SAKARIĀ 10:1 - TÖHET LĪPÖRE (Re-edited) Bible (BSI)

¹ Havëkö kumṙah yin in Mā Tēv ip hē öp lā unôich kumṙah im Mā Tēv ngam vamī në hanyālö; ngaich anga-aṅ min nö kē-ĕkūö cha tö tö-aṙöka kumṙah, nö kö i nup i kiyôp el kahôyö.

SAKARIĀ 10:1 Referans Kwoze

Isayā 44:3

Pò chu min ṙöstö mak i kui ngam panam töyal, töhëm mak inrē im tönyô tumlat: ṙöstö ngam Töhet Fanöinylöre chin min i kui yip kūön meh, inkôlò inrē i kui yip samīöplö nö löklö in meh.

YĀKÖP 5:7

Kahōlö, hamöitöre yin tölngö ip yanihih ngam Mā. Yĕh meuk ngam töpanô-òṅvö nö hökkö tölöök ṙòng aṅ ngih panam, pò Ò nö möi nö in e, hanöng saha öp manā-aṅ kumṙah.

ISIKĪ-ĔL 36:37

Ngö ṙô an ngam Mā Tēv: Angū-ö ngih inrē öich hökngen ngam patī Israel min nö ve-ekūö chu la-evṙen chööḵnyöten tö cha; öich ṙūölö ṙôngö yip tarik cha nö sā pököre.

Isayā 30:23

Ngaich anga-aṅ min nö kētö kumṙah kulöl meh, hòṅ meh aṅtī tö u teūich ngam tumlat: nya-aṅkūö inrē nup tösīöplöre ṙôken nö el ngam tumlat kôlò min angū-ö pōyen aṅkūö inrē: ip sakāmö angū-ö nup nuā meh min nö pōiti chūök nö nyā-aṅvkūö.

Salmai 65:9

Chöhkö ngih panam Man, ngaich hamākö e, pōyen tī Öm hakôlò e: tööḵlö an ngam tahël ngam Tēv tö mak; meūken yip tö Meh tö sāiny, pò Meh halēn ngam panam.

I. CHÖNGÖ 28:23

Mās ngam i kui meh min halīöngö vët ngam tumlat min nö elkatòh meh.

T. YÔHAN 16:23

Öt havëkuvö yin min in Chu, hē e. Tökô-ò ṙô Chin tö yīö, Yē yīö min havëkuvö im Yöng, kētö e min Anga-aṅ nö in yīö, nö i Mine-eny Chu.

MAIKA 5:7

Ngaich min yip chööḵṙen Yāköp nö el ṙôngö töpōyen tarik sā tacham ṙameū-eung im Mā Tēv, sā inṙökö kumṙah i kui kiyôp; öp töthamökkö tarik, öt rēhĕn nö hökkö yip kūön tarik.

AMŌS 4:7

Ngaich chin inrē ṙap röön ngam kumṙah nö in yīö yĕn ṙòngmö lūöi töre chumngëṅtö ap inmūlö ṙòng: ngaich chū-ö vīten e nö kumṙah nö i kui töhĕng elpanam, sōten e inrē nö kumṙah nö i kui tahëng elpanam: hĕng kang chūök ap tö kumṙahtu kui,ngaich ap tö kumṙahtu kui nö öt nyangngö.

HŌSĪ 10:12

Teūich tö e inrē im lanöökö, uvòh sā ngam miṙēlōn liruklö ngam tumlat meh töt kuköhö; tön ṙētak chinöhö ngam Mā Tēv an nö ngaich, hanöng saha yanīhih ò nökumṙahtö lanöökö nö i kui yīö.

ISIKĪ-ĔL 34:26

Vīten ngam inkôlò chin min in cha in nup chūökö inrē mahavīlö ngam rung chu; ngaich chū-ö min tīntö ngam tö-aṙöka kumṙah ip hē e: ngaich angū-ö min tö-aṙöka kumṙah nö inkôlò.

