NAHIMIĀ 5:5 - TÖHET LĪPÖRE (Re-edited) Bible (BSI)

⁵ Sā alaha yip hol ih nun në alaha ih, vē kūön ih inrē sā yip kūön cha; ngaich pöri īhö vītö kūönre tö kikōnyö kikānö inrē töhakövö rīkre yik kūön ih kikānö tö ngaich nö hakövö; öt huveū-en pöri īhö lakngen e, pò yip tahëng tarik nö inū tö taṙeū ih panô-òṅ vāin inrē.

NAHIMIĀ 5:5 Referans Kwoze

2 RĀCHA 4:1

Ngaich hĕng tak ök kikānö aṅ in yik pīhö yik kikōnyö kūön yik pròfĕt pameuinyhökūö Ēlaisa, nö ngö ṙô, Kapah ök tarik meh ök pīhö chu: ngaich më-eṅ tö-akahalōn tö ngòh tarik meh nö töpa-ekūö tö ngam Mā Tēv: ngaich öp töhötṙehevö nö in chu nö yih nö kēḵ nap tönët tak kūön chu nö töhakövö.

Isayā 58:7

Röh öng nö hē meh hòṅ hōlukūö nyā töp tö-aheuk, hē meh inrē kētö ap yāich tötpatī-ivö nö el patī meh? Hē meh inrē meuk tö lichôi ngaich kafānan ngaich uh öre me-eṅ hanyatngöre tö ngam alahare?

Ranehlö 37:27

Tā-a, töi inyihngen ò i yip aṅ Ismael, un hökiṙen në eltī hī nö ikui ò; tön kahëm hī ana: alaha hī. Ngaich yik hanöng kisānö ò nö hang ṙô ò.

T. MËTIV 18:25

Ngaich pò ò nö öt huveū-en nö kē-ĕti, ngaich öp mā ò nö hōten ò nö inyihiyö, holtö pīhöre, kūönre, nup taṙòkhöre chehen ò inrē; ngaich kētu nö höteh.

Ranehlö 29:14

Ngaich ngöṙô Lēpān tö ò, Kô-en man tangë chu, mahām chu inrē. Ngaich hĕng chumngëṅtö angā-aṅ nö iyöng in ò.

Isayā 50:1

Ngö ṙô an ngam Mā Tēv, Isuh ap līpöre kinūichngö ṙināngö ap yöng meh kikānö, öp tötī-iv tö chu ṙāngen ò? Hēk inrē achiāp chūök chu hötṙëhevö öp tö-inyīhivökūö tö chu tö meh? Yĕh meuk, kūö tökööl re yin inyīhiyö, kūö tanôichngen yīö inrē ök kikānö yöng yīö nö ṙā-ayö.

INCHŌḴ-OṘÔ 22:7

Hayöng yāich ngòh tökôlò, ngòh mahaṙūöng inrē töhakövö tö ngam tö haṙūönghukūö.