SAKARIĀ 10:4 - TÖHET LĪPÖRE (Re-edited) Bible (BSI)

⁴ Löknyö in ò min öp ihong sinkeukngö, löknyö in ò öp kinsòh, lökyö in ò öp linreny kumyung, löknyö in ò yip mahayöng nö holre.

SAKARIĀ 10:4 Referans Kwoze

SAKARIĀ 9:10

Ngaich chū-ö min rökngen öp inröl nö i Ifrēm, öp kōra inrē nö i Yērusalem, rökiṙen min inrē ngam linreny kumyung; ngaich anga-aṅ min nö in vē pumnāmö tarik nö ṙôtö lanāmö; ngaich öp pūlngö ò min nö löktökūö im mai söl im tahëng mai, löktökūö im Tahël söl i manā-angkūö ngam tumlat.

SAKARIĀ 9:8

Ngaich chū-ö min iyöngtöre havīlö ngam patī re lā-al yip kumyung, ngaich öt hĕng tak min lamöknyö umuh hēk öt mahavantörevö: öt lök umuh inrē min öp mahakihten nö hēk pò chu ngaich kôta mat öich meuk.

KINṘEŪKÖ 24:17

Meūkan chin, öt töngamuh pöri; Hatīönken ò chin, öt röhta pöri: Meutlö öp min taneūsömat nö löklö in Yāköp, Hĕng öp min kinchīṙö minā-aṅ löklö in Israĕl, Ngaich min nö fohtu i nup sinkeukngö kūö Mô-āp, Ngaich likölngö yip kūön Set nö ṙòkhöre.

INMEUKHÖMAT 17:14

Ngaich cha-a vē min nö kiyung nö lā-al ngam pököre, ngaich mihôiṅ min ngam pököre, tö cha, pòn Anga-aṅ Mākūö vē mā, ane inrē Rācha kūö vē rācha; ngaich cha-a min inrē yip hol Ò nö mihôiṅ, yip töhavëtu, tökatöllöng, tökô-en inrē.

2 TIMÒTĪ 2:4

Öt kumyūngu lamök ngam la-en, ma-asānngenre nö i la-en ngih nômö, pò ò nö hòṅ haṙamlōn ò ngam kamūichtö minë-eny ò nö kumyung.

T. MËTIV 9:38

Vë-ekūö ngam mākūö në sāiny yin; hòṅ Ò nö tīntö töla-evṙen nö i në sāiny Ò.”

YERIMIĀ 1:18

Yĕh meuk, vīlen meh chin töngamuh chūök kumyung elpanam, vët machööḵlö, mās kinlōngö, lā-al töhĕng pumnāmö, lā-al ip rācha aṅ Yūtā, lā-al ip kūön rācha e, lā-al yip kūönṙô e, lā-al yip tarik ngam panam inrē.

Isayā 54:16

Yĕh meuk, vīlö ngam ramöm vët chin ngam famöölökūö tameūyö nö im ta-ök, ngaich vīlö töchökhukūö aṅtī nö ip chööḵnyö e; vīlö ngam mahalëlhanga chin inrē nö piyāihanga.

Isayā 49:2

Ngaich vī elvāng chu anga-aṅ nö sā tökeut tachôi, elnyat kël re tī anga-aṅ nö hayunngen chu; ngaich vī-i chu anga-aṅ öich chòk töfaṙëcha alaha, halinngen chu anga-aṅ el chūök chòk:

Isayā 19:13

Kulō-ov yip nö ngaich kūön rācha aṅ Sō-an hachīlö yip kūön rācha aṅ Memfis; pô-òvkūö yip nö ngaich tö Aikup nö lō-ongkūö, cha-a ihong kūö sinkeukngö yip miyöngö ò.

Salmai 118:22

Ngam ihong tö so-òv tö yip mamānö: vītöre nö yöngkūö sinkeukngö.

ESRĀ 9:8

Ngaich pöri töngamuh nöng rahëichtaṙen nö hameuktu ngam miṙēlōn ngam Mā Tēv ngam Tēv ih, nö ṙāngen ih chööḵṙen, kē-ĕkūö ih inrē tö linaklöre el ngih töhet chūök, hòṅ ngam Tēv nö ahatlö elmat ih el ngih inkövö.

1 SAMUĔL 14:38

Ngö ṙô ngaich ang Sôl, Ṙūötöre yin ihih, yī-ö mākūö vē tarik: ngëichkö öp chūök ngih tökööl i ngih sakāmö hôiṅ akahalōn.

Ranehlö 49:24

Ngaich pöri ngam linreny ò im kumlēḵ nö ngöhakṙen, vītu inrē nö kalēḵ minë takeun kël ò lökten i tī ngam Tökeuheūttöre chöngö in Yāköp; (aṅ in e ap yōmpököre, ap ihong in Israĕl).

T. LŪKÖS 20:17

Ngaich ngëichken cha anga-aṅ, ngaich ngö ṙô, Asuh öng ngih töngö kinūichngö, Ngòh ihong sahōḵo yip ma-mānö, ngaich anga-aṅ nö vīlöngö nö yöngkūö sinkeukngö.

EFISÖS 2:20

Pòi mānlöngö sā patī, i kui chūökrööntö machööḵlö yik tanīnöṙô, pròfĕt inrē: ihong ang Kristū Yēsū nö yöngkūö sinkeukngö:

1 PĪTÖR 2:6

Pò e nö i mat ngam töhet līpöre Yĕh meuk, ṙātö ihong chin yöngkūö sinkeukngö i Siyôn, tökatöllöng, töpōi ṙāi; ngòh ṙamātö ellōnre nö in Ò öt sumrōngikūö min.

YERIMIĀ 51:20

Mūngöre chu Man me-eṅ aṅtī inrē i kinyūngö: aṅtī-ten meh chin liköl pumnāmö tarik nö panyeiny; antīten meh chin piyāingö pūlngö;

Isayā 28:16

Lökten an ngam Mā Tēv nö ngö ṙô, Yĕh meuk, ngaich chin ṙātö ihong rööntö machööḵlö Sīyôn, tö kalaha nganëḵeṅ ihong, töpōiṙāi ihong sinkeukngö nö tököp: öp ṙamātö ellōnre min öt kunrātuṙen.