NAHOM 1:2 - TÖHET LĪPÖRE (Re-edited) Bible (BSI)

² Tölīn an ngam Mā Tēv, ngam Tēv, mahavahal an inrē; mahavahal an ngam Mā Tēv tööḵngen tö lanīnö inrē; kēḵ invahlö an ngam Mā Tēv nö in yip lā-al ò, höngken lanīnö an nö in yip tökunyaha elmat tö ò.

NAHOM 1:2 Referans Kwoze

SAKARIĀ 8:2

Ngö ṙô an ngam Mā Tēv yip tömaṙôngö: Līn chin tökūö Sīyôn töp tökiröng lanīnö, līn chin inrē in ò holtö öp tökiröng tanānyö.

MANEUTNYI 20:5

Um sōntö kūöre in u, uh rēhĕn lök la-en u; tön Mā Tēv Chin Chū-ö Tēv meh öich Tēv tölamīn, chöhkö tötṙong chin tī yip yöng, i kui yip nyīö, i kui yip linūöyö ane inrē finënö tumkölchap cha yip tösumrīk tö chu;

Salmai 94:1

Ō Mā Tēv, Me-eṅ Tēv lökngörit invahalvah: yang Man yēḵ.

MANEUTNYI 34:14

Tön rö-ö man min salām tahëng tēv: pò ngam Mā Tēv, ngam tö kunyahaṅlōn minënyi, nö tö kunyahaṅlōn nö Tēv:

YÔSUĀ 24:19

Ngaich Yôsuā nö ngö ṙô tö yik tarik, Ötkô yin lök la-en ngam Mā Tēv; pò ò nö töhet nö Tēv; öt töhanrānyngen an nö Tēv; ötaṙē-ĕl tanôichngen yīö an min öt rēhĕn tö nup tökööl yīö.

HEPRĀI 10:30

Pò hī akahakūö tö ngam tö ngö ṙô, Aṅ in Chu an ngam invahalvah, havahal Chin min. Hēḵ inrē, Kahòkken yip tarikre An min ngam Mā.

Isayā 42:13

Kiröönngöre an min ngam Mā Tēv sā tarik tökalēḵ; sā kumyung an min tarik nö haruhlö tanānyöre: hū-a an min, hôṅ, pōitô an min nö ayôṙa hameuk tö kumlēḵre an min nö in yip lā-alre.

I. CHÖNGÖ 4:24

Pò ngam Mā Tēv ngam Tēv yīö nö tameūiyö töṙāpngökūö, Tēv tökalē-ĕlōn.

2 PĪTÖR 2:9

Huveū-en an ngam Mā nö ṙānyö tölöök nö ṙā-ang i kinlaha ngaich ṙātö tötlöök nö elkatòh ötinkôlò, söl ip sakāmö kinṙôka;

RŌMA 12:19

Kahōlö, um havahalre, kētö chūök ngam lanīnö pöri: tön ngö kinūichngö an. Aṅ in chu an ngam invahalvah, haṙënhangen chin min; ṙô ngam Mā.

MAIKA 5:15

Tinī-iv chin min tö invāhalvah i lanīnöre kumlēḵ lanīnöre inrē i kui vē pumnāmö tarik vē töt hamang.

YŌ-ĔL 2:18

Ngaich ngam Mā Tēv nö kalē-ĕlōn tömpanam re, aṙē-ĕlōn inrē tö yip tarik re.

ISIKĪ-ĔL 39:25

Lökten an ngam Mā Tēv nö ngö ṙô: Töngamuh chin havantö nup kanôlò Yāköp aṙē-ĕlōn inrē i kui nup patī Israel; ngaich chū-ö min kalē-ĕlōn tökūö ngam töhet minënyö chu.

