NAHIMIĀ 5:2 - TÖHET LĪPÖRE (Re-edited) Bible (BSI)

² Pòn umuh yik tö ngö ṙô, Holtö vē kūön re in kikōnyö kikānö inrē, öi maṙôngö; tā-a töi kē sāiny, hòṅ hī nyā-avkūö ngaich aṅ.

NAHIMIĀ 5:2 Referans Kwoze

MALAKI 2:2

Ngaich yē yīö min öt hang, yē yīö min inrē öt ṙāten e nö ellōn yīö, öi ha-öiny ngam minë-eny chu, ṙô ngam Mā Tēv yip tömaṙôngö, ngaich chū-ö min tīntö ngam rinôichngö vah nö I kui yīö, rôichgö vah nup inkôlò tī yīö chin min inrē: hôṅ, rôichngö vah u chin ngaich ha-ehangṙen, pò yīö öt ṙāten e ellōn re.

Ranehlö 43:8

Ngaich Yūtā nö ngöṙô tök yöng re Israĕl, Tīntö ap nyīö nö hol chu, hòṅ ih chōholre ngaich kiröönngöre; hòṅ hī aṅ öi öt kapah, ayī-ö nyöre, më-eṅ inrē, vē kun kūöṅnö hī inrē.

Ranehlö 42:2

Ngaich ngöṙô angā-aṅ, Yĕhmeuk, hang sāiny chin nö i Aikup: chuh in e yin kuṙòh, in e havah nyā-aṅkūö hī; hòṅ hī aṅ, öi öt kapah.

Ranehlö 41:57

Ṙòkhöre nuk tahëng pumnāmö nö yih nö i Aikup nö in Yôsĕf nö havah sāiny; pò ngam inyāchö nö kalēḵ nö i minë panam nö ṙòkhöre.

I. CHÖNGÖ 23:19

Uh man kētö töhaṙūöngö rupīö ip mak alaha meh nö ṙāyu inṙūöngka; ṙāi inṙūöngkö rupīö, ṙāi inṙūöngkö nyā-aṅkūö, ṙāi inṙūöngkö töng chehen nup töṙāyu inṙūöngka:

2 RĀCHA 4:1

Ngaich hĕng tak ök kikānö aṅ in yik pīhö yik kikōnyö kūön yik pròfĕt pameuinyhökūö Ēlaisa, nö ngö ṙô, Kapah ök tarik meh ök pīhö chu: ngaich më-eṅ tö-akahalōn tö ngòh tarik meh nö töpa-ekūö tö ngam Mā Tēv: ngaich öp töhötṙehevö nö in chu nö yih nö kēḵ nap tönët tak kūön chu nö töhakövö.

NAHIMIĀ 5:3

Umuh yik inrē tö ngö ṙô, Kēngö taṙeūre in nö ṙāyu inchūökka kūö, panô-òṅ vāin, patī ih inrē tökūö kinë-eṅ sāiny kūö ngih inyāchö.

HAKAI 1:6

Pōihata yin teūich, kūöṅnen kumṙen pöri; nyā-aṅvkūö yin, hö-ö pöri öi kô-òrkūö; òk yin, hö-ö pöri öi tööḵngen tö òk; kahūmöre yin, hö-ö pöri ṙāich; ngaich anga-aṅ ngam mahayih raneushöre hayih reneushöre anga-aṅ nö chaplöng nö el inyul öp tömëngö rit.

Ranehlö 47:19

Sitih öi min höng kapah, öi höng meūkö tö meh, īhö nyöre tönë taṙeū ih inrē? Havāha ih man tö nyā-aṅkūö, tö në taṙeū ih inrē, ngaich īhö tönë taṙeū ih öi kūön alaha Fërō: kētö kulöl in ih, hòṅ ih aṅ, öi öt kapah, hòṅ ngam panam nö öthöng lëlngö.