SAKARIĀ 1:8 - TÖHET LĪPÖRE (Re-edited) Bible (BSI)

⁸ Meuk chin töhatööm, yĕh meuk hĕng tak öp tarik i uk öp tangāṅv kōra, ngaich sökhak anga-aṅ nö i nup chōn martil nup lamātaṙeū; ngaich lā uk ò nuk kōra, töturë, tököinyö tunëṙö, tö-isoh inrē,

SAKARIĀ 1:8 Referans Kwoze

INMEUKHÖMAT 6:4

Ngaich yihtöre ök tahëng nòng kōra, tangāṅv kōra; ngaich ap mī-i-uk ò nö kē-ĕvkūö nö kēngö lanāmö nö ṙā-ang ing panam, pòn hōtu cha-a inrē nöng kö fëlngen höö: kētuvö inrē nö in Ò ök hĕng nòng tökiröng sanët.

INMEUKHÖMAT 2:1

Ngö tī kūich, löö ip Ma-ahānga ap māṅ i Efisös, Ṙô Ò nun në, ngam ṙamapkö minë tö sat taneūsömat nö lāhāmöre, ngam vamāngngöre nö lök ellōn minë humlum chūökröön tö manyak:

SAKARIĀ 13:7

Ō fël, chōholre man lāḵlö öp yōm pököre chu, lāḵlö öp tarik inrē öp hol chu, ṙô ngam Mā Tēv yip töma- ṙôngö. Hachök ap yōm pö- köre, ngaich parātiyö min nup sīṅp; ngaich chū-ö min havāngtö këlre i nup kuöṅnö.

Isayā 55:13

Ṙënngen töchökhu kaha nup för chōn min nö yih, ngaich ṙënngen nup pīkōḵ nö yih nup tötahūsa rōi chōn min; ngaich min nö inköpkölōn tö ngam Mā Tēv, minkahngö nö töt ranökngenṙen.

Isayā 41:19

Ul tö sītör chin min el tönyalnyi, tö akasīa chōn martil inrē, tö chōn tavī-i; el tönyalnyi tī chin min tö för chōn, tö pāin, chōn kasòng inrē nö holre:

TANĪ-ĔL 7:13

Ngaich meuk chū-ö i heūvö tö hatööm, Yĕh meuk, holtö taṙul ngam halīöngö. Hĕng tak ök umuh yamih tö sā kūön tarik, yih anga-aṅ nö i nuk sakāmö mā misī, ngaich kētu anga-aṅ nö i kuö ò.

TANĪ-ĔL 7:2

Ngö ṙô ngaich ang Tanīĕl, Meuk chin ip heūvö chu tö hatööm, yĕh meuk, minë töfën lā kuföt ngam halīöngö nö pasavlöng tī tö ngam tökiröng mai.

TANĪ-ĔL 2:19

Hameuktu ngaich nö in Tanīĕl ngam ötmikahkūö nö mimeūkö tö hatööm. Ngaich Tanīĕl nö hakôlò ngam Tēv ngam halīöngö.

Isayā 57:15

Tön ngö ṙô An ngam lātulöng ngam tömarô-òl chūök, ngam mī-iyöng im tötchnūhuvṙen, ngam tö minënyu tö ngam Töhet: Iyöng lātulöng chin Töhet chūökö inrē hol ò inrē öp tö haṙivlōn tö tökööl re, töyāichö ellōn inrē, mahā-aṅ ma-alaha öp yāich, ane inrē mahā-aṅ nômö öp töhaṙivlōn tö tökööl re.

NGAM LĪPÖRE YŌP 4:13

I nup lōn Tömeūkö tö hatööm, Yĕn lapat ap inṙôhò nö i tarik,

1 RĀCHA 3:5

I Kipīön ngam Mā Tēv nö meūkö tö Sòlòmön tö hatööm nö i heūvö: ngaich ngö ṙô ngam Tēv, Kē-ĕkūö meh chin min töp havëkö meh.

YÔSUĀ 5:13

Ngaich ngö inlahen angū-ö, hē Yôsuā nö röhta nö i Yerikō, ngëicha anga-aṅ nö chingôhòlkūöre, ngaich meuk ök tarik hĕng tak i kūö ò tö-aṅhāṅv eltī tö sanët: ngaich chuh in ò Yôsuā ngaich ngö ṙô tö ò, Lamā in ih ömeh, hēk lā-al ih ṙöng?

Ranehlö 20:3

Yih pöri ngam Tēv nö in Apimelek tö hatööm nö i heūvö, ngaich ngöṙô tö ò, Yĕh meuk, töng kupah man öre öm tarik, kūö ngam kikānö ngam kahë meh; pòn pīhö öp tarik angā-aṅ.

Sòlòmön 6:2

Chuh el ök panô-òṅ re ök hanāngen chu, el chūök tötahūsa, ha-aṅlö nup chehen re nö el panô-òṅ, hamūl lilī inrē.

Sòlòmön 2:16

Chū-ö chu ap hanāngen chu anga-aṅ chū-ö inrē, ha-aṅlö nup sīṅpre an nö i nup lilī.

INMEUKHÖMAT 6:2

Ngëicha chū-ö ngaich, ngaich meuk ök hĕng, töhĕng nòng tö-isoh kōra, ngaich anga-aṅ ök mī-i-uk ò nö hĕng nòng aṅ in tö linreny, ngaich hĕng ök sapīöv tö kētu nö in ò, yihtöre anga-aṅ, ngaich nöng mihôiṅhöre nö kiyung.

NAHIMIĀ 8:15

Tö cha inrē nö hōtu nö ahangkö e i nup elpanam cha i Yērusalem inrē ʽʽKuṙòh chuh kui nup rung kēḵ nup pak òliv, aṅ el inchōn òliv, martil, kachūr, nup törōyu inrē chōn öi vī sanrā, sā kinūichngö e.ʼʼ

SAKARIĀ 1:7

Im tönët anāi sakāmö ngam kinhuk sīönö chingëṅt, ngam chingëṅ Sēpāt, im innët samyeūheu Tērīös,ngam ṙô ngam Mā Tēv nö yih nö löö in Sakariā ök kikōnyö kūön Pērikayā, ök kikōnyö kūön Aitō, ök pròfĕt, nö ngö ṙô,

SAKARIĀ 1:10

Ngaich ök tarik ök tö sökhaka nö i nuk chōn martil nö ngöṙô nö sapṙô, Acha-a yin vē tötīntu tö ngam Mā Tēv nö keuheūt kū-öre nö lök ing tumlat.

SAKARIĀ 1:11

Ngaich cha-a nö sapṙô ngam ma-ahānga aṅ im Mā Tēv ök tösökhaka nö i nuk chōn martil, nö ngö ṙô, Keuheūt kū-öre in lök im tumlat, ngaich; yĕh meuk, ṙòkhöre nun në tumlat nö ūichhakṙen nöng öt halöinyköre, nö heūheure.

Ranehlö 46:2

Ngaich ngam Tēv nö vë-ekūö Israĕl nö i heūvö tö hatööm, nö ngöṙô, Yāköp, Yāköp, ngaich ngöṙô angā-aṅ, Ihih chini.

KINṘEŪKÖ 12:6

Ngaich ngö ṙô anga-aṅ, Hang në ṙô chu: Yĕn hĕng tak Pròfĕt in yīö, ngaich Chū-ö Mā Tēv min mikahtökūö ò tö re i inmeuktöre, vë-ekūö ò Chū-ö min i heūvö.