SAKARIĀ 10:2 - TÖHET LĪPÖRE (Re-edited) Bible (BSI)

² Pò nup tēraf nö minyôiy-aṅ ṙô, yip chamòng alaha inrē nö meuk minyôiny-aṅ; mi-nyôiny-aṅ ṙô cha-a inrē nö vë-eny heūvö, chök alaha ṙô nö haṙamlōn: lökten cha nö kiröönngöre nö el talöö-köre nö sā sīṅp, kihten cha-a, pòn öt yōm pökörevö umuh.

SAKARIĀ 10:2 Referans Kwoze

T. MËTIV 9:36

Hē Ò pöri nö meuk yik tömaṙôngö, ngaich aṙē-ĕlōn Anga-aṅ tö cha; pò cha nö ötkôlò, parāta inrē, sā pököre töt yōmu.

HAPAKŪK 2:18

Asuāp kanôlò tī töka-īpö insātēv, tö lökten öp vamī nö ka-īpö e; ngam töhaṙöichö insātēv, tö ngam töminyôiny-aṅ mahaköphöti? Ngam chūök ngam vamī-i ò nö hayönglen re, nö vī nup töt ṙô-òvö insātēv?

HŌSĪ 3:4

Pò yip kūön Israel min nö ngöh nö ṙōl sumkam nö öt rācha vö, öt kūönuvö rācha, öt kētuvö tökētu, öt insā-av tēv, öt sörplissu hēk nup teraf.

ISIKĪ-ĔL 34:5

Lökten u nö parātiyö, pòn öt yōm pökörevö umuh; ngaich kētöre anū-ö nö nyā-aṅkūö nup tö tainy aṅ el inchōn.

YERIMIĀ 27:9

Lökten yin ui hang ṙô yip pròfĕt re, yip chamòng alaha in yīö,yip hameūv in yīö, yip vamë-eny mu-unôich in yīö, hēk yip tömilūönö in yīö, yip tö ngö ṙô tö yīö, Hö-ö yin hō kūön alaha öp rācha aṅ Pēpilön.

Ranehlö 31:19

Kiröönngöre ang Lēpān nö i kinmööpö nuk sīṅp: ngaich ang Rēchöl nö ulāingö ök insā tarik ök me-el patī ök kikōnyö yöng ò.

ISIKĪ-ĔL 34:8

Sā chu tö-aṅ, ṙô ngam Mā Tēv, kūö minë pököre chu nö vītöre nöng pôḵ, vītöre nun minë pököre chu nöng nyā-aṅkūö nup tötainy aṅ el inchōn, pòn öt yōm pökörevö umuh; kūö yip yōm pököre chu inrē nö öt chöh nup pököre chu, höng ha-aṅhalre pöri yip yōm pököre, ngaich rö-ö nö ha-aṅlö nup pököre chu;

MAIKA 2:12

Ō Yāköp öthō chin min öt hamūlö yīö ṙòkhöre; hamūl yip chööḵṙen Israel chin min; mūl min tö tī chu sā nup sīṅp i Pôsrah; sā nup pököre nö ellōn öp kiyôp u, pōitô min anū-ö tökūö ṙôngö yip tarik.

ISIKĪ-ĔL 21:29

I saha cha nö ngëichkö minyôiny tömeūkö tö pòkūö yīö, i saha cha nö minyôiny nö chông alaha tö pòkūö yīö nö tö hakeunlöng nö i likeun yip töthet tötlöök, yip tösakāmuvö tö ngam yamih, ngam ṙētak öp manā-aṅ sācha cha.

ISIKĪ-ĔL 21:21

Pò ngam rācha aṅ Pēpilön nö sökhaka nö i kanānngökūö talöökö, i kui nup tönët talöökö, nö chông alaha; kilangkö nup chòk an, hatöntöre an nö i nup teraf, ngëichkö ngam alip an.

INRĀMÖRE 2:14

Meuk minyôiny-aṅ yip pròfĕt yīö inchīl elmat inrē tömeūkö; hö-ö yip nö hameuk tö öt lanöökö yīö hòn havanten yīö öre i kanòlò yīö, meuk töminyôiny-aṅ pöri cha-a tömeūkö inlō-ongkūö inrē.

