NAHIMIĀ 7:5 - TÖHET LĪPÖRE (Re-edited) Bible (BSI)

⁵ Ngaich ngam Tēv nö chaphöt e nö el kui lōn chu öich hamūl yik mā tö yik mākūö tö yik tarik inrē nö kaheuklöngö nö löktökūö lökngörit re. Kôtökūö chū-ö ngaich tök līpöre lökngörit cha yik yamih nö urĕhtöyīhih, kôtökūö chū-ö inrē tö e nö kūichö mat:

NAHIMIĀ 7:5 Referans Kwoze

YĀKÖP 1:16

Kahōlö, un hachīlö.

KÒLÒSĪ 1:29

Ngam chūök chu chu-ö la-evṙen, pītnyöre sā tī Ò, ngam töla-evṙen nö mihôiṅ nö in chu.

2 KÒRIN 8:16

Ha-öiny ngam Tēv pöri, ngam kamëhöt tö ngatī kumlēḵ, chumkūöṙen tö yīö nö ellōn Taitös.

2 KÒRIN 3:5

Öt kūö ih töö-önglōn töre, nö sā lökten ih anū-ö; aṅ im Tēv pöri ngam tanöö-önglōn ih:

1 KÒRIN 15:10

Kūö lōn ngam Tēv pöri, chū-ö öich sāre töngamuh rö-ö an nö mëchi ngam inlōnti kine-ekūö chu; mööḵlö inlaha pöri chū-ö la-evṙen tö cha nö ṙòkhöre;

NAHIMIĀ 7:64

Lukkenre cha-a vē nö kūichhötvö nö in cha yip tökaheuklöngö nö i lökngörit re, öt kôti pöri angū-ö nö umuh, lökten cha nö öt kaheuktu nö i la-en kūönṙô pòn töthet;

NAHIMIĀ 6:14

Ō Tēv chu köpölōn tö Tōpayā, Sanpalāt inrē tö tösā në tī cha töp kikānö inrē pòfĕt Nôatīyā tö yip ōtngöre inrē pròfĕt yip töhòṅ vīten chu pa-ekūö.

NAHIMIĀ 5:19

Köpölōn tö ngam tölöök tī chu in vē tarik, Ō Tēv chu.

ESRĀ 7:27

Tökôlò an yēḵ ngam Mā Tēv, ngam Tēv yik yöng hī, ngam chamaphöt töngatī nö ellōn ngam rācha, nö hinôtö ngam patī ngam Mā Tēv nö havailöng ngam i Yērusalem,

ESRĀ 2:62

Achā-a yin vē lamukken re nö hòṅ kaheuktu nö in cha yik tö kaheuktu nö ngaich nö i lökngörit re, hö-ö pöri cha-a nö kôti nö in e, ngaich lökten cha nö öt hamūltu nö i kūönṙô pòn töt het;

NAHIMIĀ 7:4

Pōiti ap elpanam kiröng inrē, öt pōyen pöri yik tarik aṅ e öt patī-ivö inrē tömānlöngö.

INCHŌḴ-OṘÔ 2:6

Pòn kētö mikah ngam Mā Tēv; lökten elvāng ò nö yih inkaha mikah elmat inrē.

INCHŌḴ-OṘÔ 3:6

Akahan i nup tökeuheūttöre talöökö meh, ngaich anga-aṅ min nö hachip kanröönö meh.