ISIKĪ-ĔL 6:12

Anga-aṅ öp tömarôvat min kapah kūö tölëlngökūö invah; anga-aṅ öp töröhta min fukngö tökūö sanët; anga-aṅ öp tö-ōtre öp tölākiṙen kapah min tökūö inyāichö. Ngatī tī chin min keuheūtngö ngam inngëṅṙöre i kui cha.

YERIMIĀ 4:4

Tunyiny ngöre man im Mā Tēv, kēngö öp laneūichlökūö nö ṙā-ang ellōn meh, Ō me-eṅ tarik Yūtā aṅ Yērusalem inrē; hòṅ ngam lanīnö chu nö öt sā tameūyö nö hūlökūö, ngaich öktikūö min ngaich nöng öt mahanyangngukūö, tökūö nup tötlöök la-en yīö.

Isayā 51:20

Tayē alaha yik kūön meh kikōnyö keuheūt kui talöökö yip nö hulalhaka sā Entelòp nö el inhāṅl; tööḵngen yip tö lanīnö ngam Mā Tēv, tö ngam vinë-a aṅ im Tēv yīö.

Isayā 51:17

Haruhkö alahare yin, haruhkö alahare, Ō Yērsalem, söklöre yī-ö amòk eltī ngam Mā Tēv el chūök òk ngam lanīnö ò, yī-ö amòk kūö ngam töchilū pingāṅl öi hiyōi ngaich palēviyö.

NGAM LĪPÖRE YŌP 20:23

Tīntö tanānyöre min ngam Tēv nö in ò, nö hatööḵlö aich ò i kui ò angū-ö inrē nö chahūköti kumṙah nö nyā-aṅkūö ò.

LA-EN LĒVĪ 26:28

Ngaich i lanīnöre Chū-ö harīkngö talöököre tö yīö, chökṙen yīö min Chū-ö inrē sat van tī kūö nup tökööl yīö.

RŌMA 13:4

Tön mameukṙen meh an nö aṅ im Tēv, nö chöḵöiny tö tölöök. Ngāngöre, yē meh la-evṙen tö töchōich: tön öt höng tötöl an nö ṙapkö ngam sanët; pò Ò nö aṅ im Tēv nö mameukṙen: mahavahalvah nö in ò, im lanīnö, ngam tö chōchö la-en.

SAKARIĀ 1:14

Lökten ök ma-ahānga ök vamë-eṅkūö chu nö ngö ṙô tö chu, Hū-a man, ngö ṙô, Ngö ṙô an ngam Mā Tēv yip tömaṙôngö, Kiröngö lanīnö chin pòkūö Yērusalem pòkūö Sīyôn inrē öich kiröngö kumlēḵ lōn.

MAIKA 7:18

Achīö öp Tēv nö tösā meh, öp ma-aṙē-ĕl tökööl, chamööḵngö tötôchngen fālen yip chööḵṙen yip amin ò? Hö-ö an nö örheūheu nö haköp lanīnö re, pò ò nö tökuchīkölōn nö i miṙēlōn.

ISIKĪ-ĔL 38:18

Ip sakamö pöri angū-ö, hē Kōk min nö yih nö lā-al panam Israel, ṙô ngam Mā Tēv, hachohlöngö min ngam lanīnö chu.

ISIKĪ-ĔL 36:6

Lökten ve-eny inlahen mu-unôich ip panam Israel, ngö ṙô inrē tö minë rôngö rung inrē, tö nup linrākö achāṙö inrē, Ngö ṙô an ngam Mā Tēv: Yĕh meuk, ṙô-òv chin i kumlēḵ lanīnö chu,pò yīö kihngen tö minṙēngöre tö yip pumnāmö tarik;

ISIKĪ-ĔL 8:18

Lökten chin min lök alaha cha i lanīnöre; öt ṙā-al ön min ngih mat chu, öt rēhĕn chū-ö min aṙē-ĕlōn; pòrô cha-a nö peuiny nö pōitô nö elnang chu, öt hang ṙô cha chū-ö min.

