SAKARIĀ 1:15 - TÖHET LĪPÖRE (Re-edited) Bible (BSI)

¹⁵ Pōyen kumnyahlōn chin inrē in vē pumnāmö tarik vē töng kumchikngenre; pò chu sin töng rahëchyen kumnyahlōn, ngaich cha-a nö ṙūölö ngam kanihngen.

SAKARIĀ 1:15 Referans Kwoze

YERIMIĀ 51:24

I Pēpilön chin min I yip aṅ Kālti inrē öich havan i kūö mat yīö ṙënngen nup tötlöök tī yīö ngaich i Siyôn, ṙô ngam Mā Tēv

Isayā 54:8

I tinṙēchlö ngam lanīnöre chin rahëchhangkūö öich hanyatngö kūöre tö meh, holtö ngam, tötchanūhuvṙen pöri min hanāngenlōn öich aṙē-ĕlōn tö meh, ṙô ngam Mā Tēv ngam Ṙamānyen meh.

SAKARIĀ 1:11

Ngaich cha-a nö sapṙô ngam ma-ahānga aṅ im Mā Tēv ök tösökhaka nö i nuk chōn martil, nö ngö ṙô, Keuheūt kū-öre in lök im tumlat, ngaich; yĕh meuk, ṙòkhöre nun në tumlat nö ūichhakṙen nöng öt halöinyköre, nö heūheure.

SAKARIĀ 1:2

Pōyen kumnyahlōn an ngam Mā Tēv nö in yik muvöhngö yīö.

Salmai 69:26

Tön öt hakôlò Ò yin ngam töchök tö tī meh: ngaich cha-a nö ve-eny chanökö ò, öp töhanyahka tö meh.

AMŌS 6:1

Tötkôlò yip cha-a yik kumchikngenre nö i Sīyôn, acha-a inrē yip töngë-eṅ chūök nö i kui rôngö Samariā, yip mā tarik yöngkūö yip pumnāmö tarik, yip töyīhiv kūö tö ngam patī Israel!

ISIKĪ-ĔL 26:2

Kūön tarik, pò Tūrös nö ngö ṙô tö inlahen Yērusalem, Ā, taṙöli ap nö ngaich inkūp yik tarik, ngaich ap nö löpnyukūö nö in chu; tööḵlö chin min, pò e nö ngaich nö tiṙöli,

Salmai 137:7

Ō Mā Tēv, köpölōn Man lā-al yip kūön Ētöm i sakāmö Yērusalem nö fukngö, yik tö ngö ṙô: Piṙāptö kui e, piṙāptö kui e! Söl ip rööntö machööḵlö e.

Salmai 123:4

Tööḵlö ellōn in tö nūöngö tö cha, yip töng mingöh, tö mināich: yip mahakeūlenre inrē.

SAKARIĀ 6:8

Ngaich hūken chu anga-aṅ ngaich vë-ekūö chu, nö ngö ṙô, Yĕh meuk, cha-a më kumröönngöre tökū-ötö ngam panam la kapā ngaich yin nö pichöömtö ngam Fanöinylö chu im panam lā kapā.

NGAM LĪPÖRE YŌP 30:13

Tiṙōlngö talöökö chu yin, ṙūölö öt kanôlò chu yin; öt hĕng tak tamahngen cha.

YERIMIĀ 30:16

Lökten yip kamāngen meh min nö kā-ayö, ṙòkhöre inrē yip lā-al meh, kö i tumtak cha min nö chuh el inkövö; cha-a yip maha-āichngen meh min nö ha-āichiṙen, ṙòkhöre yip kamāngen meh min inrē nö vītuṙen nö kā-ayö.

YERIMIĀ 50:33

Ngö ṙô an ngam Mā Tēv yip tömaṙông: Hakihtuṙen yip tarik Israel, yip tarik Yūtā inrē nö hol cha; ṙòkhöre yip kamë-eṅ cha nö hakövö nö köptī tö cha sōḵ yip nö ṙāngen cha.

HAPAKŪK 3:12

I tanānyöre me-eṅ kiröön lök el ngam panam, i lanīnöre me-eṅ sōng pumnāmö tarik.

SAKARIĀ 14:12

Angū-ö ön min ngih invah tölëlngö kūö aṅtī ngam Mā Tēv nö chökṙen yip tarik kumyung nö lā-al Yērusalem: keuheūtngöre nup min alaha cha nö kā-ayö i saha cha nö ṙòngmö sökhaka röön, keuheūt nup mat cha min inrē nö ël nup chūök re keuheūt inrē min nup litāk cha nö elvāng cha.