NAHIMIĀ 9:2 - TÖHET LĪPÖRE (Re-edited) Bible (BSI)

² Ngaich yik aṅ Israĕl nö haköhngenre tö yik aṅ tahëng tarik, ngaich söklöre nö vë-eny tökööl re kanöölö yik yöng cha inrē.

NAHIMIĀ 9:2 Referans Kwoze

NAHIMIĀ 13:3

Hē yik tarik nö hang ṙô ngam chöngö ngaich cha-a nö haköhngen yik kūön aṅ tahëng pumnāmö tö yik Israĕl.

ESRĀ 10:11

Ngaich yin yĕh halööknyôre tö tökööl re im Mā Tēv ngam Tēv yik yöng yīö, la-evṙen inrē tö lōn ò; haköhngenre yin tö yip tarik aṅ ngam panam tö yip aṅ tahëng inrē kikānö töpīhövö.

NAHIMIĀ 13:30

Ngatī inlahen chū-ö ahetlen cha tö nuk aṅ i tahëng pumnāmö, ngaich chū-ö haköpngö minë la-en kūönṙô,Lēvi inrē, nö kö i la-enre;

TANĪ-ĔL 9:20

Hē chu ṙònghöichṙô ṙô-òv vë-ekūötēv inrē, vë-eny tököölre tökööl yip tarik chu inrē Israel, kētö öp vine-elkui inrē i kuö ngam Mā Tēv ngam Tēv chu tökūö ngam töhet rung ngam Tēv chu;

HŌSĪ 5:7

Öt kô-en yin nö im Mā Tēv; pò cha nö hakūöntö nyīö töt aṅ in cha: ngaich an yih min ngam ayöö chingëṅt nö ngeūṅkten cha tö nup inlānen cha.

Salmai 144:11

Kē-ĕ chu, ṙānyen chu, ṙā-ang eltī yip aṅ tahëng, yip kamhòṅkkö töng rö-ö: nup lā hāmö kël cha inrē nöng kël minyôiny.

ESRĀ 9:2

Pò cha nö kē yip rīkre kūön cha kikānö nö pīhö cha pīhö kūön cha tö kikōnyö inrē; ngaich vē töhet tarik kalūöchtöre nö in vē tarik në panam. Ngaich in ngih tökô-en ṙinātö ellōn ngam eltī vē mākūö tö vē yöngkūö vē mā vē tarik nö urööṙen.

Isayā 2:6

Pò meh ṙāngö yip tarik re yip aṅ patī Yāköp, pò cha nö hatöö-ölre tö kui panam aṅ lā chuhöt, ngaich vītenre nö chamòng alaha sā yip aṅ Filistain kē eltī höö cha-a ngaich tö kūön aṅ tahëng.

Salmai 144:7

Löktö lātulöng hateutnyö kël re: kē-ĕ chu, ṙānyen chu ṙā-ang el öp yöng mak, ṙā-ang eltī yip aṅ tahëng;

NAHIMIĀ 1:6

Hökngen ngam elnang Meh nö hangihtöre, minë mat inrē nö milakhak, hang ṙô ngòh tarik meh nö havë-a në ṙô chu hatööm sakāmö tökūö vē tarik Israĕl, vënyö nup tökööl vē tarik Israĕl, nup tökööl fālen ih in Meh. Hòṅ, köölö fālen chin chū-ö tö patī öp yöng chu kikōnyö inrē.

ESRĀ 9:15

Ō Mā Tēv, ngam Tēv Israĕl, töchip Man, pò ih īhö chööḵṙen tö ōtre öi tötkô-òng, sā e nö ngaich i ngih sakāmö. Yĕh meuk i kūö Meh in öi ing fālen re öt hĕng tak tökô nö sökhak nö i kūö Meh tökūö ngih.

1 RĀCHA 8:47

Ngaich yē cha pöri min nö fē-ĕlre nö ip panam chūök cha nö kē-ĕyö nö hakövö ngaich havöötö kūöre nö hēk, ngaich vë-elkui nö in meh nö ip panam cha yip kamëngen cha nö hakövö, nö ngö ṙô, Köölö fālen in ngaich, lō-ong kūö inrē, öt löökö inlahen in ngaich;

ESRĀ 6:21

Kāḵa ngaich anū-ö tö yik tarik Israĕl yik mahavantöre nö ṙā-ang inhötngöre, kāḵa tö cha inrē yik mahanôltöre nö in cha mahaköhngen re inrē tö nup töthet aṅ i yip tarik ngam panam, nö salām ngam Mā Tēv, ngam Tēv Israĕl.

ESRĀ 9:1

Hē kinheūṅten në, yik mākūö nö yihtöre nö in chu nö ngö ṙô, Hö-ö yin vē tarik Israĕl tö vē kūönṙô tö vē Lēvī inrē nö haköhngen re tö vē tarik në panam tö nuk sin-òkkūö in cha inrē, öt haköhngen re tö aṅ Kanā-an, Hitait, Peris, aṅ Amôr Mô-ap, aṅ Aikup, aṅ Amôr inrē.

NAHIMIĀ 10:28

Yik tö ōtngöre tarik, yik kūönṙô, yik Lēvī, yik yōmkūö inkūp, yik tumkökṙôre, yik tarik ök tempöl, ṙòkhöre inrē yik mahaköhngen re tö yip tarik aṅ minë panam nö im chöngö ngam Tēv, yik pīhö cha, kūön cha kikōnyö, kūön cha kikānö, ṙòkhöre yik tö-akaha tö-akaha elmat inrē,

INCHŌḴ-OṘÔ 28:13

Anga-aṅ ngòh mahayunngö tanôichngenre öt kôlòṙen min, anga-aṅ pöri ngòh mahalööknyôre ṙāngö u inrē teūngen min tö miṙēlōn.

YERIMIĀ 3:13

Höng akahngenre pöri me-eṅ fāluṙen öm ahôngen ngam Mā Tēv ngam Tēv meh, ngaich pirātngö nuk lōn re i tahëng el katòh tö-ayālö rōi chōn, tö meh inrē öt hang ṙô chu, ṙô ngam Ma Tēv.

YERIMIĀ 14:20

Ō Mā Tēv akahngen öt lanöököre in, tö ötlanöökö yik yöng ih inrē, pò ih ngaich köölö fālen in meh.

NAHIMIĀ 10:29

Hamūltöre nö i yik mak alaha re, yik mā cha, ngaich kēhötre nö el rinūtngövah tö chūöku kinlēḵngô inrē nö lök im chöngö ngam Tēv ngam tökētu nö in Môsös ök tarik ngam Tēv, nö haköpkö e la-evṙen inrē tö nup chöngö ngam Mā Tēv ngam Mā hī tö nup hachöngten Ò inchöngten inrē.