NAHOM 3:3 - TÖHET LĪPÖRE (Re-edited) Bible (BSI)

³ Yôklö ngam aṅ uk kōra tarik,pachāla kūö ngam fël inrē, amëla kūö ngam vöi inrē maṙôngö ngaich töfëliyö, fônghak inrē kupah: öt chūöku nö rö-ö alaha kupah; fukngö cha-a nö i kui yip kupah cha:

NAHOM 3:3 Referans Kwoze

HAPAKŪK 3:11

Tavūöi töm chingëṅt inrē öthalöinyköre nö sökhaka nö i chūökre; i pinchālö röön nup chòk meh tö chanuhu u, i pinchālö kūö ngam vöi meh inrē.

ISIKĪ-ĔL 39:4

Fukngö min me-eṅ i kui nup rôngö Israel, me-eṅ tö yip tömaṙôngö in meh inrē tö yip tarik hol meh; ngaich chū-ö min kēten meh nyā-aṅkūö nup chehechōn tökeuheūttöre mihëṅṙö i nup tötainy töṙeūla inrē öm kā-ayö.

Isayā 37:36

Kiröönngöre ngaich ök ma-ahanga ngam Mā Tēv, ngaich ik elyöngö yik aṅ Asīriā nö fëlngö yik tö taneui köiny hēngòng hëvhöre anāi: ngaich hē yik tarik nö ka-euilökūö nö chōholre tö peuheū, yĕh meuk ṙòkhöre cha-a nöng alaha kupah.

Isayā 34:3

Kavāli min inrē yip töfëli in cha, veūklö min öp inngeūṅtö nup tökapah alaha cha, yëngö min inrē minë rôngö nö i nup mahām cha.

NAHOM 2:4

Ṙô-òv nup inröl nö el talöökö, kö singngen höö anū-ö nö el nup töpōiti ël talöökö: sā mineūkö tanyukngö anū-ö töhūkūö, fal anū-ö nö sā röön hanyālö.

2 RĀCHA 19:35

Ngaich ngö inlahen angū-ö hatööm angū-ö, tök kūönṙô ngam Mā Tēv nö kiröönngöre ngaich ik elyöngö yik aṅ Asīriā nö taneui köṅny hēngòng hëvör anāi yik töfëli: ngaich hē tarik nö ka-euilökūö nö chōholre tö peuheū, yĕh meuk, ṙòkhöre cha-a ngaich nöng kupah.

Ranehlö 3:24

Ngaich ahōnyö ngam tarik Anga-aṅ; ṙātö Kerupim Anga-aṅ ngaich nö lā chuhöt ngam panô-òṅ Ēten, ane inrē pinchālökūö ök fël ök tökeuheūtngöre lā kū-ö, nö aṅtö talöökö ök chōn nômö.

LA-EN LĒVĪ 26:37

Ngaich cha-a min nöng kö kavē-ĕre nö i kui höö, sā re yĕn i kūö fël hē cha nöng öt lūḵu ngaich yī-ö min ötkanô-òvö sökhak i kūö yip lā-alre.

Isayā 66:16

Pòn lökten i tameūyö min ngam Mā Tēv nö kahôka im inkaha fālen, lökten im sanët ò, i kui taṙòkhöre tarik; pōyen yip min töfëliyö tö ngam Mā Tēv.