SAKARIĀ 1:5 - TÖHET LĪPÖRE (Re-edited) Bible (BSI)

⁵ Yik muvöhngö yīö isuh yip? Yip pròfĕt inrē örheūheu yip nö aṅ?

SAKARIĀ 1:5 Referans Kwoze

Mumkahten 12:5

Pa-ekūö cha-a inrē tö öp lā tulöng, el talöökö inrē pinhë-eṅkūö; pöpnyöre ṙòng tapōngòng chōn fiṙëchröönre ngam hāyö nö kiröönngöre öt teūngen inrē tö lōn re; pò ngam tarik nö chuh im patī re tö örheūheu, ngaich yip töhaṙivlōn nö lök el talöökö nö kiröönngöre;

Mumkahten 12:7

Havantöre ngam pitung nö el tumlat nö sā re misī, havantöre inrē ngam ma-alaha nö im Tēv ngam kamëtö e.

HEPRĀI 9:27

Sā ngih nö ngaich nö hachöngtuṙen, tö tarik nöng hĕng heuh kinpaha; unôichrit e ngam kinṙôka.

INLAHEN 13:36

Pò Tāvit nö ngaich nö kapah, ngaich holtöṙah yik muvöhngöre, ngaich chahū-uyö; tö kinheūṅten ò nö lök la-en ngam Tēv, ik hē ò.

T. YÔHAN 8:52

Ngaich ngö ṙô yik Yahūti tö Ò, Akahalōn takô in ngaich, tö Meh sī-u aṅ in. Kapah ök yih Aprahām tö yik pròfĕt inrē; ngaich Me-eṅ ngö ṙô, Yĕn hĕng tak tarik mahaköp ṙô Chu, öt hōḵ min anga-aṅ nö kapah.

Mumkahten 1:4

Kiröönngöre tö hĕng köl chap, yih inrē töhĕng köl chap, örheūheu pöri ngam tumlat nöng ngöh.

Salmai 90:10

Samat anāi nun në samyeūheu ih, hēk höngkūö kumlēḵ nö hëvhör anāi: sön pöri ngam kumlēḵ u, nöng ṙanëyö, miṙivlōn inrē; pò e nö ka-euingö rit, ngaich öt ōtre īhö.

YERIMIĀ 36:28

Kē tahëng tölirōlö chūök kinūichö ngaich kūich mat e tö nup ṙô tö ngaich i mat öp mu-urĕh tölirōlö chūök kinūichö, ök töföngi tök rācha aṅ Yūtā ang Yēhōyakim.

INRĀMÖRE 5:7

Köölö fālen yip yöng ih, hö-ö ngaich nö ōtre; keun öt lanöökö cha in ngaich.

1 SAMUĔL 25:1

a Kapah ngaich ang Samu-ĕl: hamūlöre ngaich yik aṅ Israĕl nö ṙòkhöre ngaich harāman yik tarik, lāpngen ò ngaich i patī ò i Rāma. Choholre ngaich Tāvit, ngaich chuh el ök tönyalnyi i Paran.

2 RĀCHA 13:14

Vahavö ngaich ang Ēlaisa tök invah lökngen ò nö kapah: yihtöre ngaich ök rācha aṅ Israĕl ang Yēhōas nö in ò, ngaich peuinyhö kūö ò, nö ngö ṙô, Yöng chu, Yöng chu! Inröl aṅ Israĕl aṅ uk kōra tarik inrē!

2 RĀCHA 13:20

Kapah ngaich ang Ēlāisa, lāpngen ò cha-a ngaich. Ngaich yik kumyung aṅ Mô-āp nö kayīngtöre nö im panam ik yanīhih ngam samyeūheu.