NAHIMIĀ 8:3 - TÖHET LĪPÖRE (Re-edited) Bible (BSI)

³ Vë-ekūö e ngaich anga-aṅ havöötökūöre nö ik töluvë-aka nö i kūö ök Inkūp Mak löktö kūö peuheū söl sakāmö, i kūö yip tarik kikōnyö kikānö inrē yik tökô inrē nö akaha elnang; afītö elnangre inrē yik tarik nö ṙòkhöre tö ṙô ngam līpöre chöngö.

NAHIMIĀ 8:3 Referans Kwoze

INMEUKHÖMAT 3:22

Anga-aṅ ngòh tö elnānguvö, hökngen ò nö hangihtöre tö ṙô ngam Töhet Fanöinlyö tö në māṅ.

INMEUKHÖMAT 2:29

Ngòh tö elnānguvö, hökngen ò nö hangihtöre tö ṙô ngam Töhet Fanöinylö tö në māṅ.

1 TÖSALÒNIKĒ 2:13

Angū-ö an chööḵnyö ih öt ṙākôre ha-öiny ngam Tēv, pò yīö hē yīö kēḵ ngam ṙô inhānga in ih, ngam ṙô ngam Tēv, ngaich hōḵo e yī-ö, nö öt ṙô tarik, sā ṙô ngam Tēv pöri, nö im kanô-en, ngam mahalöinyköre nö in yīö öi ṙamātö ellōnre.

INLAHEN 28:23

Ngaich hē cha nö sakāmu ṙô tö ò, yihtöre cha-a nö in ò, nö el ök chūök ò, nö maṙôngö. Mikahtu elmat cha-a tö ò, eūkö ngam pūlngö ngam Tēv; löknyö im chöngö Môsös ṙô i nup ṙô yik pròfĕt inrē, anga-aṅ nö löktökūö peuheū, söl hatööm.

INLAHEN 17:11

Töakaha yik cha-a tö yik aṅ Tösalònikē; pò cha nö lēnö ellōn nö hōḵo ngam ṙô, örhĕnghang sumkam nö ngëichkö mat līpöre, yē u anū-ö nö tökô-en.

INLAHEN 16:14

Ngaich hĕng tak ök kikānö, Litiā ök mine-eny ò, mī-inyihkö tö pōi ṙāi tö huṙing hilā, aṅ ap panam Tuatirā, mahayönglenre nö im Tēv, hamāngö ih; ök tö löpnyukūö ellōn tö ngam Mā, nö hangihtöre tö ṙô Pôl.

INLAHEN 15:21

Pò ngam chöngö Môsös nö misī-iten nö ahangka, ve-evkūö inrē nö el chūök vine-eṅkūötēv, örheūheu hē el töhet sakāmö.

INLAHEN 13:27

Pò cha yip mi-inyöng i Yerūsalem, yip yöngṙen cha inrē, kūö cha nö öt akahalōn tö Ò, öt rēhĕn tö nup ṙô yik pròfĕt, nö tö örheūheu nö ve-evkūö hē el töhet sakāmö; hateungngö u cha-a ngaich, nö öthakôlò Ò.

INLAHEN 13:15

Keuheūt hë vine-eṅkūö ngam chöngö, nup līpöre yik pròfĕt inrē; ngaich ngö ṙô yik mākūö chūök vine-eṅkūötēv, Kahōlö; yē nāṅ ṙahônyu tö ṙinuöhöl alaha vē tarik, yĕh ṙô-òv nan.

T. LŪKÖS 19:48

Ngaich öt kôtökūö cha-a tö tīre; pò më tarik nö havīlen Ò, nö hang ṙô Ò.

T. LŪKÖS 8:18

Haṙēmngenre yin lökten, tö nup ahangre; tön ngòh tö-aṅhaṅv-in, ngaich anga-aṅ min tö kē-ĕvkūö; ngòh tötaṅhaṅv-in, ngaich kē-ĕyö min nö in ò öp töng mi-in ò, tö lōn ò.