ISIKĪ-ĔL 5:13

Ngatī kinheūtngö ngam tanānyö chu min, i kui cha chin min hakeungnyö inngëṅṙöre öich hakô-ònglōnre; ngaich cha-a min nö akahalōn tö chu, Mā Tēv öich ṙô-òv ngaich i lanīnöre, yē ngam inngëṅṙö chu nö fuk i kui cha.

INRĀMÖRE 4:11

Hateungngö lanīnöre an ngam Mā Tēv, ṙösnyö ngam töṙāch an nö ngaich tanānyöre; tōttökūö tameūyö an inrē nö i Sīyôn, öp töṙāpngökūö tö rööntö machööḵlö e.

YERIMIĀ 36:7

Amahtuṙen ap min ṙô cha nö havë-a nö söl ikūö ngam Mā Tēv, ngaich kö havööngökūöre min cha-a nö ṙā-ang tötlöök talöököre, pòn kiröng ngam tanānyö lanīnö ngam Mā Tēv inrē töṙônyu nö lā-al vē tarik.

YERIMIĀ 25:15

Pòn ngö ṙô ngam Mā Tēv tö chu ngam Tēv Israel; Kē ngam kulah vāin lanīnö nö ṙā-ang eltī chu, vīten yip pumnāmö tarik nö ṙòkhöre yip chūök yīö tīntu tö chu nö ôkö e.

YERIMIĀ 3:5

Örheūheu ang min nö līn, söl ip manā-aṅ min nö tainy? Yĕh meuk, ṙô-òv man ngaich, ngaich pöri öm keuheūten tö nup kanô-òṅ meh tötlöök.

Isayā 66:15

Yĕh meuk, tameūyö an min ngam Mā Tēv nö yih, nup inröl ò min inrē sā lamfeui kuföt, nö kētö öp tanānyö ò nö kalēḵ, öp inkësö tö ò inrē nö holkūö tö hanūkūö tameūyö.

I. CHÖNGÖ 7:10

Havahal inrē nö i kūö cha yip tö sumrīk tö ò, nö halëlngen cha: öt hāṅten an min nö in ò ngam tö sumrīk tö ò, i kūö ò tī an min nö kētö invahal.

YERIMIĀ 28:8

Yip pròfĕt mu-urēhĕkūö meh urēhĕkūö chu inrē löktökūö misī nö vë-eny kinyūngö, inyāichö, invah tölëlngökūö nö ṙōlkang chūök tö nup panam tökiröng pūlngö inrē.

ISIKĪ-ĔL 38:19

Pò chu im kumnyahlōnre ane inrē i hanūlö lanīnö chu öich ṙô-òv, ip sakāmö angū-ö öp yöng kinyīna i panam Israel;

MANEUTNYI 34:7

Ṙātö miṙēlōn i tö köṅnyu aṙēlö ötlanöökö tanôichngen tökööl inrē: rö-ö pöri angū-ö nö ṙināngö tö fāluṙen nö öt sācha; chöhka öt lanöökö yip yöng nö i yip kūön, i yip kūön yip kūön inrē, im linūöyö, finën kölchap cha inrē.

KINṘEŪKÖ 25:11

Havööṙi kūö lanīnö Chin ṙā-ang in yip kūön Israĕl tö Finehas ök kūön Ēliasör kikōnyö, öp kūönṙô kūön Āròn kikōnyö, pò ò nö kalēḵĕlōn nö i ngam kumlēḵlōn Chu tö cha, lökten Chin öt keuheūtngöre vah tī tö yip kūön Israĕl im kumlēḵlōn Chu.

YERIMIĀ 50:15

Hū-a pōitô havīlen ò, ngaich an nö hökngövahre; taṙöli nuk nö ngaich lanaklö ò, tiṙöli nuk nö ngaich kinlōngö ò. Pò ngih nö invāhalvah aṅ i ngam Mā Tēv: havāhalre in ò, sā tī ò anga-aṅ nö in meh.