NAHIMIĀ 5:7 - TÖHET LĪPÖRE (Re-edited) Bible (BSI)

⁷ Höng kahngenre chū-ö ngaich chöh ellōn re, ngaich kētö fālen yik mā tö yik mākūö inrē. Ngö ṙô chū-ö tö cha, Hateung tī re yin tö ṙāi inṙūöngkö rupīö, öi kö i holre. Ngaich chū-ö hamūl yik tömaṙôngö nö lā-al cha,

NAHIMIĀ 5:7 Referans Kwoze

LA-EN LĒVĪ 25:36

Uh më-eṅ kēḵ ṙāi inṙūöngkö rupīö in ò, hēk un kē-ĕ ṙāi nup tösīöplöre ṙôken; pa-ekūö pöri më-eṅ tö ngam Tēv meh: hòṅ ngam hanöng kisānö meh nö iyöng in meh.

MANEUTNYI 22:25

Yē meh kētö rupīö tö haṙūöngka öm i vē töng tarik Chu yip yāich mi-in meh, uh man sā kamëtö hötṙeh in ò, um rēhĕn ṙāyu tī in ò tö inṙūöngkö rupīö.

ISIKĪ-ĔL 22:12

In meh yik tarik kamë raneushöre nö kitaktö mahām; ngaich me-eṅ ṙūöten ṙūölö kanôlò inrē vī taneūngenre inrē in yip holre i intēungö kahë re tö rupīö; ngaich me-eṅ vaichngen chu, ṙô ngam Mā Tēv.

Salmai 15:5

Ngòh töt chamaplö rupīöre nö ṙāyu inṙūöngka, öt kē raneushöre inrē nö i töt akahaṙa: Ngòh töngatī la-en tö në, öt hanlöinyken min.

LA-EN LĒVĪ 19:15

Uh man tī tö tötchip im inkaha fālen: uh man atölten yāich, um rēhĕn milēḵṙen töp tarik tökirööngö chöngö: im chanīpen pöri öm akah fālen ngam holre.

TAITÖS 2:15

Anū-ö në pöchö ṙô meh, halēn, vëḵa inrē, holtö chöngö. Un tarīku mahakeūngen meh.

1 TIMÒTĪ 5:20

Cha-a yip tököölö fālen, vëken cha i kūö tömaṙôngö, hòn pa-ekūö yip inrē.

KALATĪ 2:11

Chalô Kīfas nö i Anti-òk, ngaich lā-alkūö ò chu-ö, pò ò nö kôtī fālen.

2 KÒRIN 5:16

Lökten in töngamuhuten öt akahakūö tö tarik nö im alaha: pòrô öi akahalōn tö Kristū nö im alaha, rö-ö in töngamuh akahalōn.

T. MËTIV 18:17

Yē ò nö sōḵ nö hang ṙô cha, ve-eny e i ngam māṅ. Ngaich yē ò nö sōḵ nö hang ṙô ngam māṅ inrē; hökngen ò me-eṅ, nöng sā tahëng mihëṅṙö, mahamūl ṙāi kinëhöt chehen inrē.

ISIKĪ-ĔL 45:9

Ngö ṙô an ngam Mā Tēv: Ngāichö tölngö, Ō yī-ö kūön rācha aṅ Israel! Ṙāngö chanökhuṙenre yin inkihten inrē, chīpen kahôka im lanöökö inrē; ṙāngenre öi ahōngö yip tarik chu, ṙô ngam Mā Tēv.

INCHŌḴ-OṘÔ 27:5

Ĕhten töngāṅlnyi vinëkö tö töhanyāti hanāngenlōn.

Salmai 27:8

Yē meh ngö ṙô, Chöh ngih kūö chu yin: ngaich ngö ṙô ngih ellōn chu tö meh, Chöh kūö ngam Mā Tēv chin min.

Salmai 15:1

Mā Tēv, Achīö ap min mi-iyöng el ngam inrūkui meh: achīö min mi-iyöng kui ngam rung meh töhet?

Salmai 4:4

Līn yin, un köölö fālen: el chamamre vë-ekūö ellōnre, ngaich chēvhakṙen.

Salmai 109:11

Hökngen ap tö mileūchen kamë nö keuheūtlöre tī tö nup in ò: hökngen yip aṅ tahëng nö kē nup lumrāḵ ò.

MANEUTNYI 22:24

Ṙāich min öp lanīnö Chu, kumpahangvah yīö Chū-ö min aṅtī tö sanët; ngaich yip pīhö min nö tafīösi, kūön yōich yip kūön yīö inrē.

Salmai 94:16

Achīö ap min chamôhòlre nö lā in chu nö lā-al vē tötlöökö lā-en: achīö ap min samöklöre nö lā in chu nö lā-al vē töla-evṙen tö tökööl?

INCHŌḴ-OṘÔ 28:4

Yip ṙamāngö chöngö ha-öiny tötlöök yip mahaköp chöngö pöri pītnyöre nö lā-al cha.