T. MĀKÖS 12:37

Yē Tāvit nö Mā ngö, nö havëken Ò, aṅyih Ang nö Kūön ò? Ngaich yik tömaṙôngö nö ṙāmölōn nö hang ṙô Ò.

INLAHEN 20:11

Ngaich hē ò ngaich nö yòhlö, ngaich fòkròtī, ngaich nyā; ngaich ve-ekūö cha nö marô-òten, söl minlīlö peuheū, kiröönngöre ngaich anga-aṅ.

INLAHEN 20:7

Im töhet sakāmö, hē ih hamūlöre, fòk ròtī, ngaich ve-ekūö cha anga-aṅ Pòn hòṅ ngaich im huṙöich, söl chūöl hatööm rô-òtö ṙô anga-aṅ.

NAHIMIĀ 8:1

Ngaich yik tarik nö hamūlöre nö sā tarik töng hĕng taka nö ël töluvë-aka i kūö ök Inkūp Mak; ngaich cha-a nö tölṙô Esrā ök kamūich nö kētö ök līpöre chöngö Môsös ök kahëtö ngam Mā Tēv nö in Israĕl.

NAHIMIĀ 8:4

Söklöre ngaich Esrā ök kamūich nö ik chōn chūök mumkahten ök vahī cha nö chö-önytö e; hol ò inrē nö söklöre Matitīyā, Sēma, Anaiyā, Uriya, Hilkīyā, Ma-asayā inrē nö lā hāmö ò; Petayā, Mīsa-el, Malkiyā, Hasum, Haspatanā sakarīysā Mesūlām, inrē nö lātavē ò.

NAHIMIĀ 8:5

Fehnyö mat ök līpöre ang Esrā nö i kūö yik tarik nö ṙòkhöre. Pò ò nö lātulöng tö yik tarik nö ṙòkhöre; ngaich hē ò nö fehnyö mat e ṙòkhöre ngaich yik tarik nö söklöre.

I. CHÖNGÖ 31:9

Ngaich Môsös nö kūich ngih chöngö, ngaich kētö e nö in yik kūönṙô kikōnyö kūön Lēvī, yik kameun ök kasòng chöngö ngam Mā Tēv, in yik minṙöinylen inrē aṅ Israĕl.

YÔSUĀ 8:35

Öt hĕng hang ṙô nuk hachöngten Môsös, tötve-evkūö tö Yôsuā nö i kūö yik tömūl Israĕl, yik kikānö, yik nyīö, aṅ tahëng inrē töhuveū-en nö in cha.

NAHIMIĀ 8:18

Kaheuk sakāmö ngaich, löktökūö ök raneh sakāmö söl ik manā-aṅ sakāmö, anga-aṅ nö vë-ekūö ngam līpöre chöngö ngam Tēv. Sat sumkam cha-a nö haköpken ngam nyinā-aṅ; ngaich im hinëvhöre sakāmö ök töchēv manūlö, sā ngam chöngö.

NAHIMIĀ 10:29

Hamūltöre nö i yik mak alaha re, yik mā cha, ngaich kēhötre nö el rinūtngövah tö chūöku kinlēḵngô inrē nö lök im chöngö ngam Tēv ngam tökētu nö in Môsös ök tarik ngam Tēv, nö haköpkö e la-evṙen inrē tö nup chöngö ngam Mā Tēv ngam Mā hī tö nup hachöngten Ò inchöngten inrē.

NAHIMIĀ 13:1

Ik sakāmö angū-ö cha-a nö löktökūö ök līpöre Môsös nö vë-ekūö e nö elnang yik tarik; ngaich kôtökūö tö e nö kūichiyö tö yik aṅ Amön hēk aṅ Mô-ap nö öt hētu nö kuhēthötre i manūlö ngam Tēv;