NAHIMIĀ 2:7 - TÖHET LĪPÖRE (Re-edited) Bible (BSI)

⁷ Ngö ṙô chū-ö inrē tök rācha, Yē ngam rācha nö kuchīkölōn nö in e, yĕh hökngen öp tö kūichö līpöre nö kētu nö in chu nö lamöö in yip mahayöng panam, Lāmuh tö ngam Tahël, hòṅ cha nö halöngten chu lök umuh hanöng saha chu sölta i Yūtā;

NAHIMIĀ 2:7 Referans Kwoze

ESRĀ 7:21

Ngaich chū-ö, rācha Artāsörsös, öich vītö chöngö in yip yōm rupīö im panam Lāmuh töm Tahël: Nup töng lōn Esrā ngam kūönṙô nö in yīö ngam kamūich chöngö ngam Tēv halīöngö, kēkö kaha e holtö ṙanëmenre,

NAHIMIĀ 2:9

Sölta chū-ö ngaich in yik mahayöng panam Lāmuh tö ngam Tahël, ngaich kē-ĕkūö cha tö nuk tökūichö līpöre aṅ ik rācha. Ngaich ök rācha nö tīntö hol chu tö mākūö kumyung aṅ uk kōra inrē tarik.

ESRĀ 8:36

Ngaich cha-a inrē nö kētö öp chöngö ök rācha nö in yik Setrāk tö yik mahayöng im panam Lāmuh tö ngam Tahël; ngaich cha-a nö holṙen yik tarik tö ngam patī ngam Tēv inrē.

ESRĀ 6:6

Yĕh lökten, Tatēnai, mahayöng ap panam Lāmuh tö ngam Tahël, Satörpōsēnīa, yip hol meh inrē mahayöng yip ing panam Lamuh tö ngam Tahël, ṙūhöng re;

ESRĀ 8:22

Pò chu sirōngkūö havëkö kumyung aṅ ip rācha tarik nö lamaklen ih i tö kunyaha elmat tö ih el talöökö ih; pò ih ngāichö ṙô ik rācha, Tö ngam kël ngam Tēv ih nö tölöökö tī nö in cha yip chamööhan, ngam kumlēḵ ngam lanīnö ò inrē nö lā-al cha yip ṙamāngen ò.

NAHIMIĀ 3:7

Ṙanët tī cha nö vītit ang Melatīya ök aṅ Kipīön Yātòn inrē ök aṅ Mërōnòt, tarik aṅ Kipīön, aṅ Mispā inrē ök më-el katòh chöngö ök mahayöng panam Lāmuh tö ngam Tahël.