NAHIMIĀ 6:9 - TÖHET LĪPÖRE (Re-edited) Bible (BSI)

⁹ Pò cha nö ṙòkhöre nö hòṅ pinhëtökūö ih, nö ngö lōn, Ṙā-ang tīre yip min tö ngam la-en ngaich öt keuheūten tö e. Ō Tēv, hangëkö nö kël chu pöri më-eṅ yēḵ.

NAHIMIĀ 6:9 Referans Kwoze

Salmai 138:3

Ip sakāmö chu havëken Meh ngaich sapṙô chu Me-eṅ: haruhlö alaha chu Man ngaich, tö kumlēḵ ellōn chu.

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

HEPRĀI 12:12

Lökten hachônglö minë kël tö kilölhaka, minë kinmônö inrē tölum;

FILIPĪ 4:13

Mihôiṅ chin keuheūttöre la-en in Ò ngam mahangëken chu.

EFISÖS 3:16

Hòṅ Ò nö kē-ĕkūö yīö sā ṙôken nup kanôlò Ò, hòṅ yīö hangëka tö ngam kanô-òṅ, lökten im Töhet Fanöinylö, im latuhēt nômö;

2 KÒRIN 12:9

Ngaich ngö ṙô Anga-aṅ tö chu; Löökö ṙôken ap inlōnti aṅ in chu nö in meh: pò ngam minhôiṅyö chu nö i ötkumlēḵen nö teungta. Lökten chin pōyen ṙanāmölōn im öt kumlēḵen lahëḵ, hòṅ ngam minhôiṅyö Kristū nö teungtöre nö i kui chu.

Isayā 41:10

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

1 SAMUĔL 30:6

Pōiyen kanihngen ngaich ang Tāvit, pò yik tarik nö vë-ekūöre nö hòṅ kulehan tö ihong, kūö yik tarik nö ṙòkhöre nö haṙīvö ellōn, kö haṙivlōn tö kūönre kikōnyö tö kūönre kikānö inrē: hangë-eṅl alahare pöri Tāvit nö im Mā Tēv ngam Tēv ò.

EFISÖS 6:10

Ngëḵ yin yĕh im Mā, töngamuhöten, im kumlēḵ ngam minhôiṅyö Ò inrē,

YERIMIĀ 38:4

Ngaich yip kūön rācha nö ngö ṙô töp rācha, Hökngen ngòh tarik nö kumpaha tön öt kumlēḵlö kël yip kumyung an tö-ōtre nö i ngih elpanam, kël yip tarik inrē, tökūö në ṙô ò tö ngatī nö in cha. Pò ngòh tarik nö öt chöh lanööken vē tarik, chanökö cha pöri.

2 KINṘÖTNGÖ 15:7

Uh pöri më-eṅ pa-ekūö! Un hökiṙen minë kël meh nö öt kalēḵ, tön reushu an min ngam la-en meh.

Salmai 71:1

Ō Mā Tēv, in Meh chin hayönglenre: uh chin yēḵ hētu sirōngkūö.

Salmai 56:3

Ip hē chu pa-ekūö: hayöng-lenre chū-ö min in Meh.

NAHIMIĀ 6:14

Ō Tēv chu köpölōn tö Tōpayā, Sanpalāt inrē tö tösā në tī cha töp kikānö inrē pòfĕt Nôatīyā tö yip ōtngöre inrē pròfĕt yip töhòṅ vīten chu pa-ekūö.

Salmai 68:35

Ō Tēv, pinhe-eṅkūö Man el ap töhet chūök re: ngam Tēv Israĕl, Anga-aṅ kamëtö kumlēḵ minhôiṅyö nö i yip tarik Ò, tökôlò An yēḵ ngam Tēv.

2 KINṘÖTNGÖ 32:18

Hūnyôre cha-a tö e pōitô nö i ëlô aṅ Yūtā nö in yik tarik i Yērusalem yik mī-ikui ök kinlōngö, nö pinhë-eṅlkūö hangāgö cha inrē, pò cha nö hòṅ kē ngam elpanam.

SAKARIĀ 10:12

Ngaich chū-ö min hangëken cha im Mā Tēv; ngaich cha-a min inrē nö kiröönköre nö i minë-eny chu, ṙô ngam Mā Tēv.

ESRĀ 1:6

Ngaich ṙòkhöre yik umuh in cha nö holṙen cha nö tī tö rupīö chūökṙen, humlum, chehen, töṙeūla, töpōiṙāi inrē chehen holre tö kanahanglōn tökētu.

ISIKĪ-ĔL 30:24

Ngaich chū-ö min hangëlö kël öp rācha aṅ Pēpilön, kētö ngam sanët re inrē eltī ò: likölngö nup kël Fērō pöri min chū-ö ngaich anga-aṅ min nö aluhure nö i kūö ò sā öp tarik töhòṅ kapah tökūö nyaha re.

Isayā 40:29

Kētö kumlēḵ ngòh tö chaṙīvi an; in ò inrē ngam töt kalē-en anga-aṅ nö ṙūölö kumlēḵ ò.