NAHIMIĀ 8:1 - TÖHET LĪPÖRE (Re-edited) Bible (BSI)

¹ Ngaich yik tarik nö hamūlöre nö sā tarik töng hĕng taka nö ël töluvë-aka i kūö ök Inkūp Mak; ngaich cha-a nö tölṙô Esrā ök kamūich nö kētö ök līpöre chöngö Môsös ök kahëtö ngam Mā Tēv nö in Israĕl.

NAHIMIĀ 8:1 Referans Kwoze

ESRĀ 7:6

Ṙamā-ang Pēpilön ön ngòh Esrā. Töhuveū ök nö kūich im chöngö Môsös ngam kahëtö ngam Mā Tēv ngam Tēv Israĕl: ngaich ök rācha nö kētö nuk töng havëkö ò, pò ngam kël ngam Mā Tēv ò nö i kui ò.

NAHIMIĀ 3:26

Tö yik tarik ök tempöl mī-iyöng ik ôfel vītit ök kunnyòknyi lākūö ök Inkūp Mak nö lā chuhöt ip tötānyu inrē chūök chamônga.

2 KINṘÖTNGÖ 34:15

Ngaich ngö ṙô Hilkiyā tö Safān ök yōm tötngāṅlnyi, kôtökūö chin tö ngam līpöre ngam chöngö el patī ngam Mā Tēv, ngaich Hilkiyā nö kētök līpöre nö in Safān.

ESRĀ 7:11

Ngih ön yih insā mat ök kahëtö ök rācha Artāsörsös nö in Esrā ök kūönṙô, kamūich, töpōi haköp nö i nuk chöngö ngam Mā Tēv tö nuk hachöngten ò in Israĕl:

T. MËTIV 23:34

Yĕh meuk; tīntö pròfĕt Chin in yīö, tö-akaha tarik kamūich inrē. Rēvre min tö cha yip töfëlö tö yīö, harātu inrē; rēvre min yip tö fōhoh, nö el chūök yīö ve-ekūötēv; ngaich ahōnyuvö nö ṙā-ang i ngih panam, hēk im tahëng panam.

T. MËTIV 23:13

Tötkôlò yin yī-ö, kamūich, Feresī inrē, mahanyatkö elmat; pò yīö harahkūö tarik nö im pūlngö ngam halīöngö; pò yīö öt kuhēthötre, öt rēhĕn halöngten yip töhòṅ kuhēthötre.

T. MËTIV 23:2

Nö ngö ṙô, Ūichhaka yin vē kamūich vē Feresī inrē, nö el chūök Môsös.

T. MËTIV 13:52

Hôṅ; ngö ṙô cha-a, nö sapṙô Ò. Ngaich ngö ṙô Anga-aṅ tö cha; Ṙòkhöre yip kamūich, yip tö haköptu nö im pūlngö ngam halīöngö; nö sā öp tarik töpati-ivö, kamënyö chehenre tö tufömngöre, höteh inrē.

MALAKI 4:4

Köpölōn yin tö ngam chöngö Môsös ök tarik chu, ngam hachöngten in chu in ò i Hôrep nö lamöö in Israĕl nö ṙòkhöre, minë chöngö inkaha falen inrē.

Isayā 8:20

Im inköphöti yĕh im chöngö inrē! Yē cha nö öt asā ngih ṙô ṙô nö ṙô-òv, kô-òngrit yip min cha-a nö töt peuheū-euvö:

NAHIMIĀ 12:37

Ik Löklö Mak Inkūp cha-a nö hachīpöre nö kiröönngöre nö urēhĕkūö cha lök i nuk vanānglö im elpanam Tāvit, i yanônlö ök kinlōngö, lā tulöng tök patī Tāvit, söl ik Inkūp Mak lā chuhöt.

NAHIMIĀ 8:16

Lökten yik tarik nö kiröönngöre ngaich kēten u ngaich vī sanrā re kö i kui patī re, elmilūkö patī re inrē elmilūkö ngam patī ngam Tēv inrē, el öp töluvë-aka ip Inkūp Mak ip töluvë-aka inrē Inkūp Ifrēm.

KAMHÔKA 20:8

Ṙòkhöre ngaich yik tarik nö hōklöre sā töng hĕng tak tarik, nö ngö ṙô, Öt hĕng tak tö hī chamuh patīre, öt rēhĕn nö hĕng tak tö hī min kumhëthötre nö el patīre.

KAMHÔKA 20:1

Ṙòkhöre ngaich yik kūön Israĕl nö kunyī-inyre nö im Mā Tēv nö i Mispah, hamūlöre ngaich yik tömaṙôngö nö sā töng hĕngtak tarik, löktökūö Tën tölngö Pirsīpa, holtö ngam panam Kilīöt.

2 KINṘÖTNGÖ 34:30

Chuh el patī ngam Mā Tēv ngaich ök rācha, nö holtö yik tarik aṅ Yūtā aṅ Yērusalem inrē tö yik kūönṙô tö yik Lēvi inrē, ṙòkhöre yik tarik töpōiyö tökūöṅnö inrē; ngaich anga-aṅ nö vë-ekūö nuk ṙô nö el nang cha aṅ mat ngam līpöre ngam kinlēḵngô ök tökôti nö el patī ngam Mā Tēv.

ESRĀ 7:10

Pò Esrā nö kētö ellōnre nö haköp ngam chöngö ngam Mā Tēv, ngaich la-evṙen tö e, haköptö nup hachöngten ò inrē tö nup chöngö ò nö i Israĕl.

NAHIMIĀ 8:3

Vë-ekūö e ngaich anga-aṅ havöötökūöre nö ik töluvë-aka nö i kūö ök Inkūp Mak löktö kūö peuheū söl sakāmö, i kūö yip tarik kikōnyö kikānö inrē yik tökô inrē nö akaha elnang; afītö elnangre inrē yik tarik nö ṙòkhöre tö ṙô ngam līpöre chöngö.

LA-EN LĒVĪ 9:5

Ngaich cha-a nö kētö nuk tinöölôre tö Môsös nö i kūö ngam rūkui manūlö: ngaich ṙòkhöre yik ṙôngö tarik nö ṙūötöre nö i kūöngam Mā Tēv nö sökhaka.

I. CHÖNGÖ 31:11

Hē Israĕl nö ṙòkhöre nö yih nö hameuktöre nö i kūö ngam Tēv ngam Mā Tēv meh ip chūökö atöllö ò min, vë-ekūö ngih chöngö më-eṅ min i kūö Israĕl nö ṙòkhöre nö elnang cha.

2 RĀCHA 23:2

Chuh el patī ngam Mā Tēv ngaich ök rācha, ṙòkhöre inrē yik tarik aṅ Yūtā ṙòkhöre inrē yik aṅ Yērusalem nö hol ò, yik kūönṙô pròfĕt, ṙòkhöre inrē tarik, hĕnghöre tökūönö tökiröng inrē: ngaich anga-aṅ nö ahangnyö nuk ṙô ngam lipöre kinlēḵngô nö el nang cha ngam tökôti nö el ngam patī ngam Mā Tēv.

ESRĀ 7:1

Unôichrit ngih, hē Artāsörsös rācha aṅ Pörsia nö hayöng, ang Esrā kikōnyö kūön Sērāya, kikōnyö kūön Asariyā, kikōnyö kūön Hilkiyā,

NAHIMIĀ 12:26

Anū-ö nun në sakāmö Yōyakim ök kikōnyö kūön Yesūa kikōnyö kūön Yōsatak, i nuk sakāmö Nahimia inrē ök mahayöng, Esrā inrē ök kūönṙô nö kamūich.