NAHIMIĀ 2:8 - TÖHET LĪPÖRE (Re-edited) Bible (BSI)

⁸ Hĕng inrē öp tökūichö līpöre löö in Asaf, ök yōm öp el inchōn ngam rācha, hòṅ ò nö kē-ĕkūö chu tö chōn nö mikeūnö nup inkūp öp chūök kumyung ip tempöl, chōn kinlōngö öp elpanam inrē, chōn öp patī chu inrē chūök chu iyöng. Ngaich ök rācha nö kētö nuk havëkö chu, pò ngam kël ngam Tēv nö löök nö i kui chu.

NAHIMIĀ 2:8 Referans Kwoze

ESRĀ 7:6

Ṙamā-ang Pēpilön ön ngòh Esrā. Töhuveū ök nö kūich im chöngö Môsös ngam kahëtö ngam Mā Tēv ngam Tēv Israĕl: ngaich ök rācha nö kētö nuk töng havëkö ò, pò ngam kël ngam Mā Tēv ò nö i kui ò.

Isayā 66:14

Meuk yin min, ngaich ṙāmö ellōn yī-ö min ayallöre min nup tangëḵ yīö nö sā kiyôp; ngaich akahaiṙen min angū-ö tö ngam kël ngam Mā Tēv nö in yip tarik ò, in yip lā-al ò pöri ngam lanīnö ò,

NAHIMIĀ 7:2

Kē-ĕkūö ök hanöng kisānöre chū-ö Hananī ane inrē Hananiyā ök mahayöng ök tökiröng patī mā i Yērusalem, pò ò nö tömötlö kanô-en tö yik tömaṙôngö ane inrē tarik töpa-ekūö tö ngam Tēv.

TANĪ-ĔL 1:9

Ngaich ngam Tēv nö kētö miṙēlōn nö in Tanīĕl i kūö ök yöngkūö yik kumkantöre.

ESRĀ 5:5

Ngaich pöri ngam mat ngam Tēv cha nö i kui yik mā in yik Yahūti, ngaich cha-a nö öt asökngö tī cha hanöng saha öp vinënyö cha nö sölngö nö in Tērīös ngaich möl min öp sanap ṙô nö havan nö lökten i tökūichö līpöre.

Ranehlö 32:28

Ngaich ngöṙô Angā-aṅ, Öt ngöhören an ngam minë-eny meh nö Yāköp, Israĕl pöri: pò meh kanô-òṅvö im Tēv i tarik inrē, ngaich mihôiṅ.

2 KÒRIN 8:16

Ha-öiny ngam Tēv pöri, ngam kamëhöt tö ngatī kumlēḵ, chumkūöṙen tö yīö nö ellōn Taitös.

INLAHEN 26:22

Hōluṙen pöri chū-ö tö ngam Tēv öich sökhaka töngamuh, hameukhömat tökūöṅnö, töpōyö inrē, öt inrēṙu ṙô, höng nup ṙô yik pròfĕt, Môsös inrē,

INLAHEN 7:10

Ṙānyen ò pöri Anga-aṅ i nup taṙòkhöre kanihngen ò; ngaich kētö neukhö ò, mikah inrē, nö i kūö Fërō, ök rāchakūö Aikup; ngaich vīlen ò anga-aṅ nö mahayöng nö i Aikup, i patī ò inrē.

INCHŌḴ-OṘÔ 21:1

Töhëm an nö mak ngam ellōn ngam rācha eltī ngam Mā Tēv; havēngökūö e an i kū-ö lōn ò.

ESRĀ 7:9

Pòn im raneh sakāmö ngam raneh chingëṅt anga-aṅ nö kirööngngöre nö ṙā-ang Pēpilön, ngaich im raneh sakāmö ngam tinneūyö chingëṅt anga-aṅ nö sölngö nö i Yērusalem, kūö lanöökö tī ngam Tēv nö in ò.

ESRĀ 6:22

Haköpkö ngam tökiröng nyinā-aṅ töt aföhlöng rôtī cha-a inrē nö sat sumkam nö holtö ṙanāmölōn re; pò ngam Mā Tēv nö vīten cha nö ṙāmölōn; ngaich havöötökūö ellōn ök rācha aṅ Assirīa nö in cha, lökten ò nö holṙen cha i la-en ngam patī ngam Tēv, ngam Tēv Israĕl.

Mumkahten 2:5

Vī pannô-òṅ re chin panô-òṅ pūl inrē, ngaich teūichtö ël u tö chōn tö keuheūttöre mihëṅṙö ṙòng.

Mumkahten 2:6

Vī chūök mak chin inrē nö ṙanös nup chōn samīöplöre.

ESRĀ 6:8

Vītö chöngö chin inrē töp la-en meh min in vē mā vē Yahūti i minānlö ngih patī ngam Tēv; hòṅ hateūngö ṙôken öp ṙāi nö kētu nö in vē tarik nö un hāṅen nö i nup rupīö rācha, nup masūl aṅ ip panam Lāmuh tö ngam Tahël.