SAKARIĀ 1:4 - TÖHET LĪPÖRE (Re-edited) Bible (BSI)

⁴ Uh yin sā yik muvöhgö yīö, yik tövë-evkūö tö yik pròfĕt mu-urĕh, nö ngö ṙô, Ngö ṙô an ngam Mā Tēv yip tömaṙôngö, Havan yin ṙā-ang minë tötlöök talöökö yiö,töngamuh, ṙā-ang, minë tötlöök la-en yīö inrē: hö-ö pöri cha-a nö hang, öt rēhĕn nö hangihtöre tö ṙô chu, ṙô ngam Mā Tēv.

SAKARIĀ 1:4 Referans Kwoze

Salmai 78:8

Hòn öt sā yik yöng re töt hanlöinyken, ane inrē maha-ôngen nö tumkölchap: tumkölchap nö töt mahachiptö ellōnre, yik töt köpö ellōn nö im Tēv.

ISIKĪ-ĔL 33:11

Ngö ṙô tö cha, Sā chu tö-aṅ ṙô ngam Mā Tēv, öt kuchīkölōn chin i kinpaha tötlöök, lahë pöri ngam tötlöök nö havööngökūöre tö talöököre ngaich aṅ; havantöre, havantöre ṙa-ang i nup tötlöök yīö; kūöyòh ṙöng öi min kapah, Ō patī Israel?

YERIMIĀ 35:15

Tīntö yip tarik re chin in yīö yip pròfĕt, tīnten cha nöng iṙūöhen, nö ngö ṙô, Kö havööngökūöre yin ṙā-ang tötlöök talöököre, halööktit nup la-en yīö inrē, uh yī-ö inrē tömrit tahëng tēv öi lök la-en u,ngaich yī-ö min iyöng im panam ngam kahëtö chu in yīö in yik yöng yīö inrē. Hö-ö pöri yī-ö asītö el nangre hēk hangṙô chu.

SAKARIĀ 1:3

Lökten man ngö ṙô tö cha, Ngö ṙô an ngam Mā Tēv yip tömaṙôgö: Havantöre yin in chu, ṙô ngam Mā Tēv yip tömaṙôngö, ngaich chū-ö min havatöre in yīö, ṙô ngam Mā Tēv yip tömaṙôngö.

1 PĪTÖR 1:18

Akah töheichlōn tö yīö öi töhavaha, öt ṙāitö töchahū-uyö rupīö hēk humlum, öi ṙā-ang i nuk chanök alaha inlahen yīö tökētu nö ṙeū-eungrit yik muvöhngö yīö:

INLAHEN 26:20

Ngaich öich ahangkö yip aṅ Tāmāskös urĕh, i Yerūsalem, keuheūtngöre chūök i panam Yūtā, i yip Tahëng Mihëṅṙö inrē; hòṅ cha nö havöötö ellōnre, havöötö kūöre inrē nö im Tēv; la-evṙen inrē tö nup la-en invöötö ellōn.

INLAHEN 3:19

Lökten yin havöötö ellōnre, havantöre inrē; hòṅ nup tökööl yīö nö sīchiyö, hòn ṙāngö i kūö ngam Mā Tēv nö yih öp ṙētak munfōvö.

MAIKA 2:6

Uh yin ahangnyö e ngö ṙô cha-a töng ha-eh an tö ahangnyu-hö-ö yin min nö ahangnyö në: pò nup minṙēngö min nö töt ṙāköre.

AMŌS 5:24

Hökngen ngam inkaha fālen pöri nö hëmti nö sā töpōyen mak, öp lanöökö inrē nö sā tökalēḵ tahël.

HŌSĪ 14:1

Ō Isrsel, havantöre man im Mā Tēv ngam Tēv meh; tön fukngö man kūö tökööl re.

YERIMIĀ 44:16

Sā ngam ṙô ngam ṙô meh in ih i minë-eny ngam Mā Tēv, hö-ö in hòṅ hangṙô meh,

YERIMIĀ 26:5

Kūötenre inrē tö minë ṙô yip tarik chu pròfĕt yip tahīntö chu in yīö öich mileūchen, pòrô yī-ö öt hakūötenre,

YERIMIĀ 18:11

Lökten töngamuh, ṙô-òv in yip tarik Yūta yip aṅ Yērusalem inrē: Ngö ṙô An ngam Mā Tēv, Yĕh meuk, vī tötlöök chin lā-al yīö ane inrē halēnlö tī re lā-al yīö. Kö havan yin, ṙā-ang i tötlöök talöököre, halööktit nup talöökö yīö nup la-en yīö inrē.

YERIMIĀ 3:12

Kuṙòh ahangkö në ṙô kū-ötö lā kapā, ngö ṙô, Töt kô-en Israel, havantöre, ṙô ngam Mā Tēv. Hö-ö chin min ngëchken meh i lanīnöre, pò chu tö-aṙē-ĕlōn, ṙô ngam Mā Tēv; rö-ö chin min hō örheūheu līn.

Isayā 31:6

Havantöre yin in ò ngam tö-ahôṙiṙen tö yīö, Ō yī-ö kūön Israĕl.

