SAKARIĀ 3:1 - TÖHET LĪPÖRE (Re-edited) Bible (BSI)

¹ Ngaich aga-aṅ nö hameukhö-mat chu tö Yôsuā ök mākūö kūönṙô nö sökhaka nö i kūö ök ma-ahānga aṅ im Mā Tēv, sökhak inrē satān nö lā hāmö nö lā-al ò.

SAKARIĀ 3:1 Referans Kwoze

1 PĪTÖR 5:8

Hayöngöre yin: höngöre. Tön havötköre an ngam sī-ö, ngam tökunyahaṅ elmat tö yīö, nö sā ṙôktô lāyön, nö chöh ap kahā-angre.

T. LŪKÖS 22:31

Sīmōn, Sīmōn; yĕh meukö, Sātān nö hòṅ kichāṅngö meh, nö sā tīre tö sāiny.

Salmai 109:6

Ṙātö tötlöök tarik Man yēḵ nö i kui Ò: hökngen satān nö lahāmö ò.

T. LŪKÖS 21:36

Örheūheu pöri yī-ö aṅhati; ve-ekūötēv inrē; hòṅ yīö min kò ötkô-òngvah tö yanihih u; ngaich söklöre i kūö ngam Kūön Tarik.

MALAKI 3:1

Yĕh meuk, tīntö ma-ahānga chin, ngaich anga-aṅ min nö urĕh tö chu nö halēnkö talöökö; ngaich ngam Mā, ngam chahöh yīö, nöng lūk min nö yih nö el ngam töhet chūök ò; ngam ma-ahangkö ngam kinlēḵngô inrē, ngam chūök kumchiklōn inrē, ngam chūök kumchiklōn yīö, yĕh meuk, yih ana, ṙô ngam Mā Tēv yip tömaṙôngö.

HAKAI 1:1

Im innët samyeūheu ök rācha Tērīös,im tinfūöl chumngëṅtö, im raneh sakāmö ngam chingëṅt, ngam ṙô ngam Mā Tēv nö yih lökten ik pròfĕt Hakai nö in Sērupāpĕl ök kikōyö kūön Sī-altī-ĕl, mahayöng nö i Yūtā, löö in Yôsuā inrē ök kikōnyö kūön Yēhōsatak, ök mākūö kūöṙô, nö ngö ṙô,

1 KINṘÖTNGÖ 21:1

Ngaich söklöre Sātan nö lā-al Israĕl, hachōhöt ellōn Tāvit inrē nö kaheuk yik aṅ Israĕl.

SAKARIĀ 6:11

Hôṅ, in cha man kē rupīö humlum inrē, ngaich vī nup sapīöv rācha, sumpīövlöng ngaich i kui, Yôsuā öp kikōyö kūön Yēhōsatak, öp makūö kūönṙô;

SAKARIĀ 3:8

Ō Yôsuā me-eṅ mākūö kūönṙô, hangihtöre, me-eṅ tö më holmeh inrē më amūchhaka nö i kūö meh; tön tarik yin nö minkahngö; yĕh meuk, pò chu min kēnyö öp tarik re öp Pak.

HAKAI 2:4

Sön pöri yĕh töngamuh hangëṅ-eṅre, Ō Sērupāpĕl, ṙô ngam Mā Tēv; hangë-eṅre inrē, Ō Yôsūa, kikōnyö kūön Yēhōsatak, ök mākūö kūönṙô; hangë-eṅnre in re, ṙòkhöre yī-ö tarik ngam panam, ṙô ngam Mā Tēv, la-evṙen inrē: tön holtöṙah yīö chin, ṙô ngam Mā Tēv, yip tömaṙôngö,

HAKAI 1:12

Ngaich Sērupāpĕl ök kikōnyö kūön Sī-altī-ĕl, Yôsuā inrē ök kikōnyö kūön Yēhōsatak, ök mākūö kūöṙô, holtö yik chööḵṙen yik tarik nö ṙòkhöre, nö hangṙô ngam Mā Tēv ngam Tēv cha, nuk ṙô ök pròfĕt inrē Hakai, sā nuk tö söömtu tö ngam Mā Tēv ngam Tēv cha nö in ò; ngaich yik tarik nö i kūö ngam Mā Tēv nö pa-ekūö.

2 KINṘÖTNGÖ 29:11

Yī-ö kūön chu kikōnyö, uh yin öt ṙūöt töngamuh, tön katöllen yīö an ngam Mā Tēv öi sökhaka i kūö ò, öi meukṙen ò, öi mameukṙen ò inrē föng tötahūsa in ò inrē.

Ranehlö 48:16

Ngam ma-aṅhānga, ngam ṙamānyen chu ṙā-ang i nup taṙòkhöre tötlöök, hakôlò nāṅ nyīö yēḵ; hökngen ngam minë-eny chu nö minë-eny cha, ngam minë-eny nak yöng chu inrē, nā Aprahām nā Isak; ngaich hökngen cha nö sīöplö nö maṙôngö nö ellōn ngih tumlat.