YERIMIĀ 51:23

Aṅtīten meh chin liköl yōm pököre nö panyeiny tö nup pököre ò inrē; aṅtīten meh chin liköl vamī panô-òṅ nö panyeiny tö yip hol ò inrē; aṅtīten meh chin liköl mahayöng nö panyeiny tö yip yöngṙen kumyung inrē.

YERIMIĀ 50:17

Sā sīṅp an Israel tölū-u nö ahōṙö tö lāyön. Urĕh ngam rācha aṅ Asīriā nö kāngen ò, möl töngamuh nö uhē-ĕren Nepukatnēsör rācha aṅ Pēpilön nö kulih tangëḵ ò.

YERIMIĀ 37:19

Isuh yik pròfĕt meh yik vamë-eny ṙô nö in meh, nö ngö ṙô, Öthō ap min rācha aṅ Pēpīlön nö yih nö lā-al yīö lā-al ngih panam inrē?

YERIMIĀ 29:8

Tön ngö ṙô an ngam Mā Tēv yip tömaṙôngö, ngam Tēv Israel: Un hökiṙen yip pròfĕt yīö tö yip chamòng alaha in yīö inrē nö hachīlö yīö, un hāngö ṙô nup heūvö aheūv cha.

YERIMIĀ 28:15

Ngaich ngö ṙô ök pròfĕt Yerimiā tö ök pròfĕt Hananiā, Hang man, Hananiā, Hö-ö an ngam Mā Tēv nö tīnten meh, ngaich man vīten vē tarik nö hayönglenre nö i minyôiny-aṅ.

YERIMIĀ 23:17

Höng iṙūöhö ṙô yip tö cha yip töt chumkūöṙen tö ṙô ngam Mā Tēv, nö ngö, Lööken an min nö in yīö; in ò inrē ap töthanvööken kūö nö tömrit lōnre, ngö rô cha-a, Öthō yin teunghukui tö tötlöök.

YERIMIĀ 14:22

Tökô-òv hòng umuh i nup tötkò-en tēv pumnāmö tarik nö kētö kumṙah? Hēk kô ön minë halīöngö nö kētö tö-aṙöka kumṙah? Ō Mā Tēv Tēv ih, röh öm me-eṅ anga-aṅ? In meh in öi meūka, pò në nö ṙòkhöre nö tī meh.

YERIMIĀ 14:13

Ngö ṙô chū-ö ngaich: Aōla, Mā Tēv, yĕh meuk, ngö ṙô yip pròfĕt tö cha, Hö-ö yin min meuk sanët, öt rēhĕn inyāichö nö in yīö, kē-ĕkūö yīö pöri min chū-ö tö tökô-en lanāmö i ngih chūökö.

YERIMIĀ 10:8

Tökulō-ov mikah, hĕnghöre tökulō-ov anū-ö: höng chōn öp inköphöti tö nup insā tēv!

YERIMIĀ 8:11

Hönghöhen tī yip nö halanken innyahkö vē tarik chu, ngö ṙô, Lām, lām, yĕn rö-ö nö lanāmuvö nö umuh.

YERIMIĀ 6:14

Höng höhen tī yin nö halanken innyahkö vē tarik chu, ngaich ngö ṙô, Lām, lām, yĕn rö-övö nö lanāmu nö umuh.

Isayā 46:5

Sā chīö min tö tī yīö öich haṙongtu, haṙongtu chū-ö inrē, pò ai hōtu hĕngren?

Isayā 44:9

Ṙòkhöre yip vamī isātēv nöng törö-öv, ngaich nup lōn cha vāhī cha nöng öt tökanôluṙô: öt rēhĕn yip mameuk nö meuk, öt rēhĕn nö akahalōn, tö cha min nö sumrōngikūö.

NGAM LĪPÖRE YŌP 21:34

Sitih inlahen öm me-eṅ min haṙamkölōn chu tötöng öt aṅhavö? Öt ōtre umuh sanap ṙô meh höng minyônyaṅ.

