Biblia Todo Logo
Bib sou entènèt

- Piblisite -




NAHIMIĀ 8:9 - TÖHET LĪPÖRE (Re-edited) Bible (BSI)

9 Ngaich Nahimiā, ök mahayöng, Esrā inrē ök kūönṙô kamūich inrē, tö yik Lēvī yik mahaköptö yik tarik nö ngö ṙô tö yik tarik nö ṙòkhöre, ʽʽTöhet ön ngih sakāmö nö im Mā Tēv ngam Tēv yīö; Uh yin haṙivlōn hēk peuiny.ʼʼ Pò yik tarik nö peuiny hē cha nö hang ṙô ngam chöngö.

Gade chapit la Kopi




NAHIMIĀ 8:9
30 Referans Kwoze  

Ngaich rēvre yik yöngkūö patī yöng re nö kē-ĕti nö im la-en. Ngaich ök mahayöng nö hĕng köṅny tālen (8 Kg) tī tö humlum, taneui anāi pēsön, taneūyòng lūöi anāi hilā kūönṙô.


Ngaich ök mahayöng nö vë-eny nang cha tö cha nö ötkô nö holkūö nyamā tölngö töhet nyā-aṅkūö, hanöng saha öp kūönṙô tö-aṅhaṅv-in tö Urim tö aṅhaṅv-in inrē tö Tumim nö chōholre min.


Ngaich yī-ö min ṙāmölōn i kūö ngam Tēv ngam Mā Tēv yīö, yī-ö, yip kikōnyö kūön yīö, yip kikānö kūön yīö, yip tarik yīö kikōnyö, yip tarik yīö kikānö, yip Lēvī lamā ël inkūp meh, pòn tö rö-ö anga-aṅ nö minchöḵ-övö öt rēhĕn nö amīnuvö nö hol kūö yīö.


Ngaich Esrā ök kūönṙô nö kētö ök chöngö nö i kūö yik tömūl, hĕnghöre kikōnyö kikānö inrē ṙòkhöre inrē yik tö akaha elnang nö hang, ik raneh sakāmö ngam sinātö chingëṅt.


Ngaich ṙāmölōn më-eṅ i kūö ngam Tēv ngam Mā Tēv meh, më-eṅ töp kikōnyö kūön meh, töp kikānö kūön meh, töp kikōnyö tarik meh, töp kikānö tarik meh, töp Lēvī inrē nö el inkūp kinlōngö meh, töp aṅ tahëng, töp kūön yōich, töp tafīösi kikānö, yip më-el ṙôngö meh, ip chūökö atöllö ngam Tēv meh min ngam Mā Tēv nö vīten ngam minë-enyre nö iyöng in e.


Kē-ĕkūö yip töhaṙivlōn inrē i Sīyôn tö neūmö ṙënngen tisum, tavī-i ṙanāmölōn inrē nö ṙënngen miṙivlōn, nöinyö inrē kinṙum nö ṙënngen tötkalē-en ellōn; hòṅ cha nö kaheūkö nö ōk chōn lanöökö, nö taheūichtö ngam Mā Tēv, hòṅ ò nö hapōilöngö.


Ṙētakvö peuiny, ṙētakvö inrē hayīölkūö; ṙētakvö haṙivlōn, ṙētakvö inrē kiṙīöm;


Vë-eny nang cha ök mahayöng tö cha nö ötkô nö nôlta i nyinā-aṅ ngam tölngö töhet nyā-aṅkūö hanöng saha öp kūönṙô nö mikahtölōn re nö ip Urim, Tumim inrē.


Ngaich in e yī-ö min nyā-aṅvkūö i kūö ngam Tēv ngam Mā Tēv yīö, ngaich ṙāmölōn yī-ö min i nup chūök tī yīö ṙātö tīre, yī-ö tö yip aṅ patī yīö, i nup inkôlò yīö tö ngam Tēv ngam Mā Tēv yīö.


Vë-ekūö yip kūön Israĕl, ngö ṙô, Im sinātö chingëṅt, haneūheu min angū-ö in yīö nö töchēvngen, inköpkö e öp finööṙö römpet, töhet manūlö.


Ngaich hĕng heuh chu-ö misī aṅ köhngen töm chöngö chalôhë pöri ngam chöngö ngaich aṅlö ngam tökööl, ngaich kapah chu-ö;


Pòn kūö la-en ngam chöngö nö öt tarīku tö löök nö ikūö Ò: pòn lökten im chöngö ngam mikahkūö tö tökööl.


