SAKARIĀ 1:2 - TÖHET LĪPÖRE (Re-edited) Bible (BSI)

² Pōyen kumnyahlōn an ngam Mā Tēv nö in yik muvöhngö yīö.

SAKARIĀ 1:2 Referans Kwoze

YERIMIĀ 44:6

Lökten ngam, Lanīnö chu tanānyö chu inrē nö hōngnyu ngaich hūlökūö nö i nup elpanam Yūtā el kanröönö Yērusalem inrē; ngaich anū-ö nö vīngöre nö öt aṅhavkūö, sā re töngamuh.

ISIKĪ-ĔL 22:31

Lökten chu ṙösnyö ngam lanīnöre i kui cha; haṙāpngen cha chin i kūö tameūyö ngam lanīnö chu; havahlö ngam talöökö cha chin nö i kui cha, ṙô ngam Mā Tēv.

INRĀMÖRE 5:7

Köölö fālen yip yöng ih, hö-ö ngaich nö ōtre; keun öt lanöökö cha in ngaich.

INLAHEN 7:52

Ök yòh ök pròfĕt tö rö-ö nö öthakôlöngṙô tö yik muvöhngö yīö? Ngaich cha-a inrē nö fëlngö yik mū-urĕh mahameuktö yanihih ngam Tölöök. Yī-ö yin kamëḵngen Ò töngamuh, famëlngen Ò inrē;

Salmai 60:1

Ō Tēv, kavāliyö in tö Meh, liköliyö in tö Meh: līn Man in ih; Ō havanten ih hēk.

ESRĀ 9:13

Ngaich in teunghukui tökūö në la-en re tötlöök kūö tökiröng fālen ih inrē, ngaich Më-eṅ, Tēv ih sācha tī tö ih öm kūöṅnen tī tö ṙôken nuk fālen ih ngaich kē-ĕkūö ih īhö chööḵṙen tö tö ngatī,

2 RĀCHA 23:26

Hö-ö pöri ngam Mā Tēv nö havööngökūöre tö ngam tökalēḵ tökiröng lanīnö ò, ngam töhūlö kūö lanīnö ò nö lā-alkūö Yūtā, kūö nuk inrunnyö lanīnö ò nö ṙòkhöre tö Manasē nö harunnyö lanīnö ò tö u.

2 RĀCHA 22:19

Pò meh ayālö ellōn, ngaich öm hayāichngöre i kūö ngam Mā Tēv, hē meh hang ök ṙô chu lā-al kūö ngih chūökö, lā-al kūö yip aṅ e inrē, hòṅ cha min nö pinngangkūö rinūtngövah inrē, ngaich inrē me-eṅ tikachngö inyut re, peuiny inrē öm i kūö chu; hang ṙô meh chin chū-ö inrē,ngö ṙô ngam Mā Tēv.

ISIKĪ-ĔL 8:18

Lökten chin min lök alaha cha i lanīnöre; öt ṙā-al ön min ngih mat chu, öt rēhĕn chū-ö min aṙē-ĕlōn; pòrô cha-a nö peuiny nö pōitô nö elnang chu, öt hang ṙô cha chū-ö min.

SAKARIĀ 1:15

Pōyen kumnyahlōn chin inrē in vē pumnāmö tarik vē töng kumchikngenre; pò chu sin töng rahëchyen kumnyahlōn, ngaich cha-a nö ṙūölö ngam kanihngen.

YERIMIĀ 32:23

Kuhēhötre cha-a nö kē-ĕ e nö amin cha. Hö-ö pöri cha-a nö hangṙô Meh hēk lök chöngö Meh; öt hēngö kahëken tö nup tinölô cha tö meh nö la-evṙen. Lökten Meh vīten në töt löök nö yih nö i kui cha.

SAKARIĀ 7:12

Hòṅ vīngö ellōn re cha-a nö sā töngëḵ ihong, pòn sōḵ nöhang ngam chöngö, minë ṙô ngam Mā Tēv yip tömaṙôngö inrē tötīntu tö ngam Fanöinylö nö löktö eltī yik mu-urĕh pròfĕt: lökten nö yih nö umuh ök yöng lanīnö aṅ im Mā Tēv yip tömaṙôngö.

SAKARIĀ 8:14

Tön ngö ṙô an ngam Mā Tēvyip tömaṙôngö: Sā lōn chu hòṅ tī-iv tö tötlöök in yīö, hē yik muvöhngö yīö nö harunyö lānīnö chu, ṙôngam Mā Tēv yip tömaṙôngö, ngaich chū-ö öt ṙā-al lōnre misī;