NAHIMIĀ 9:30

Ṙōl samyeūheu më-eṅ ṙāpöre in cha, ngaich vë-eny nang cha lökten im töhet Fanöinylö nö lökten in yik pròfĕt meh; sönngenre cha-a nö öt kētö elnangre. Lökten meh kēten cha nö eltī yip tarik aṅ në panam.

NAHIMIĀ 9:26

Sönngenre pöri cha-a nö minôṙô nö ahôngen meh inrē ngaich kavalngö ngam chöngö nö lā uk re ngaich fëlngö yik pròfĕt meh, yik vamë-ekūö cha nö hōten cha nö havantöre nö in meh nö hēk, ngaich cha-a inrē nö kēken tökiröng nö inchōichngö minë-eny.

NAHIMIĀ 9:16

ʽʽNgaich, pöri yik yöng ih nö hakeūlenre hangëngö likeunre inrē ngaich öt hang ṙô minë chöngö, meh;

ESRĀ 9:7

Löktökūö nuk sakāmö yik yöng ih söl ing töngamuh in öi kiröngö fālen; kūö öt lanöökö ih inrē, tö yik rācha ih, tö yik kūönṙô ih öi kētu eltī vē rācha në panam, öi i kūö sanët, i inkövö, i kinëngö inlānen ngaich nö yöng sumrōngkūö, sā e nö ing töngamuh.

2 KINṘÖTNGÖ 34:21

Kuṙòh, ṙënngen chu hatöntöre im Mā Tēv ṙënngen cha inrē yip tö ōtren i Israĕl Yūtā inrē, tö inlahen nuk ṙô ngam līpöre ngam tökôti; tön kiröng an ngam lanīnö ngam Mā Tēv töhōngtu nö i kui hī, pò yik yöng hī nö öt haköp ngam ṙô ngam Mā Tēv, nö asā nup tökūchö i mat ngih līpöre.

2 KINṘÖTNGÖ 30:7

Uh yin sā yik yöngre yik mak alaha yīö inrē, yik töt ṙamātö ellōnre nö im Mā Tēv yik yöng yīö, lökten ò nö vīten yīö meuk.

YERIMIĀ 4:1

Ō Israel, yē meh havan, ṙô ngam Mā Tēv hòṅ in chu man havantöre. Yē meh kēngö nup sin-òkkūö nö ṙā-ang i kūö chu, öm uh katöngaṙen,

YERIMIĀ 23:22

Yē cha pöri nö sökhaka nö ip inlēnö tö chu, ngaich cha-a öre nö ahangkö në ṙô chu nö i vē tarik chu, ngaich öre cha-a nö havööngökūö cha nö ṙā-ang im tötlöök talöökö la-en cha inrē.

ISIKĪ-ĔL 20:18

Ngaich ngö ṙô chū-ö tö yip kūön cha el tönyalnyi, Uh yin lök i nup tökūichö chöngö yik yöng yīö, ui rēhĕn haköpkö nup chöngö cha, ui rēhĕn hachōichngöre i nup insātēv cha.

ISIKĪ-ĔL 33:4

Ngaich yĕn hĕng tak hamangṙô öp römpĕt ngaich rö-ö nö höngöre, yih ngaich ngam sanët ngaich kēngen ò, i kui ò min ngaich öp mahām ò.

SAKARIĀ 7:7

Hö-ö öyih hòṅ hang në ṙô në ṙô ngam Mā Tēv nö hū-a nö lökten in yik mu-urĕh pròfĕt, hē Yērusalem misī nö āṅhavkūö kôlò inrē, nup elpanam inrē in e mahavīlen e, aṅhaṅvkūö inrē ngam lòhngö töṙā-akūö panam?

2 KINṘÖTNGÖ 30:6

Lökten yik samöömngöṙô nö kiröönngöre nö keuheūt nö i Israĕl, Yūtā inrē nö kumtö līpöre tökūichö ṙamā-ang in ök rācha in yik kūön rācha inrē, sā chöngö ök rācha, ngö ṙô, Ō yī-ö tarik Israĕl, havantöre im Mā Tēv, ngam Tēv Aprahām, Isāk, Israĕl inrē hòṅ ò nö hēk nö havöötö kūöre nö in yip chööḵṙen in yīö yip tötkô-òng vah tö tī yip rācha aṅ Asīriā.

YERIMIĀ 3:14

Havantöre yin, Ō yī-ö nyīö tötkô-en, ṙô ngam Mā Tēv; tön chū-ö chin yöngṙen yīö; kē-ĕ yīö chin min, hĕng tak i töhĕng elpanam nët tak inrē i töhĕng mupīhö, ngaich kēten yīö chū-ö min i Sīyôn.

YERIMIĀ 25:8

Lökten an ngam Mā Tēv yip tömaṙôngö nö ngö ṙô: Pò yīö öt hang në ṙôchu,

ISIKĪ-ĔL 14:6

Lökten ngö ṙô töp patī Israel, Ngö ṙô an ngam Mā Tēv: Havöötö ellōnre havöökūöre inrē ṙā-ang nup sin-òkkūö in yīö.

TANĪ-ĔL 9:6

Hö-ö in hangṙô yip tarik meh pròfĕt, yip töṙô-òv nö i minë-eny meh nö in yip rācha ih, kūön rācha ih, yöng ih inrē, in yip taṙkhöre tarik ngih panam inrē.