OPĒTIĀ 1:4 - TÖHET LĪPÖRE (Re-edited) Bible (BSI)

⁴ Pòrô me-eṅ ṙūöhöl chūök re sā matēṙö, pòrô öp fôngö meh inrē nö vītu nö i minë taneūsömat, kēten meh chū-ö min lā taṙeu ṙeū-eung umuh, ṙô ngam Mā Tēv.

OPĒTIĀ 1:4 Referans Kwoze

HAPAKŪK 2:9

Tötkôlò an yēḵ ngam töteūngen nö löklen i michīl nö hakôlò patī re, pò ò nö hòṅ lātulöng tī tö ngam chūök re, pò ò nö öt hòṅ lökngöre tö tī ngam tötlöök!

AMŌS 9:2

Pòrô cha-a nö ultöre nö el tumlat, in e min öp kël chu nö kē-ĕ cha; pòrô inrē nö yônlö nö el halīöngö, ṙeū-eung in e chū-ö min hayônten cha.

YERIMIĀ 49:16

Hachīlö meh ap pinhë-eṅkūö vahīlen meh, ap inkeūṙö ellōn meh inrē, me-eṅ mī-iyöng el linrākö ihong, ṙamapkö kui ngam rung. Pòrô man vī fôngöre lātulöng sā matēṙö ṙeū-eung umuh man min kētu lātaṙeū, ṙô ngam Mā Tēv.

YERIMIĀ 51:53

Pòrô öre Pēpilön nö yônlö nö el halīöngö pòrô öre inrē nö hangëlö chūök kumyung nö I kui minë töngëḵ rung ò, sön nö yih nö i kui ò yip aṅ in chu famëlhanga, ṙô ngam Mā Tēv.

Isayā 10:14

Ngaich ngam eltī chu inrē nö kôtökūö tö ngam fôngö kanôlò yip tarik: sā öp töhĕng tak inrē mahamūl nup uhöö töng ṙā-ayö, ngatī tī öich hamūl në tumlat; ngaich öt hĕng tak umuh mahanyāṅknyö sanëôk re, hēk vamā-any kūö re, hēk öp tö sā ṙô chehechōn.