SAKARIĀ 2:4 - TÖHET LĪPÖRE (Re-edited) Bible (BSI)

⁴ Ngaich ngö ṙô tö ò, Fal man, ve-ekūö ngòh ṙāltarik, ngö ṙô, Aṅhaṅvö an min Yērusalem nö sā tuhēt nö öt kinlōnguvö tö ihong, tökūö ṙôken tarik ṙôken nuā inrē nö ël e.

SAKARIĀ 2:4 Referans Kwoze

SAKARIĀ 1:17

Iṙūöhö ṙô hū-a, ngö ṙô, Ngö ṙô an ngam Mā Tēv yip tömaṙôngö, Ṙòngmö taṙēchlöngö nup min elpanam chu tö kanôlò nö parāti; ṙòngmö haṙamlōn Sīyôn min inrē ngam Mā Tēv, ṙòngmö atöllen Yērusalem min inrē.

MAIKA 7:11

Sakāmö hē man katöplö ngam kinlōngö ihong! Ip sakāmö angū-ö min öp kūöngö nö kē-ĕyö.

ISIKĪ-ĔL 38:11

Ngaich ngö ṙô, Kiröönngöre chin min lā-al ngam panam tötkinlōngu tuhēt: Afuktö e chin min in yip tarik töchēvhaka yip mī-iyöng nö öt pinlānguṙen, ṙòkhöre cha-a mī-iyöng lā-uk kinlōngö, öt tö inkālukūö, hēk öt inkūpu;

YERIMIĀ 33:22

Sā minë tömaṙôngö el halīöngö nö öt kanṙeūken minë kuyāyö ngam mai inrē nö öt kanlahen ṙôken, ngatī chū-ö min ṙūölö ṙôken yip kūön Tāvit öp tarik chu, yik kūöṙô inrē lamökngörit Lēvi yip mameukṙen chu.

SAKARIĀ 12:6

Ip sakāmö angū-ö chū-ö min vīten yip mākūö Yūtā nö sā kunrālö i kūö tameūyö nö i nup chōn, sā tanyukngö tameūyö nö in nup afō sāiny; ngaich cha-amin nö keuheūtngöre vahtī tö yip tarik mahavīlen cha lāhāmö lā tavē inrē: Ngaich Yērusalem min nö hēk nö iyöng im chūök re, nö i Yērusalem.

YERIMIĀ 31:27

Yĕh meuk, yih nup sakāmö, ṙô ngam Mā Tēv, hē chu min teūichtö el patī Israel el patī Yūtā inrē tö kulöl tarik kulöl töṙeūla inrē.

Isayā 49:20

Ngaich yip nyīö min töfötnyu i hē ngih miṙivlōn meh nö ngö ṙô min nö elnang meh, Cheūkti ön ngih chūökö nö chūök chu: kētö chūök chu hòṅ chu iyöngtöre.

Isayā 44:26

Öp mahaköpngö öp ṙô öp tarik chu, ngaich hateungngö inlēnö aṅ in yip Tanīnöṙô ò; öp tö ngö ṙô tö Yērusalem, Aṅhavkūö an min; tö nup elpanam Yūtā inrē, Mānlöng nup min, ngaich chū-ö min inrē asöklö nup tö taṙöli chūök umuh:

YERIMIĀ 31:24

Holre min tö Yūtā tö nup elpanam e inrē nö iyöng nö mūl,tö yip tameūch, tö yip mahavöt nö holtö nup sīṅp re inrē.

Isayā 33:20

Ngëichtökui Sīyôn, ngam elpanam chūök tökiröng nyinā-aṅ: meūkö Yērusalem nup min mat meh nö chēvhakaṙen aṅkūö, rūkui töt kē-ĕyö min, öt teuklöng min inrē nup tösaptu chōn, öt rēhĕn nup tökuvaha nö latôki.

1 TIMÒTĪ 4:12

Un tarīku mahakeūngen ṙētö meh, inchōten cha pöri me-eṅ, yip ṙāmātö ellōnre, i ṙô, i inlaha, i hanāngenlōn, i mikah, i hanëtö.

TANĪ-ĔL 1:17

Ngaich ngam Tēv nö kē-ĕkūö cha vē tö fën tak ṙāl tarik tö inköpö huneū-en inrē nö i mat līpöre i mikah inrē; ngaich Tanīĕl nö akaha elmat tö nup mineūkö nup mī-i heūvö.

YERIMIĀ 1:6

Ngaich ngö ṙô chū-ö, Mah, Mā Tēv! Yĕh meuk, hö-ö chin huveū-euṙô ṙô-òv, pò chu höng ṙālö tarik.

ESTÖR 9:19

Lökten yik Yahūti i tuhēt, yik mī-iyöng el tö luvë-akakūö elpanam, nö haköpkö ngam finën sīön sakāmö ngam chingëṅt Atör nö sakāmö ṙanāmölōn tökiröng nyinā-aṅ haneūheu inrē, sakāmö hē cha nö söömngö tö-atöllöng minchööḵö nö in höö.

TANĪ-ĔL 1:4

Tö-ayal töt vahav alaha, tövai töhuveū-en inrē i nup taṙòkhöre mikah, tö aṅhav-in tö inkaha, tö-akaha elmat i inköpö, tökô inrē nö la-evṙen nö el patī rācha, haköptu inrē cha-a tö mat līpöre ëlô aṅ Kālti inrē.

SAKARIĀ 1:16

Lökten an ngam Mā Tēv nö ngö ṙô: Kumtö miṙēlōn chin havan i Yērusalem; mānlöngö öp min patī chu nö in e, ṙô ngam Mā Tēv yip tömaṙôngö hateutnyu öp min tökuvaha nö i kui Yērusalem.

Isayā 54:16

Yĕh meuk, vīlö ngam ramöm vët chin ngam famöölökūö tameūyö nö im ta-ök, ngaich vīlö töchökhukūö aṅtī nö ip chööḵnyö e; vīlö ngam mahalëlhanga chin inrē nö piyāihanga.

SAKARIĀ 14:12

Angū-ö ön min ngih invah tölëlngö kūö aṅtī ngam Mā Tēv nö chökṙen yip tarik kumyung nö lā-al Yērusalem: keuheūtngöre nup min alaha cha nö kā-ayö i saha cha nö ṙòngmö sökhaka röön, keuheūt nup mat cha min inrē nö ël nup chūök re keuheūt inrē min nup litāk cha nö elvāng cha.