NGAM LĪPÖRE YŌP 13:4

Ane yin yī-ö mī-isohnyö mi- nyôinyaṅ; ṙòkhöre yin lamë-en tövahavö töt kanôluṙô.

1 RĀCHA 22:17

Ngö ṙô ngaich anga-aṅ, Meūkö Israĕl chin öp tö parāta i kui minë rôngö, sā sīṅp töt yamūmuvö: ngaich ngö ṙô ngam Mā Tēv Rö-ö yin vē nö töyōmu; hökngen cha nö kö havantöre nö i patī re im kumchikṙen.

KAMHÔKA 18:14

Kaknyöre ngaich yik tö taneui tak tarik yik mu-ulāikö matre nö ngëichngö ngam panam Lais, ngö ṙô cha-a tö yik holre, Akahalōn öyih tö në patī nö aṅhaṅv tö fanūmṙat, insā tarik insātēv, töhaṙöichö inrē insā? Lökten yīö pöchö meuk öp inlahenre.

KINṘEŪKÖ 27:17

Öp mu-urēhĕkūö cha nö kunyī-inyre, öp mu-urēhĕkūö cha inrē nö kuhēthötre, öp kamëhötnen cha inrē; hòṅ vē ṙôngö tarik ngam Mā Tēv nö öt sā sīṅp töt yōmuṙen.

T. MĀKÖS 6:34

Yôkti ngaich Anga-aṅ, ngaich meuk yik tömaṙôngö. Aṙē-ĕlōn ngaich Anga-aṅ tö cha; pò cha nöng sā pököre tötyōmuvö. Kaknyöre ngaich Anga-aṅ nö marô-òtô nö haköpten cha.

YERIMIĀ 23:32

Yĕh meuk, lā-al cha chin yip vamë-eny töminyôiny-aṅ heūvö, ṙô ngam Mā Tēv, yip vamë-eny nang cha inrē mahachōngö yip tarik chu inrē nö lō-ongkūö tökūö minyôiny-aṅ cha ane inrē kūö öt pinhë-eṅkūö cha tö pinlāngen, hē chu rö-ö tīnten cha hēk tölṙô cha; lökngen cha nö öt kanôluṙô tī tö vē tarik, ṙô ngam Mā Tēv.

SAKARIĀ 11:17

Tötkôlö ana ngam tötkanôlu- ṙô yōm pököre ngam ṙamā- ngö nuk pököre i takeun kël ò ap min fël, lāhāmö mat ò inrē: keuheūtngöre ap min takeun kël ò nö nyôngö, ngaich ap lāhāmö mat ò min nö keuheūtngöre nö sangūla.

I. CHÖNGÖ 13:2

Ngaich ap minkahngö hēk ap pinngangkūö nö teungtökūö, ngaich löknyô ò nö vë-ekūö meh, nö ngö ṙô, Tā-a töi tömrit tahëng tēv nup töt mikahkūö meh, öi lök la-en u inrē:

Isayā 41:29

Yĕh meuk, ṙòkhöre yip nö la-evṙen tö chanök alaha ranö-övö inrē: kuföt kinlūöchöre el kui inrē nup insā tēv cha töhaṙöichö.

Isayā 44:25

Öp maharahngö minkahngö töminyôiny-aṅ, ngaich vī yip chamòng alaha nö kulō-ov yip mahavöökūö tö-akaha tarik, ngaich vīngen nup huneū-en cha nö kumlō-ov:

YERIMIĀ 27:10

Pò e nö minyôiny-aṅ ngam ṙô cha nö ve-eny nö in yīö, ngam lökngen yīö min kē-ĕyö marôvat ṙā-ang im panam yīö, ahōnyen yīö chū-ö min inrē, ngaich yī-ö min lëlngö.

YERIMIĀ 27:14

Uh yin hang ṙô yip pròfĕt yip tö ngö ṙô tö yīö, Hö-ö yin hō kūön alaha ap rācha aṅ Pēpilön, tön minyôiny-aṅ angū-ö ngam ṙô cha nö in yīö.