NAHIMIĀ 4:7 - TÖHET LĪPÖRE (Re-edited) Bible (BSI)

⁷ Hē Sanpalāt pöri Tōipīa inrē tö yik Arap tö yik aṅ Amön aṅ Astòt inrē nö hang tö ök vinītit nuk kinlōngö Yērusalem nöng irūhöröön tö nup manëngö inrē nö ngaich nö hòṅ löpngökūö, tainy cha-a ngaich;

NAHIMIĀ 4:7 Referans Kwoze

NAHIMIĀ 4:1

Ngaich hē Sanpalāt nö hang tö ih katöplö ök kinlōngö, tainy ngaich anga-aṅ ngaich kiröngö lanīnö, ahūöngö yik Yahūti inrē.

NAHIMIĀ 2:10

Hē Sanpalāt pöri ök aṅ Hōròn; Tōpīa inrē ök tarik, ök aṅ Amön nö hang ngih, kunyāhalōn tī angū-ö tö cha nö kiröngen pòn hĕng tak öp yamih lamukkö inkôlò yik kūön Israĕl.

INMEUKHÖMAT 12:17

Tainy takô ngaich ngam tulan nö im kikānö, kiröönngöre ngaich nö kiyung nö lā-al yip tö ōtngöre kūön ò, yip mahaköp nup chöngö ngam Tēv, ane inrē ṙamapkö ngam inmeuktö Yēsū:

INLAHEN 5:33

Hē cha pöri nö hāngö e, ngaich cha-a nö ṙatngöre ellōn, ngaich hòṅ fëlngen cha.

AMŌS 1:13

Ngö ṙô An ngam Mā Tēv: Kūö tölūöi fālen yip kūön Amön, hôṅ, kūö töfën, hö-ö chin min havööngökūö ngam sācha e; pò cha nö fungngö aich kikānö puyōsö nö i Kīlīöt, pò cha ö hòṅ ṙūöyö kūöngö panam re:

YERIMIĀ 25:20

ṙòkhöre inrē yip aṅ tahëng in cha; ṙòkhöre yip rācha ap panam Ūs ṙòkhöre inrē yip rācha ngam panam Filistain (Eskēlòn, Kāsa, Ĕkròn, yip chööḵṙen Astòt inrē);

AMŌS 1:8

Ngaich chū-ö min rökngen yip aṅ e löktökūö Astòt, anga-aṅ inrē öp ṙamapkö kinchīṙö rācha löktökūö Eskēlòn; hö-ö chin min havöökūö tī re lā-al Ēkròn, yip chööḵṙen inrē in yip aṅ Filistain min nö ötkôlò, ṙô ngam Mā Tēv.

NAHIMIĀ 2:19

Hē Sanpalāt pöri ök aṅ Hōròn Tōpīa inrē ök tarik ò, aṅ Amön, tö Kīsem ök Arap nö hāngö e, ahūöngen ih cha-a ngaich pinhëṅtökūö ih inrē nö ngö ṙô Asuh öng ngih la-en yīö? Ahôngen öp rācha öyih?

ESRĀ 5:8

Akahalōn an yĕh ngam rācha tö ih öi chuh panam Yūtā, i patī öp tökiröng Tēv. Tökiröng nup ihong tökatöplöng nö in e ṙātu inrē savaich nö i nup kinlōngö; iṙūöhöröön an ngam la-en nöng pētngen kôlò inrē nö eltī cha.

2 KINṘÖTNGÖ 20:1

Unôichrit ngih yik aṅ Mô-ap tö yik aṅ Amön, hol cha inrē yik rīkre aṅ Meūn, nö yih nö lā-al Yēhōsafāt nö kiyung.

2 RĀCHA 24:2

Ngaich ngam Mā Tēv, nö tīntö lā-al ò tö yik kumyung aṅ Kāltī, aṅ Sīriā inrē, aṅ Mô-ap inrē aṅ in yik kūön Amön inrē, tīntu cha-a nö lā-al Yūtā nö ahatngö e, sā ngam ṙô ngam Mā Tēv, ngam ṙô ò nö löktö eltī yik tarik ò pròfĕt.

1 SAMUĔL 11:2

Ngö ṙô ngaich Nāhas tö cha tö aṅ Amön, Ngih ön min tī chu vīten e in yīö, ṙòkhöre nup lāhāmö mat yīö nö piôknyu, ngaich chū-ö min ṙāten e nö minṙēngö in yip Israĕl nö ṙòkhöre.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

AMŌS 3:9

Ahangyö e yin el nup patī rācha i Astòt, el nup patī rācha i panam Aikup inrē, ngö ṙô, Hamūlöre yin i kui nup rôngö Samariā, yĕh meuk, öp yöng tinṙōlen umuh, öp inkihten inrē ellōn e.

NAHIMIĀ 4:6

Katöp ök kinlōngö īhö; ngaich keuheūtngöre ök kinlōngö nö taptöre kūö ik tö ròngti ṙô-òlkui e. Pò yik tarik nö lōnu nö la-evṙen.

NAHIMIĀ 4:8

Ngaich cha-a nö vī ellōn re nö yih nö kiyung nö lā-al Yērusalem nö hòṅ kilūöchngö el kui cha inrē.

NAHIMIĀ 6:16

Hē yik lā-al ih nö ṙòkhöre nö hāngö e, ṙòkhöre yik pumnāmö tarik mahavīlen ih nö pa-ekūö ngaich pōyen miṙē-ĕv nöng kahngenre; pò cha nö akahalōn tö ngam la-en nö keuheūten i hinôlṙen ih tö ngam Tēv ih.

YERIMIĀ 41:10

Ngaich ang Isama-el nö kē yik tarik aṅ Mispā nö töhakövö, yik kūön rācha kikānö ṙòkhöre yik tarik inrē tö-ōtre nö i Mispā yik kahëtö Nēpusaratön, ök yöngkūö amahati nö in Kētalia ök kikōnyö kūön Ahīkam. Kē-ĕ cha ngaich ang Isma-el ök kikōnyö kūön Nētania nö hakövö kiröönngöre ngaich nö havāngngöre nö in yik aṅ Amön.