NAHOM 1:3 - TÖHET LĪPÖRE (Re-edited) Bible (BSI)

³ Öt ka-euyö lanīnö an ngam Mā Tēv, tökiröng inrē nö i minhôinyö, öthētu inrē nö hatngö tī tö fālen: el ngam kuföt lamfeui an ngam talöökö ngam Mā Tēv el chanôchö panam inrē, pitung röön ò nun inrē minë taṙul.

NAHOM 1:3 Referans Kwoze

Salmai 147:5

Tö kiröng An ngam Mā hī, kalē-ĕ minhôiṅyö inrē: öt tölngu öp mikah Ò.

NAHIMIĀ 9:17

Sōḵ cha-a nö hang chöngö, ngaich öt köpölōn tö nuk pinngangkūö nuk tī meh in cha; hangëngö likeun re pöri cha-a ngaich vīlö yöngṙen re nö havantöre nö el inkövöre nö i Aikup. Tēv pöri më-eṅ tölēnen aṙē-ĕl, tö-aṙē-ĕlōn tö-aheūkölōn inrē, töt ka-eūyö tanānyö töpōyen, aṅ in inrē tö tököp hanāngenlōn, ngaich rö-ö öm ṙāngen cha.

Salmai 145:8

Tö aheuk An ngam Mā Tēv, tööḵlö An inrē tö miṙēlōn: öt veūtö lanīnö, tö kiröngö miṙēlōn inrē.

Salmai 104:3

Ṙamātö minë mikeūnö minë urôhò re nö el minë mak: vamī minë taṙul nö inrölre; kumröönngöre, Öm i rōi sanëòk ngam kuföt;

Salmai 103:8

Tötööḵlö An ngam Mā Tēv tö miṙēlōn: töt veūtö lanīnö, tö pōyen miṙēlōn inrē.

YĀKÖP 1:19

Haköp ngih yin, kahōlö; hökngen taṙòkhöre tarik nö ka-eūyö elnang; ṙēmöṙô nö ṙô-òv; ṙēmö lanīnö:

SAKARIĀ 9:14

Ngaich min inrē ngam Mā Tēv nö meūkö nö i kui cha ap chòk ò min inrē sā röön hanyālö nö kiröönngöre: ngaich min ngam Mā Tēv nö föönyö kūö ngam römpĕt, ngaich kiröönngöre min nö lā lòhngö nö holröön tö lamfeui kuföt.

Isayā 66:15

Yĕh meuk, tameūyö an min ngam Mā Tēv nö yih, nup inröl ò min inrē sā lamfeui kuföt, nö kētö öp tanānyö ò nö kalēḵ, öp inkësö tö ò inrē nö holkūö tö hanūkūö tameūyö.

NGAM LĪPÖRE YŌP 9:4

Ellōn ò öp mikah ò, tökalēḵ inrē nö i kumlēḵ Chiāpa mahangëköre nö lā-al ò, ngaich kô?

KINṘEŪKÖ 14:18

Tötveūtö lanīnö an ngam Mā Tēv, töpōyen in inrē tö miṙēlōn, aṙē-ĕl tökööl tanôichngen inrē, ane pöri inrē öt ṙā-al tököölöfālen: chöhkö tökööl yip yöng nö i yip kūön cha, ip linūöyö ane inrē ip finënö tumkölchap cha.

INMEUKHÖMAT 1:7

Yĕh meuk holtö taṙul an nö yih; ṙòkhöre mat inrē min nö meūkan, tö cha inrē yip samapngen Ò; ṙòkhöre inrē min yip miyöngö ing panam nö haṙivhen Ò. Ngatī an yēḵ. Āmen.

T. MËTIV 26:64

Ngaich ngö ṙô Yēsū tö ò, Ngaich man yih ṙô-òvö. Ngö ṙô Chin tö yīö. Töngamuhöten yin min meuk ngòh Kūön Tarik, nö ūichhaka nö lahāmö ngam minhôiṅyö, ngaich yih nö i kui taṙul ngam halīöngö.

