SAKARIĀ 12:3 - TÖHET LĪPÖRE (Re-edited) Bible (BSI)

³ Ngaich ngö inlahen min angū-ö ip sakāmö angū-ö, öich vīten Yērusalem min nö ihong tölanganhu nö in vē tarik nö ṙòkhöre; ṙòkhöre min yip lumngānöre tö ò nö pōihangṙen min nö nyāhavö; ngaich ṙòkhöre vē pumnāmö tarik ngih tumlat minnö hamūlöre nö lā-al e.

SAKARIĀ 12:3 Referans Kwoze

T. MËTIV 21:44

Ngòh tösuktöre nö i kui ngòh ihong, laköl min anga-aṅ, nö panyeny. Öp tö fukkui pöri min tö ò, nöng pirāti, sā pitung.

T. LŪKÖS 20:18

Ṙòkhöre yip tösuktöre nö i kui ngòh ihong min, nö laköl. Ap töfukkui pöri tö ò, ngaich panyāich min anga-aṅ tökūö ò.

SAKARIĀ 14:6

Ngaich ngö inlahen angū-ö min ip sakāmö angū-ö, tö e min nö öt hanātu laneūichö pöri tacham inrē tökënngöre.

SAKARIĀ 13:1

Ip sakāmö angū-ö hĕng min öp löklö mak tö löpnyukūö nö i patī Tāvit in yip aṅ Yērusalem inrē, kūö tökööl kūö töthet inrē.

SAKARIĀ 12:11

Ip sakāmö angū-ö min öp yöng miṙivlōn i Yērusalem sā miṙivlōn Hatatrīmòn el öp achāṙö Mekitō.

INMEUKHÖMAT 16:14

Pò cha nö ma-alaha tötlöök sī-ö, vīkö minkahngö; nup chamuh i yip rācha në panam nö ṙòkhöre, nö hamūlö cha nö kiyung, ip tökiröng sakāmö ngam Tēv, Tökeuheūttöre Chöngö.

SAKARIĀ 14:13

Ngaich ngö inlahen min angū-ö ip sakāmö angū-ö, öp yöng tötkô-òtī ṙameū-eung im Mā Tēv min nö in cha; ngaich cha-a min nö kö kētö tīre nö i kël holre, ngaich hachônglö këlre min anga-aṅ nö lā-al tī ngam holre.

SAKARIĀ 12:6

Ip sakāmö angū-ö chū-ö min vīten yip mākūö Yūtā nö sā kunrālö i kūö tameūyö nö i nup chōn, sā tanyukngö tameūyö nö in nup afō sāiny; ngaich cha-amin nö keuheūtngöre vahtī tö yip tarik mahavīlen cha lāhāmö lā tavē inrē: Ngaich Yērusalem min nö hēk nö iyöng im chūök re, nö i Yērusalem.

SAKARIĀ 12:4

Ip sakāmö angū-ö, ṙô ngam Mā Tēv, Öich hachök nup kōra min aṅtī tö unṙehe, aṅtī tö kintūöyen inrē ip mī-i uk ò: milaklö matre chū-ö min inrē i kui ngam patī Yūtā, ngaich chū-ö min inrē i kui ngam pati Yūtā, ngaich chū-ö min inrē kö hachök nup kōra yip tarik aṅtī tö ötmaneūkö.

HAKAI 2:22

Ngaich chū-ö min kuringngö kantēra në pūlngö, ngaich chū-ö inrē min piyāingö kumlēḵ nup pūlngö pumnāmö tarik; kuringngö nup inröl chin min inrē, cha-a inrē yip me-ël u; ngaich nup kōra tö yip aṅ uk u inrē min nö fukngö, tö kūö fël; hanöng kisānöre,

SEFAINIĀ 3:19

Yĕh meuk, hē e chin min lök alaha cha yip mahakihten meh: ngaich chū-ö min hayööken ò öp tökaròk, hamūlan inrē öp tö-ahōṙiyö; ngaich vīten cha chū-ö min nö ineū-euṅ minë-eny inrē, yip mī-ing tumlat nö ngaich tösirōngkūö.

HAPAKŪK 2:17

Kūö ngam chanökhuṙen tī meh tö Lëpanön nö kahultö kui meh min; ngam inlëlngö nuk töṙeūla inrē, ngam lökngen u nö pa-ekūö kūö mahām tarik, chanökhuṙen tī inrē tö ngam panam, tö elpanam tö yip mī-iyöng ël e inrē nö ṙòkhöre.

MAIKA 5:15

Tinī-iv chin min tö invāhalvah i lanīnöre kumlēḵ lanīnöre inrē i kui vē pumnāmö tarik vē töt hamang.

MAIKA 5:8

Ngaich yip chööḵṙen Yāköp min nö in yip pumnāmö tarik nö elṙôngö töpōyen tarik, sā öp lāyön nö in nup töṙeūla el inchōn, sā öp kūön lāyön nö el kiteūm sīṅp: öp ramööntö kui u teūchö u inrē nö pinyënyö, yē ò nö lök umuh, ngaich öt hĕng taka ṙamānyö.

OPĒTIĀ 1:18

Ngaich ngam patī Yāköp min nö tameūyö, ngam patī Yôsĕf inrē nö ha ūṙökūö, ngam patī Isô inrē nö kaṙālö afō, ngaich anū-ö min nö ökngö tī nö in cha, ngaich haṙāpngö u; ngaich rö-ö min tö ōtrevö nö umuh i patī Isô; pò e nö ṙô ngam Mā Tēv.

Isayā 60:12

Pò öp töt lamök la-en chu min pumnāmö tarik, pūlngö inrē nö öt kôlò; hôṅ, hatngö yip min cha-a pumnāmö tarik.