NAHIMIĀ 8:7 - TÖHET LĪPÖRE (Re-edited) Bible (BSI)

⁷ Yēsūa inrē, Panī, Serepiyā Yamin, Akkup, Sapētai, Hōtiyā, Ma-asēyā, Kēlita, Asariyā, Yōsapāt, Hanan, Pellayā, yik Lēvī holṙen yik tarik nö hōten cha nö akaha elnang töm chöngö, i saha yik tarik nö hōten cha nö akaha elnang töm chöngö, i saha yik tarik nöng ngöh nö i chūök re.

NAHIMIĀ 8:7 Referans Kwoze

NAHIMIĀ 9:4

Ik vanānglö yik Lēvī ngaich söklöre Yēsūa, Pāni, Katmi-el, Sipaniyā, Punnī, Serapīyā, Panī, Chenāi inrē; ngaich cha-a nö pōitô nö hū-a nö im Mā Tēv ngam Tēv cha.

LA-EN LĒVĪ 10:11

Hòṅ yīö min haköptö yip kūön Israĕl tö nup chöngö nö ṙòkhöre nup ṙô ngam Mā Tēv nö in cha nö lökten eltī Môsös.

NAHIMIĀ 3:23

Unôichrit cha Penyamin Hāsup inrē nö vītit ök lā kūö patī cha. Unôichrit cha Asariyā ök kikōnyö kūön Maasiyā, kikōnyö kūön Ananīyā nö vītit nö kumngöre tī tök patī ò inrē.

MALAKI 2:7

Pò minë minuh vē kūönṙô nö töhòṅ köp nö im inkaha, töhōtu cha-a inrē nö chöh ngam chöngö nö elvāng ò: Pòn anga-aṅ ma-ahangkūö ngam Mā Tēv yip tö maṙôngö.

NAHIMIĀ 12:33

Asaria inrē, Esrā, Mesulām,

NAHIMIĀ 11:19

Yik yōmkūö inkūp, Akkup, Talmòn tö yik hanöng kisānö cha yik amahtö kūö inkūp, nö hēngòng sat anāi nët.

NAHIMIĀ 11:16

Sapetai inrē, Yōsapāt inrē aṅ in yik yöngkūö yik Lēvi, yik mi-ikui nuk elkahôyö la-en ngam ngam patī ngam Tēv;

NAHIMIĀ 10:18

Hotiyā, Hasum, Pēsai,

NAHIMIĀ 10:2

Serayā, Asariyā, Yarimiā,

NAHIMIĀ 8:4

Söklöre ngaich Esrā ök kamūich nö ik chōn chūök mumkahten ök vahī cha nö chö-önytö e; hol ò inrē nö söklöre Matitīyā, Sēma, Anaiyā, Uriya, Hilkīyā, Ma-asayā inrē nö lā hāmö ò; Petayā, Mīsa-el, Malkiyā, Hasum, Haspatanā sakarīysā Mesūlām, inrē nö lātavē ò.

NAHIMIĀ 3:19

Ṙanët ò Ēsör ök kikōnyö kūön Yēsua, mahayōm i Mispā, vītit ök tahëng lā ök paneūlö ik chūök chehetī kumyung i Sinkeukngö.

NAHIMIĀ 3:17

Unôichrit ò yik Lēvī nö vītit: Rēhum ök kikōnyö kūön Pāni; ṙanët ò Hasapiya, mahayōm töròngti panam Keilah, vītit panam re.

ESRĀ 8:18

Ngaich lökten ngam tölöök tī ngam Tēv nö i kūi ih, ngaich cha-a nö kumtö ök tarik töhuveū-en nö in ih, aṅ in yik kikōnyö kūön Mahli ök kikōnyö kūön Lēvī, kikōnyö kūön Israĕl, ang Sarāpiya holtö yik kikōnyö kūön ò mak alaha ò inrē, hëvöre sīön tak;

2 KINṘÖTNGÖ 30:22

A Ngaich ang Hesikia nö vë-ekūö cha nö haruhkö alaha cha yik Lēvi mahameuktö huneū-enre nö i la-en ngam Mā Tēv. B Nyā-aṅvkūö ngaich yik tarik tö aṅ im tökiröng sakāmö nö satsumkam, kētö inlāmö tökētu ha-öiny ngam Mā Tēv inrē ngam Tēv yik yöng cha.

I. CHÖNGÖ 33:10

Haköpten Yāköp cha-a min tö inkaha fālen aṅ-in meh, Israĕl inrē tö ngam chöngö meh: Ṙātö lōpan min cha-a nö i kūö meh, öp tö nòngre inrē töföngö tökētu el tahāklö meh.

2 KINṘÖTNGÖ 35:3

Ngö ṙô anga-aṅ tö yik Lēvi yik mahaköptö yik Israĕl nö ṙòkhöre yik töhet inrē nö im Mā Tēv, Ṙātö ngam töhet kasòng el ngam patī ngam vahīlö Sòlòmön ök kikōnyö kūön Tāvit, rācha aṅ Israĕl; kô-òren yin öt keūnö e nö el ranôṙö yīö. Yĕh ngaich yin lök la-en ngam Mā Tēv ngam Tēv yīö yip tarik ò inrē Israĕl.

NAHIMIĀ 8:6

Hakôlò ngam Mā Tēv ngaich ang Esrā, ngam tökiröng Tēv; ṙòkhöre ṙô ngaich yik tarik nö ngö ṙô nö sapṙô, ʽʽĀmen, Āmen,ʼʼ nö hachônglö këlre cha-a; sōntö kuire inrē cha-a ngaich salām ngam Mā Tēv nö kū-ötö el tumlat kūö.

NAHIMIĀ 8:8

Löökö ṙô cha-a inrē nö vë-ekūö aṅmat ngam līpöre, aṅmat ngam chöngö ngam Tēv inrē; vë-eny manah e cha-a inrē, pòn hōtö yik tarik nö akaha elnang tö ṙô re yĕn vë-ekūö e.

NAHIMIĀ 8:12

Ṙòkhöre ngaich yik tarik nö kiröönngöre nö nyā nö vīken tökiröng ṙanāmölōn, pò cha nö akaha elnang tö nuk ṙô tövënyu nö in cha.

1 RĀCHA 8:14

Havöölö kūöre ngaich ök rācha, ngaich hakôlò yik ṙôngö Israĕl: ngaich ṙòkhöre yik ṙôngö Israĕl nö söklöre.

NAHIMIĀ 9:3

Söklöre cha-a ngaich nö i chūök re ngaich vë-ekūö ngam līpöre chöngö ngam Mā Tēv ngam Tēv cha lūöi köṅny ṙô rô-òten ngam sakāmö; ngaich im tahëng tölūöi köṅnyṙô cha-a nö vë-eny tökööl re salām ngam Mā Tēv inrē, ngam Tēv cha.