NAHIMIĀ 5:1 - TÖHET LĪPÖRE (Re-edited) Bible (BSI)

¹ Ngaich yöng inyôṙa ök umuh tö yik tarik tö yip pīhö cha inrē nö in yik Yahūti hol cha.

NAHIMIĀ 5:1 Referans Kwoze

Isayā 5:7

Pò ngam panô-òṅ vāin ngam Mā Tēv yip tömaṙôngö nö ngam patī Israĕl, yip tarik Yūtā inrē nö tölöök nö chōn: ngaich anga-aṅ nö ngëichkö inkaha fālen ngaich höng meuk pineūnyö.

YĀKÖP 5:4

Yĕh meuk nup ṙô yip mahamūl nö el panô-òṅ yīö nö hūkö raneuhösre tö nup tö hachīliṙen tö yīö: ngaich öp ṙô yip mahamūl nö hū-a nö meūt höt nö elnang ngam Mā Tēv yip tö maṙôngö.

INLAHEN 7:26

Ngaich im huṙöich anga-aṅ nö meūkö tö cha, hē cha nö lā-al kūö höö; ngaich hòṅ halāmö cha, nö ngö ṙô, Mah! Holre yīna; kūöyòh öi chökhuṙen tö höö?

T. LŪKÖS 18:7

Röh ang min ngam Tēv nö kahòklökui vē katöllöre, vē vame-eṅkūö Ò nö peuheū harap ṙô. Pò ò nö tömarô-òtö manöiyö nö in cha.

NGAM LĪPÖRE YŌP 34:28

Lökten cha nö vītö ṙô yip yāich nö yih nö in ò, hang ṙô töhakihtuṙen inrē anga- aṅ

MANEUTNYI 3:7

Ngaich ngöṙô ngam Mā Tēv, Meuk kanihngen yip tarik re Chin, yip i Aikup, ngaich Chin hang ṙô cha nö peuiny tökūö tī yip yöngṙen cha nö la-evṙen; akahalōn Chin tö miṙivlōn cha.

NAHIMIĀ 4:23

Lökten chu ötrēhĕn, ötrēhĕn yip hol chu ötrēhĕn yip tarik chu ötrēhĕn yip tarik amahati yip tamömrit chu nö hĕng tak tö ih lamuhngö inyutre: kö aṅhav eltī īhö tö aṅtī re.

YERIMIĀ 34:8

Ngam ṙô yamih nö in Yarimiā/Yeremiā nö ṙā-ang im Mā Tēv, unôichrit ök rācha Sētikiā nö vī kinlēḵngô nö in yik tarik nö ṙòkhöre i Yērusalem nö ahangnyö ṙinā-nyö nö in cha,

ISIKĪ-ĔL 45:9

Ngö ṙô an ngam Mā Tēv: Ngāichö tölngö, Ō yī-ö kūön rācha aṅ Israel! Ṙāngö chanökhuṙenre yin inkihten inrē, chīpen kahôka im lanöökö inrē; ṙāngenre öi ahōngö yip tarik chu, ṙô ngam Mā Tēv.

MALAKI 2:13

Ngaich hēk yī-ö la-evṙen tö e: hanyāti an ngam tahāklö ngam Mā Tēv tö makmat yīö, I pineūinyö, holtö saniklö unhômö, ngaich yī-ö öt ngöhöre chumkūöṙen im tökētu, öt rēhĕn öi kē-ĕ e eltī re holtö lanöökö kuilōn re.