NAHOM 2:1 - TÖHET LĪPÖRE (Re-edited) Bible (BSI)

¹ Yih an nö i kūö meh ngam pumnyāchten meh nö panyënyö tī: halinngen nup aṅtī kumyung man, aṅtö kūö talöökö, hangëḵ ṙat re, kalē-ĕtī öm hangëḵlö ngam kumlēḵre.

NAHOM 2:1 Referans Kwoze

2 KINṘÖTNGÖ 25:8

Yē meh lök el ngih talöökö öm kalēḵ tölōnre i kinyūngö, afukngen meh an min ngam Tēv i kūö öp lā-al meh; pò ngam Tēv nö mihôiṅ nö holṙen hēk afukhanga.

YERIMIĀ 50:23

Ṙātiyö an ngam mūngöre ngih panam nö keuheūtngöre ohngö inrē! Ngaich an Pēpilön nö vītöre nö pinhë-eṅkūö in vē pumnāmö tarik!

Isayā 14:6

Ngam fanòh yip tarik im lanīnö nöng iṙūöhöti, yip mahayöng pumnāmö tarik nö im tanānyö, nö aṅtī tö inkihten öp tötkô nö lanakngen.

YERIMIĀ 25:9

Yĕh meuk, tīnngö lamukkö yip miyöngö tarik chin aṅ lā kapā, ṙô ngam Mā Tēv, lamukken Nēpukatnēsar rācha aṅ Pēpilön tarik chu, kēten cha chin min nö lā-al ngih panam tö yip aṅkūö e inrē, lā-al vē pumnāmö tarik i chīṙö; ahatngen cha chin min, vīten cha inrē nö pinhë-eṅkūö, töhīsi, töt chanūhuvṙen inrē nö minṙēngö.

Salmai 50:14

Kē-ĕkūö ngam Tēv tap nöi-nyö tökētu: kētö ap tö-chūöku ṙô meh kilēḵngôre im Lamātulöng;

Salmai 65:2

Ō Më-eṅ hamang vinë-eṅkūöre: ṙòkhöre yin min vē tarik nö yih nö in Meh.

Isayā 29:7

Lā-al Ariĕl min yip ṙôngö pumnāmö tarik nö kiyung, ṙòkhöre yip lā-al ò nö kiyung öp töngëḵ chūök ò inrē, ap mahakihten ò inrē min nöng sā heūvö, öp heūvö hatööm.

Isayā 29:8

Ngaich ngö inlahen angū-ö min hē öp tarik tökapahare nö heūv ngaich yĕh meuk, heūvöre anga-aṅ nö nyā; aṅhen pöri ngaich ap ellōn ò nöng öt aṅhāṅv: hēk inrē sā ap tarik töhaṙehe nômö nö heūv, ngaich yĕh meuk, òk anga-aṅ; aṅhen hë pöri, ngaich yĕh meuk takngö anga-aṅ, ngaich ap ellōn ò inrē nö yal tönyā-aṅkūö: ngatī min vē ṙôngö pumnāmö tarik nö ṙòkhöre, vē kumyung nö lā-al ngam rung Sīyôn.

Isayā 52:7

Yöng vanāyö röön ò nö i kui minë rôngö ngam tökumtö tölöök inhānga, ngam pumrātngö lanāmö, ngam tökumtö tölöök inhāṅnga aṅ i tölöök, ngam pumrātngö chūök inyööken, ngam tö ngö ṙô tö Sīyôn, Hayöng an ngam Tēv meh.