NAHIMIĀ 8:2 - TÖHET LĪPÖRE (Re-edited) Bible (BSI)

² Ngaich Esrā ök kūönṙô nö kētö ök chöngö nö i kūö yik tömūl, hĕnghöre kikōnyö kikānö inrē ṙòkhöre inrē yik tö akaha elnang nö hang, ik raneh sakāmö ngam sinātö chingëṅt.

NAHIMIĀ 8:2 Referans Kwoze

LA-EN LĒVĪ 23:24

Vë-ekūö yip kūön Israĕl, ngö ṙô, Im sinātö chingëṅt, haneūheu min angū-ö in yīö nö töchēvngen, inköpkö e öp finööṙö römpet, töhet manūlö.

MALAKI 2:7

Pò minë minuh vē kūönṙô nö töhòṅ köp nö im inkaha, töhōtu cha-a inrē nö chöh ngam chöngö nö elvāng ò: Pòn anga-aṅ ma-ahangkūö ngam Mā Tēv yip tö maṙôngö.

KINṘEŪKÖ 29:1

Im sinātö chingëṅt, im raneh min im töhet manūlö; hö-ö yī-ö min la-envö: sakāmö finöökö kūö nup römpet an angū-ö nö in yīö.

INLAHEN 15:21

Pò ngam chöngö Môsös nö misī-iten nö ahangka, ve-evkūö inrē nö el chūök vine-eṅkūötēv, örheūheu hē el töhet sakāmö.

Isayā 28:9

Chiāp min haköptö ò tö mikah, chiāp min inrē vahīlen ò nö tö akaha elmat tö ngam inhānga? Chā-a yip tufömngöre ṙinā-angkūö nö ṙā-ang i minë teh?

I. CHÖNGÖ 17:18

Ngaich min angū-ö, hē ò min nö ūich el kantēra ngam pūlngö ò, ngaich kūich insā ngih chöngö min anga-aṅ nö i mat öp Līpöre, ṙā-ang i mat öp i kūö yip kūönṙô Lēvī inrē:

NAHIMIĀ 8:9

Ngaich Nahimiā, ök mahayöng, Esrā inrē ök kūönṙô kamūich inrē, tö yik Lēvī yik mahaköptö yik tarik nö ngö ṙô tö yik tarik nö ṙòkhöre, ʽʽTöhet ön ngih sakāmö nö im Mā Tēv ngam Tēv yīö; Uh yin haṙivlōn hēk peuiny.ʼʼ Pò yik tarik nö peuiny hē cha nö hang ṙô ngam chöngö.

NAHIMIĀ 9:1

Im innët anāi fën sakāmö ngòh chingëṅt yik tarik Israĕl nö hamūlöre nö ahik inyut tö sāk inrē, tumlat inrē nö el kui cha.

YÔSUĀ 8:35

Öt hĕng hang ṙô nuk hachöngten Môsös, tötve-evkūö tö Yôsuā nö i kūö yik tömūl Israĕl, yik kikānö, yik nyīö, aṅ tahëng inrē töhuveū-en nö in cha.

NAHIMIĀ 8:18

Kaheuk sakāmö ngaich, löktökūö ök raneh sakāmö söl ik manā-aṅ sakāmö, anga-aṅ nö vë-ekūö ngam līpöre chöngö ngam Tēv. Sat sumkam cha-a nö haköpken ngam nyinā-aṅ; ngaich im hinëvhöre sakāmö ök töchēv manūlö, sā ngam chöngö.

NAHIMIĀ 10:29

Hamūltöre nö i yik mak alaha re, yik mā cha, ngaich kēhötre nö el rinūtngövah tö chūöku kinlēḵngô inrē nö lök im chöngö ngam Tēv ngam tökētu nö in Môsös ök tarik ngam Tēv, nö haköpkö e la-evṙen inrē tö nup chöngö ngam Mā Tēv ngam Mā hī tö nup hachöngten Ò inchöngten inrē.

NAHIMIĀ 13:1

Ik sakāmö angū-ö cha-a nö löktökūö ök līpöre Môsös nö vë-ekūö e nö elnang yik tarik; ngaich kôtökūö tö e nö kūichiyö tö yik aṅ Amön hēk aṅ Mô-ap nö öt hētu nö kuhēthötre i manūlö ngam Tēv;