YÔNA 4:2

Vë-ekūö ngam Mā Tēv ngaich anga-aṅ, nö ngö ṙô, Ō Mā Tēv, vë-ekūö meh chin, röh öng angū-ö nö ṙô chu, hēchu ṙòngmö i panam re? Lökten chu kumeūingöritre falgöre chuh Tarsis; pò chu akahalōn tö meh tö-aṙē-ĕlōn öm Tēv, tööḵlö inrē tö miṙēlōnre, tötveūtö lanīnö, töpōyen neūkölōn inrē, mahavanrit lōnre nö ṙā-ang tötlöök.

TANĪ-ĔL 7:13

Ngaich meuk chū-ö i heūvö tö hatööm, Yĕh meuk, holtö taṙul ngam halīöngö. Hĕng tak ök umuh yamih tö sā kūön tarik, yih anga-aṅ nö i nuk sakāmö mā misī, ngaich kētu anga-aṅ nö i kuö ò.

Isayā 19:1

Ngam ṙô ngam Tēv nö in Aikup. Yĕh meuk ngam Mā Tēv nö i kui töyit taṙūl, yih inrē nö i Aikup; ngaich nup insātēv Aikup min nö kē-ĕngre nö i kūö ò ayëṙi min inrē öp ellōn Aikup nö el ṙôngö e.

Salmai 66:3

Ngö ṙô töm Tēv, pinhe-eṅkūö nun minë vahīṙen Meh: i ṙôken ngam minhôiṅyö Meh, yip tökunyahaṅ elmat min tö Meh nö hang chöngö Meh.

Salmai 62:11

Hĕng heuh, nët heuh ṙô An ngam Yēv, hāngö e chin chū-ö tö ngam minhôiṅyö nö aṅ im Tēv.

NGAM LĪPÖRE YŌP 38:1

Ngaich ngam Mā Tēv nö sapṙô Yōp nö löktö el lam- feui kuföt:

NGAM LĪPÖRE YŌP 10:14

Mikahngen chu, yē chu köö- lö fālen, ngaich rö-ö inrē ṙānyen chu i kanöölö fālen chu.

YŌ-ĔL 2:13

Tikaichngö ellōn re yin, rö-ö nö minë inyut yīö, ngaich havantöre im Mā Tēv ngam Tēv yīö; tön tö-aheūkölōn an, tööḵlö inrē tö miṙēlōn, töt veūtö lanīnö, töpōyen miṙēlōn, mahavanrit lōn re inrē tö öp töchōich.

Salmai 50:3

Yih an min ngam Tēv hī, öthō nö chēvhakaṙen: urēhĕ kūö ò min öp tameūyö töṙāpngö kūö, payavlöng min inrē öp tökalēḵ chanô-chö nö havīlen ò.

2 SAMUĔL 22:10

Yūpūttö ngam halīöngö anga- aṅ inrē, ngaich yônti; el katòh röön ò ngaich tökufëi sinngūlö.

Isayā 29:6

Chöhka an min tö ngam Mā Tēv yip tömaṙôngö nö hol tö kunṙôkö, kumyeūnö inrē, töpōyen ṙënṙô inrē, holtö lamfeui kuföt chanôchö mai inrē, hanūkūö tameūyö inrē mahaṙāphanga.

YERIMIĀ 4:13

Yēh meuk, yih an sā taṙul, sā lamfeui kuföt nup inröl ò; veut nup kōra ò tö matēṙö, Aōla ayī-ö, pò hī ngaich lëlngö!

HŌSĪ 8:7

Pò cha nö teūichtö ngam kuföt ngaich cha-a min nöng hamūl lamfeui. Öt aṅhavin an tö tökahav sāiny; öt aṅhav ap min sēt tö nya-aṅkūö; yē e min nö hòṅ ṙônguvö, nyā-aṅyö min angū-ö tö aṅ tahëng.