKÖS 22:32

Vë-elkui meh pöri Chū-ö, hòṅ ngam mikah meh nö öt keuheūt. Hangëken yip holre pömchö; yē meh öm havöötö ellōnre hēk.

T. LŪKÖS 4:35

Ngaich ngö ṙô Yēsū nö vëken ò, Ṙāngôre mana; kunyī-inyre öm ṙā-ang in ò. Ngaich hē ngam sī-ö nö afukngen ò, nö el ṙôngö, kunyī-inyre ngaich anga-aṅ nö ṙāngen ò; höng öt chökhuṙen tö ò.

TANĪ-ĔL 12:1

Hē e min Maiköl nö chōholre, öp tökiröng kūön rācha öp yōm më tarik meh. Ngaich min öp umuh nö hē kanihngen, tötha-eh misī hēten tö pumnāmö tarik söl ip hē e pöri yip tarik meh min nö ṙānyu, ṙòkhöre yip tökôti minë-eny min nö kūichiyö nö i mat öp līpöre.

Salmai 109:31

Pòn söklöre min Anga-aṅ nö lahāmö yip tötkôlò: nö mahayööken ò nö in cha yip ma-akaha fālen nômö ò.

INMEUKHÖMAT 17:14

Ngaich cha-a vē min nö kiyung nö lā-al ngam pököre, ngaich mihôiṅ min ngam pököre, tö cha, pòn Anga-aṅ Mākūö vē mā, ane inrē Rācha kūö vē rācha; ngaich cha-a min inrē yip hol Ò nö mihôiṅ, yip töhavëtu, tökatöllöng, tökô-en inrē.

T. MĀKÖS 1:25

Ngaich Yēsū nö vëken ò, nö ngö ṙô, Ṙāngôre mana; kunyī-inyre, ṙāngen ò.

2 KINṘÖTNGÖ 6:6

Atöllen Yērusalem pöri hòṅ ngam minë-eny chu nö umuh ngaich chū-ö inrē atöllen Tāvit nö i kui vē tarik chu Israĕl.

T. LŪKÖS 9:42

Ṙòngmöng yihtöre anga-aṅ, ngaich ngam sī-ö nö afukngen ò, ane inrē pilönan nö kalē-ĕtī. Vëka pöri ngam tötlöök sī-ö tö Yēsū; ngaich lööken ngam nyīö, ngaich kētuvö tö Ò nö ik yöngre. Ngaich cha-a nö ṙòkhöre nö pingangkūö tö kanôlò ngam Tēv.

T. MĀKÖS 9:25

Ngaich hē Yēsū nö meuk yik tömaṙôngö nö hufālö nö yihtöre; ngaich Anga-aṅ nö vëkö ök tötlöök sī-ö, nö ngö ṙô, Me-eṅ tötkô ṙô-òv, töthang inrē sī-ö; Chu-ö Chin tamölṙô meh, Meutnyi, ṙā-ang in ò; um hēk meuthöt in ò.

Isayā 7:4

Ngö ṙô tö ò, Haṙēmngenre, ṙātö alahare inrē; un pa-ekūö, un rēhĕn ngam ellōn meh nö pa-ekūö, tökūö në tönët lamrit öp lul töhūkūö tameūyö Rēsin, Sīria inrē, tökūö öp kikōnyö kūön Ramalaya inrē.

2 KINṘÖTNGÖ 6:5

Hētentö ök sakāmö chu kēnyö vē tarikre nö ṙā-ang ip panam Aikup, öt atölu chū-ö tö elpanam i nup taṙòkhöre miyöngö Israĕl tö chūök tī chu mānlö patī, hòṅ ngam minë-eny chu nö umuh, öt atöllö tarik chū-ö inrē nö rācha nö i kui vē tarik chu Israĕl;