NAHIMIĀ 4:1 - TÖHET LĪPÖRE (Re-edited) Bible (BSI)

¹ Ngaich hē Sanpalāt nö hang tö ih katöplö ök kinlōngö, tainy ngaich anga-aṅ ngaich kiröngö lanīnö, ahūöngö yik Yahūti inrē.

NAHIMIĀ 4:1 Referans Kwoze

HEPRĀI 11:36

Ha-āchiṙen yip tahëng nö kalaha, fòho inrē, hôṅ, hēk inrē nö nyëkö, kalonghötvö inrē:

NAHIMIĀ 2:10

Hē Sanpalāt pöri ök aṅ Hōròn; Tōpīa inrē ök tarik, ök aṅ Amön nö hang ngih, kunyāhalōn tī angū-ö tö cha nö kiröngen pòn hĕng tak öp yamih lamukkö inkôlò yik kūön Israĕl.

INLAHEN 5:17

Chohol alahare ngaich ök mākūö kūönṙô, ṙòkhöre inrē yik hol ò; yik töng Satukī; ngaich cha-a nö pōi kumnyahlōn.

NAHIMIĀ 2:19

Hē Sanpalāt pöri ök aṅ Hōròn Tōpīa inrē ök tarik ò, aṅ Amön, tö Kīsem ök Arap nö hāngö e, ahūöngen ih cha-a ngaich pinhëṅtökūö ih inrē nö ngö ṙô Asuh öng ngih la-en yīö? Ahôngen öp rācha öyih?

T. MËTIV 27:29

Ngaich kupāt sapīöv Ò cha-a, tö töchökhukūö; ngaich sumpīövlöng nö i kui Ò. Kētu eltī Anga-aṅ tö tinkung, nö lahāmö. Simngöre cha-a ngaich nö i kūö Ò; ngaich hayëḵngen Ò nö ngö ṙô, Salām, Me-eṅ Rāchakūö Yahūti.

T. MËTIV 2:16

Höng meuktöre anga-aṅ Heròt töre nö hayëḵeiṙen tö yik tö-akaha tarik, ngaich pōi lanīnö; tīnngö tarik, ngaich, ngaich fëlngö yik kikōnyö nyīö nö ṙòkhöre, yik mi-i Petlihem I nuptöng ranghö e inrē, yik tönët höiny samyeūhö yik ṙanëtcha inrē sā rò-angen ök ṙētak ò, nö hatön yik tö-akaha tarik.

NAHIMIĀ 6:15

Keuheūten ngaich ök kinlōngö im tönët anāi sakāmö ngam chingëṅt Elul, i ëltö taneui anāi nët sakāmö.

NAHIMIĀ 6:16

Hē yik lā-al ih nö ṙòkhöre nö hāngö e, ṙòkhöre yik pumnāmö tarik mahavīlen ih nö pa-ekūö ngaich pōyen miṙē-ĕv nöng kahngenre; pò cha nö akahalōn tö ngam la-en nö keuheūten i hinôlṙen ih tö ngam Tēv ih.

NAHIMIĀ 13:28

Ngaich hĕng tak ök aṅ in yik kikānö kūön Yehōyata, ök kikōnyö kūön Ēliasip ök mākūö kūönṙô, nö köinykūön Sanpalāt ök aṅ Hōròn; lökten chu lūḵ an nö ṙā-ang in chu.

YERIMIĀ 38:19

Ngaich ngö ṙô-ök rācha Sētikiā tö Yarimiā, Pa-ekūö chin tö yip Yahūti yip mahavāngtöre nö in yip aṅ Kālti, pòchu min kētu in cha ngaich cha-a min nö ötlēkôre tö chu.