YERIMIĀ 14:22

Tökô-òv hòng umuh i nup tötkò-en tēv pumnāmö tarik nö kētö kumṙah? Hēk kô ön minë halīöngö nö kētö tö-aṙöka kumṙah? Ō Mā Tēv Tēv ih, röh öm me-eṅ anga-aṅ? In meh in öi meūka, pò në nö ṙòkhöre nö tī meh.

YERIMIĀ 10:13

Yē ò nö kaknyö ṙôre payāvlöng ngaich nup mak el halīöngö, vīlö minë vang ṙanāchö anga-aṅ inrē nö tafūnlöng nö ṙā-ang i manā-angkūö ngam tumlat. Vīlö hanyālö anga-aṅ tökūö ngam kumṙah, kēnyö ngam kuföt anga-aṅ inrē nö ṙā-ang el chūök chehen ò.

Isayā 5:6

Piyāingö e chin min; ngaich angū-ö min nö öt kamöpka rōi aṅ öt rēhĕn nö fūngö tumlat; sīöplö pöri min nö umuh vòk nūötö töchökhu kūö inrē: ngaich tölṙô minë taṙul chū-ö min nö kumṙah nö i kui e.

INCHŌḴ-OṘÔ 16:15

Nômö ap umuh i hanātökūö ngam rācha, sā taṙul öp neūkölōn ò inrē tökumtö kūö sūng kumṙah.

Salmai 104:13

Hamak minë rôngö An nö löknyö i minë urôhò re: tööḵngen an ngam tumlat tö ṙòng minë la-en Ò.

YERIMIĀ 51:16

Hē ò nö kaknyö ṙô re talūöklöng ngaich minë mak el minë halīöngö, vī vang tacham inrē anga-aṅ nö veūklö nö löktö manā-angkūö ngam tumlat. Vī hanyāṅlö kūö ngam kumṙah anga-aṅ, ngaich kēnyö ngam kuföt nö ṙā-ang el öp inchūökngö e tö ò.

1 RĀCHA 17:1

Ngaich ang Ĕlaicha ök aṅ Tispeh, ök aṅ i yik yamih aṅ Kīlīöt, nö ngö ṙô tö Ahap, Sā ngam Mā Tēv nö tö-aṅ ngam Tēv Israĕl, ngam tö-aṅhāṅvkūö tö chu sökhaka, öt tachāmuvö min tö rēhĕn öt rēhĕn nö kumṙāhav i në samyeūheu, höng sā ngam ṙô chu pöri.

1 KÒRIN 3:6

Teūchhöti chū-ö, ṙösö tö Apòlös; ngam Tēv pöri kamëtö ṙôken.

HŌSĪ 6:3

Akahalōn in yĕh, tā-a töi tömrit ngam mikahkūö tö ngam Mā Tēv; kô-en an ngam kinröṅngö ò nö sā peuheū: ngaich yih min anga-aṅ nö hēk nö in hī nö sā kumṙah, sā öp manā-aṅ kumṙah öp tö mākutī tö tumlat.

Salmai 72:6

Sā chinhūṅtö kumṙah yanīhi An min nö i kui kiyôp tö kamöpö: sā öp kumṙah ṙamös ngih panam.

NGAM LĪPÖRE YŌP 29:23

Hökken chu cha-a sā hinökkö kumṙah; vā-alkūö re inrē cha-a nö höng kumṙah kūö aṙū.

Salmai 135:7

Vītö nup hanusngö anga-aṅ nö yônlö löklö manā-angkūö ngam tumlat: vī hanyālö ngam kumrah Anga-aṅ; kētö kuföt Anga-aṅ nö ṙā-ang öp chūök re.

YERIMIĀ 5:24

Hö-ö yin nö ngö ṙô nö ellōn re, Tā-a töi pa-ekūö töm Mā Tēv ngam Tēv hī, ngam kamëtö kumṙah ip hē re, kumṙah ilūöi, kumṙah kūö-arūṙö inrē, ngaich haköpi pòkūö hī në sinat sumkum tövīlöngö tökūö inmūlö ṙòng taneūich.