Ngaich hēk yī-ö la-evṙen tö e: hanyāti an ngam tahāklö ngam Mā Tēv tö makmat yīö, I pineūinyö, holtö saniklö unhômö, ngaich yī-ö öt ngöhöre chumkūöṙen im tökētu, öt rēhĕn öi kē-ĕ e eltī re holtö lanöökö kuilōn re.


Fëli yip tarik chu pòn hāṅten nö i inkaha: pò cha nö sōḵo inkaha, sōḵen meh chin min chū-ö inrē, lökten man min öt kūönṙô chu: pò meh ngaich vaichngö tö ngam chöngö ngam Tēv meh, ngatī chin chū-ö min vaichngö tö yip kūön meh.


Anū-ö nun në sakāmö Yōyakim ök kikōnyö kūön Yesūa kikōnyö kūön Yōsatak, i nuk sakāmö Nahimia inrē ök mahayöng, Esrā inrē ök kūönṙô nö kamūich.


Achā-a yik kamtāntö tīre hē Nahemiā ök mahayöng, ök kikōnyö kūön Hakāiyā, Setikiā,


Ngih ön yih insā mat ök kahëtö ök rācha Artāsörsös nö in Esrā ök kūönṙô, kamūich, töpōi haköp nö i nuk chöngö ngam Mā Tēv tö nuk hachöngten ò in Israĕl:


Ngö ṙô anga-aṅ tö yik Lēvi yik mahaköptö yik Israĕl nö ṙòkhöre yik töhet inrē nö im Mā Tēv, Ṙātö ngam töhet kasòng el ngam patī ngam vahīlö Sòlòmön ök kikōnyö kūön Tāvit, rācha aṅ Israĕl; kô-òren yin öt keūnö e nö el ranôṙö yīö. Yĕh ngaich yin lök la-en ngam Mā Tēv ngam Tēv yīö yip tarik ò inrē Israĕl.


Kuṙòh, ṙënngen chu hatöntöre im Mā Tēv ṙënngen cha inrē yip tö ōtren i Israĕl Yūtā inrē, tö inlahen nuk ṙô ngam līpöre ngam tökôti; tön kiröng an ngam lanīnö ngam Mā Tēv töhōngtu nö i kui hī, pò yik yöng hī nö öt haköp ngam ṙô ngam Mā Tēv, nö asā nup tökūchö i mat ngih līpöre.


Hē ök rācha nö hang nuk ṙô ngam chöngö tikaichngö inyutre ngaich anga-aṅ.


A Ngaich ang Hesikia nö vë-ekūö cha nö haruhkö alaha cha yik Lēvi mahameuktö huneū-enre nö i la-en ngam Mā Tēv. B Nyā-aṅvkūö ngaich yik tarik tö aṅ im tökiröng sakāmö nö satsumkam, kētö inlāmö tökētu ha-öiny ngam Mā Tēv inrē ngam Tēv yik yöng cha.


Marô-òten Israĕl nö öt aṅhāṅv in tö ngam tökô-en Tēv, öt aṅhaṅv-in inrē tö mahaköphötī kūönṙô, öt aṅhaṅv-in inrē tö chöngö;


Pò meh ayālö ellōn, ngaich öm hayāichngöre i kūö ngam Mā Tēv, hē meh hang ök ṙô chu lā-al kūö ngih chūökö, lā-al kūö yip aṅ e inrē, hòṅ cha min nö pinngangkūö rinūtngövah inrē, ngaich inrē me-eṅ tikachngö inyut re, peuiny inrē öm i kūö chu; hang ṙô meh chin chū-ö inrē,ngö ṙô ngam Mā Tēv.


Ngaich ngö inlahen angū-ö, hē ök rācha nö hang nuk ṙô aṅmat ngam līpöre chöngö, tikaichngö inyut re ngaich anga-aṅ.


Hö-ö chin nyāngö u hē el miṙivlōn, öt rēhĕn öich kē-ĕng u, nö kūö u nö öt het, öt rēhĕn öich kētö u nö i kupah: ngaich chin hang ṙô ngam Tēv ngam Mā Tēv chu, ngaich chin asā nup ṙô meh tölṙô chu.


Hakihtenre yēḵ, haṙivlōn inrē peuny inrē: hökngen ngam nīölö yīö nö havāngtu nö im miṙivlōn, ngam ṙanāmölōn yīö inrē nö im lumngan


Swiv nou:

Piblisite


Piblisite