NAHIMIĀ 7:2 - TÖHET LĪPÖRE (Re-edited) Bible (BSI)

² Kē-ĕkūö ök hanöng kisānöre chū-ö Hananī ane inrē Hananiyā ök mahayöng ök tökiröng patī mā i Yērusalem, pò ò nö tömötlö kanô-en tö yik tömaṙôngö ane inrē tarik töpa-ekūö tö ngam Tēv.

NAHIMIĀ 7:2 Referans Kwoze

NAHIMIĀ 1:2

Tö Hanānī, töhĕng tak aṅ in yip hol chu, yih nö hōlu tö yik rīkre tarik nö ṙā-ang Yūtā; ngaich chū-ö hatönö cha tö inlahen yik tö-aṅ Yahūti, yik töt kô-òngvah nö ahötiyö, hatön inlahen Yērusalem inrē.

T. MËTIV 25:21

Ngaich ngö ṙô ngam mā tö ò, Töteūngen man; tö-akaha, tökô-en mahalanṙen. Ngaich man kô-en i tö rahëchyen; hamālöng man ngaich tö chu, i në töpōyen chehen. Hanôltöre man ngaich i ṙanāmölōn ngam mā meh.

Salmai 101:6

Ip tökô-en nun min në mat chu im panam, hòṅ cha nö iyöng nö hol chu: ngòh lamök i tö teung lanöökö, anga-aṅ min mameukṙen chu.

NAHIMIĀ 10:23

Hōsī, Hanāniya, Hāsup,

NAHIMIĀ 2:8

Hĕng inrē öp tökūichö līpöre löö in Asaf, ök yōm öp el inchōn ngam rācha, hòṅ ò nö kē-ĕkūö chu tö chōn nö mikeūnö nup inkūp öp chūök kumyung ip tempöl, chōn kinlōngö öp elpanam inrē, chōn öp patī chu inrē chūök chu iyöng. Ngaich ök rācha nö kētö nuk havëkö chu, pò ngam kël ngam Tēv nö löök nö i kui chu.

1 RĀCHA 18:3

Havëten Opĕtia ngaich ang Ahap, ök mākūö yik aṅ patī. (Töpa-ekūö ök Opĕtīa tö ngam Mā Tēv;

2 TIMÒTĪ 2:2

Nup ahang meh aṅ in chu, i kūö yip tömaṙôngö mameuk, kētö u me-eṅ i yip tökô-en tarik, yip tö kô-òren min nö haköptö tahëng inrē.

1 KÒRIN 4:2

Hēk hōtu yin vē yōm nö tötmichūṙen.

TANĪ-ĔL 6:4

Ngaich yik presiten tö yik setrāp nö chöh löknyö chööḵnyö re, nö vë-eny fālen Tānīĕl tö inlahen ò nö im pūlngö hö-ö pöri cha-a nö kôtökūö tö löknyö ṙô re nö vë-eny fālen ò, pò ò nö kô-en, öt kôti nö in ò vanāchö, fālen inrē.

NGAM LĪPÖRE YŌP 1:1

Hĕng taka ök umuh tarik ik panam Us, ök töminënyuvö tö Yōp; töt fāluṙen ök nö tarik töchiplö inrē, töpa-ekūö ök tö ngam Tēv, havööngökūöre inrē nö ṙā-ang i tötlöök.

NAHIMIĀ 13:13

Ngaich chū-ö halēnlö yōm rupīö i nuk patī chūök inchūökngö nya-aṅkūö tö Selamiya ök kūönṙô Sētòk ök kamūich, Peteya aṅ in yik Lēvi, hamòlṙen cha inrē Hanan ök kikānö kūön Sākūr, kikōnyö kūön Mataniya, pò cha nö akahaiṙen nö tökô-en; ngaich la-en cha angū-ö nö michööḵ yik hanöng kisānöre.

NAHIMIĀ 5:15

Langānö hakeunlö yik mu-urĕh mahayöng mu-urēhĕkūö chu nö in vē tarik, kēḵ nyā-aṅkūö cha-a nö in cha, vāin inrē, nö holre tö töfën anāi siköl rupīö. Uroh yik tarik cha nö mā nö i kui yik tarik. Hö-ö pöri chū-ö ngatī, kūö pinhë-eṅkūö tö ngam Tēv.

1 RĀCHA 18:12

Ngaich ngö inlahen min angū-ö tö chu min höng feushë ṙā-ang in meh, ngaich min öp ma-alaha aṅ im Mā Tēv nö kēngen meh öm yô-òv kū-ö öt akahalōn chū-ö; ngaich yē chu min yih vë-eny nang Ahap, ngaich öt kôtökūö anga-aṅ tö meh, ngaich fëlngen chu min anga-aṅ: tö löktökūö nyinī-öṅre pöri ngòh tarik meh nö tö pa-ekūö tö ngam Mā Tēv.

2 SAMUĔL 23:3

Ngö ṙô an ngam Tēv Israĕl, vë-ekūö chu an ngam Ihong Israĕl: ngam töchīpö tī nö hayöng tarik, ngam mahayöng i pinhë-eṅkūö tö ngam Tēv.

KINṘEŪKÖ 12:7

Öt ngatī ngam tarik Chu Môsös; anga-aṅ an tökô-en i tökeuheūttöre el patī Chu.

MANEUTNYI 18:21

Hēk inrē më-eṅ meukten cha tö tarik aṅ in më tarik yip tökô, achā-a yip töpa-ekūö tö ngam Tēv, tarik tökô-en, tö sumrīk tö nup taneūngen michūṙen; vīlö yip tö ngatī lā tulöng tö cha, nö mahayöng tököṅnyu, mahayöng töṙôngu, mahayöng tötaneui anāi; mahayöng tösöm inrē:

Ranehlö 42:18

Ngaich Yôsĕf nö ngöṙô tö cha im linūöi sumkam, Ngaich chö, ha-aṅhare, tön pa-ekūö chin tö ngam Tēv:

T. MËTIV 24:45

Achīö öp öre tökô-en, tö-akaha inrē, mahalanṙen, öp mahayōm nup aṅ patī öp yöngṙenre, ngaich ha-aṅlen cha ip ṙētak?

NAHIMIĀ 7:3

Ngö ṙô chū-ö tö cha, Un löpnyu kūö nup inkūp Yērusalem hanöng saha ngam tavūöi nö ṙāich; yē cha inrē nö ṙònghöichṙen nö sökhaka nö aṅhaṅti hökngen cha nö öptökūö u hakālngö kūö nup inkūp inrē. Chöngu tö amahati in yip aṅ Yērusalem, kö i chūök re kö lā i patī re inrē.