SAKARIĀ 2:3

Yĕh meuk, kiröönngöre ngaich ök ma-ahānga ök vamë-eṅkūö chu, ngaich kiröönngöre inrē ök tahëng ma-ahānga nö höngkūö ò.

SAKARIĀ 1:19

Ngö ṙô chū-ö ngaich tök ma-ahānga ök vamë-eṅkūö chu, Asuh ön në? Sapṙô chu ngaich anga-aṅ, Anū-ö nun në sinrōl töparāti tī tö Yūtā, Israel, Yērusalem inrē.

SAKARIĀ 1:13

Ngaich ngam Mā Tēv nö sapṙô ök ma-ahānga ök vamë-eṅkūö chu tönë tölöök ṙô, në ṙô inṙamlōn.

SAKARIĀ 1:9

Ngaich ngö ṙô chū-ö, Ō Mā chu, asuh ön në? Ngaich ngö ṙô tö chu ök ma-ahānga vamë-eṅkūö chu, Hameukhömat meh chin tö u.

ISIKĪ-ĔL 44:15

Yip kūönṙô pöri lamökngörit Lēvi, yip kikōnyö kūön Sētòk, yip mahayōm ngam töhet chūök chu hē yip tarik Israel nö kiröönngöre nö lō-ongkūö nö ṙāngen chu, yihtöre min nö haröhtöre nö in chu nö meukṙen chu; meukṙen chu inrē cha-a nö kētö tökētu nö in chu tö tösangöö mahām inrē, ṙô ngam Mā Tēv;

ISIKĪ-ĔL 44:11

Cha-a yip min makeukṙen nö el ngam töhet chūök chu, memeukkö minë inkūp kūö talöökö ngam tempöl, la-evṙen inrē nö el ngam tempöl; ṙātnyö likeun töföngö tökētu cha-a min tökētu inrē pòkūö yip tarik, nö meukṙen cha.

YERIMIĀ 15:19

Lökten an ngam Mā Tēv nö ngö ṙô: Yē meh havan havanten meh chū-ö min, ngaich sökhak min me-eṅ i kūö chu. Yē meh ṙô-òv tö tölöök, un öp töt kanôluṙô, ngaich min me-eṅ sā elvāng chu. Havöötöre min cha-a nö in meh, hö-ö pöri min me-eṅ havöötöre in cha.

Salmai 106:23

Lökten Anga-aṅ nö ve-eny re nö piyāingen cha, yē Môsös öre ök atöllö Ò, nö öt söklöre nö i kūö Ò nö i hôi: nö havööngökūö ök lanīnö Ò, ngaich öt halëlngen cha Anga-aṅ.

ESRĀ 5:2

Ngaich Sērupāpĕl ök kikōnyö kūön Sī-ĕltiel, Yesuā inrē ök kikōnyö kūön Yōsatak nö choholre ngaich rultenre nö mānlö ngam patī ngam Tēv i Yērusalem; hol cha inrē yik pròfĕt ngam Tēv, nö holṙen cha.

1 SAMUĔL 6:20

Ngaich ngö ṙô yik tarik aṅ Petsimes, Achiāp tökô nö sökhaka nö i kūö ngam Mā Tēv, ngòh töhet Tēv? Löö in chīö angvöh min nö ṙā-ang in hī?

I. CHÖNGÖ 18:15

Hĕng taka ap min pròfĕt hachohlö ngam Tēv ngam Mā Tēv meh nö in meh, nö ṙā-ang elṙôngö meh, aṅ in yip mak alaha meh, tö sā chu; hang ṙô ò min yī-ö;

I. CHÖNGÖ 10:8

Hē e ngam Mā Tēv nö haköhngen öp miyöngö Lēvī, nö keun öp kasòng chöngö kinlēḵngô ngam Mā Tēv, nö sökhak nö i kūö ngam Mā Tēv nö meukṙen ò hakôlò minë-eny ò inrē söl ing töngamuh.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

ESRĀ 10:18

Aṅ in yik kikōnyö kūön yik kūönṙô töpīhövö tö aṅ tahëng kikānö nö kôti Ma-asāya, Ēliasör, Yārip, Kētaliyā inrē, aṅ in yik kikōnyö kūön Yēsua ök kikōnyö kūön Yōsatak tö yik mak alaha ò.

SAKARIĀ 4:14

Ngö ṙô ngaich anga-aṅ, Anū-ö nun në tönët tak kikōnyö kūön ngam tavī-i, tösökhak nö ranghö ngam Mā-kūö ngih tumlat nö ṙòkhöre.

ESRĀ 2:2

Hol Serūpāpĕl cha-a nö yih, Yesūa, Nahimiā, Serayā, Rē-ĕlaya, Môrtikai, Pilsān, Mispār, Pikvai, Rēhum, Pē-anah inrē. Tum taka yik tarik aṅ in yik ṙôngö Israĕl: