NAHIMIĀ 2:5 - TÖHET LĪPÖRE (Re-edited) Bible (BSI)

⁵ Ngaich ngö ṙô chū-ö tök rācha. Yē ngam rācha nö kuchīkölōn tö e, yē ngòh tarik meh inrē nö aheukhuvö nö i kūö meh, öm tīnten chu chuh Yūtā, ip elpanam chūök kui kupah yik yöng chu kikōnyö, hòṅ chu vīlen e hēk.

NAHIMIĀ 2:5 Referans Kwoze

ESRĀ 5:17

Lökten, yē e nö tölöök tö lōn ngam rācha, chöhö nup yēḵ chūök inlinngen līpöre ngam rācha nö umuh i Pēpilön, nö ngëichka yē ök rācha Sairös nö kētö chöngö minānlö ngam patī ngam Tēv nö hēk i Yērusalem. Ngaich hökngen ngam rācha i kumchiklōn ò nö söömhöti nö in ih i ngih tö ngatī inlahen.

INCHŌḴ-OṘÔ 3:4

Hòṅ meh min kôtökūö tö neūkölōn tölöök ineūkö inrē i kūö ngam Tēv tarik inrē.

ESTÖR 8:5

Chōholre ngaich ang Estör ngaich sökhaka nö i kūö ök rācha. Ngaich ngö ṙô anga-aṅ, Yē e nö kumchiklōn ngam rācha, yē chu inrē aheukhuvö i kūö ò, yē e inrē nö tölöök nö i kūö ngam rācha, yē ò inrē nö kuchik elmat tö chu, hökngen öp chöngö yēḵ nö kūichö nö havanrit nuk līpöre tökūichö hachöngten Haman ök aṅ Akak ök kikōnyö kūön Hamëtata, nuk kahūich ò hinôtö yip Yahūti nö fëli i kūö në panam ngam rācha nö ṙòkhöre.

ESTÖR 7:3

Sapṙô ngaich Rānī Estör, Yē chu aheukhuvö i kūö meh, Ō rācha yē ngam rācha inrē nö kuchīkölōn nö in e, hökngen ngih nômö chu nö kētu nö in chu i ṙô chu havë-a, vē tarik chu inrē i ṙô chu.

ESTÖR 5:8

Yē chu aheukhuvö i kūö ngam rācha, yē e inrē nö kumchiklōn ngam rācha nö kētö öp havëkö chu nö hateungngö öp ṙô chu inrē, hökngen ngam rācha yēḵ tö Haman inrē nö yih huṙöich nyinā-aṅ tö hatööm öp halēnken chu tö pòkūö cha, ngaich huṙöich chū-ö min asā ṙô ngam rācha.

2 SAMUĔL 14:22

Afukngöre ngaich Yôap nö el tumlat nö fāthakkūö, nö salām, hakôlò ngam rācha inrē: ngö ṙô ngaich ang Yôap, Mā chu, ō rācha, akahalōn ön ngòh tarik meh töngamuh töre nö aheukhuvönö i kūö meh, i tī ngam rācha nö kētö öp havëkö ngòh rarik ò.

NGAM LĪPÖRE RŪT 2:13

Ngaich ngö ṙô anga-aṅ, Mā chu, hökngen chu yēḵ kôtökūö tö neūkölōn ikūö meh, tön ngaich man yih haṙamkölōn, chu, ngaich inrē öm aheūkölōn, tö chu, ngaich inrē öm aheūkölōn, chu, ngaich inrē öm aheūkölōn ṙô i ngòh kūönre kikānö, pòrô chū-ö öt aṅ in yip tarik meh kikānö.

ESTÖR 1:19

Yē e nö lōn ngam rācha, yĕh hökngen öp chöngö rācha nö kiröönngöre nö ṙā-ang in ò, hökngen e nö kūichiyö i chöngö aṅ Pörsiā aṅ Mīt inrē hòṅ e nö öt haṙīka, tö Vasti nö öt yihtöre nö hēk nö i kūö ngam rācha Ahāsurös hökngen ngam rācha inrē nö kētö ngam chūök minā-aṅ ò nö i tahëng öp tö ĕhten tö ò.

T. MËTIV 23:27

Tötkôlò yin yī-ö kamūich, Feresī inrē, mahanyatköelmat; pò yīö sā nup kuikupah, tö mi-isohnyu; nup tövāiyö mineūkö nö elkahôiyö; tööḵlö pöri tö tangëḵ tö kapah tarik, nup töng yô-òv inrē.

NAHIMIĀ 2:4

Ngö ṙô ngaich ök rācha tö chu, Öp yòh öp pökeh havëkö meh? Lökten chu vë-ekūö ngam Tēv halīöngö.

NAHIMIĀ 2:6

Ngaich ngö ṙô ök rācha tö chu (ūichhak ök rāni nö in ò), I rô-angṙen öm min ngaich i hē min inrē öm havan? Ṙāmölōn ngaich ök rācha nö tīnngen chu; ngaich chū-ö kētö ṙētak in ò.

TANĪ-ĔL 9:25

Lökten man akahalōn akaha elmat inrē tö e, nö löktökūö kinröönngö ngam ṙô, ngam ṙô, nö invannlö minānlö Yērusalem söl i yanīhih ngam töhachāmö el kui, ngam kūön rācha nö sat afta min. Ngaich el tötafūöl anāi nët afta angū-ö min nö mānlöngö nö hēk nö fën minëṙö öp talöökö mak, hē el kanihngen pöri.