NAHIMIĀ 2:4 - TÖHET LĪPÖRE (Re-edited) Bible (BSI)

⁴ Ngö ṙô ngaich ök rācha tö chu, Öp yòh öp pökeh havëkö meh? Lökten chu vë-ekūö ngam Tēv halīöngö.

NAHIMIĀ 2:4 Referans Kwoze

INCHŌḴ-OṘÔ 3:6

Akahan i nup tökeuheūttöre talöökö meh, ngaich anga-aṅ min nö hachip kanröönö meh.

NAHIMIĀ 1:4

Ngaich hē chu hang në ṙô ūichngöre chū-ö ngaich öich peūny, ṙōl sumkam inrē öich haṙivlōn ngaich höng iṙūhen chū-ö ahik havë-a inrē i kūö ngam Tēv halīöngö.

FILIPĪ 4:6

Un piṙūtkuvö; i nup tökeuheūttöre pöri, höng i vinë-ekūötēv, vinë-elkui inrē, holtö nöinyö, öi mikahtölōn ngam Tēv tö nup havëkö yīö.

NAHIMIĀ 1:11

Ō Mā, hökngen ngam el nang Meh nö hangihtöre tö ṙô ngòh tarik Meh nö havë-a, tö ṙô vē tarik Meh inrē nö havë-a vē tö kuchikölōn nö pa-ekūö tö minë-eny Meh; kētö taneunglen inrē in ngòh tarik Meh töngamuh, ane inrē kētö miṙēlōn in ò i kūö ngòh tarik. Sumlô kōp chū-ö in öp rācha ik hē e.

T. MĀKÖS 10:51

Ngaich Yēsū nö ngö ṙô tö ò, Asuh ap lōn meh, la-en Chu in meh? Ngaich ngö ṙô ök tötmeuk tarik tö Ò, Rappōni; hòṅ meuk chin.

1 RĀCHA 3:5

I Kipīön ngam Mā Tēv nö meūkö tö Sòlòmön tö hatööm nö i heūvö: ngaich ngö ṙô ngam Tēv, Kē-ĕkūö meh chin min töp havëkö meh.

ESTÖR 7:2

Im innëtö sakāmö, hē cha nö òk vāin, hēk ök rācha nö ngö ṙô tö Estör, Suāp havëkö meh Rānī Estör? Kētu ap min nö in meh. Asuh ap ṙô meh inrē? Hateūngi ap min, pòrô nö ròngti ngih pūlngö chu.

ESTÖR 5:6

Ngaich hē cha nö òk vāin, ngö ṙô ngaich ök rācha tö Estör, Suāp havëkö meh? Kētu ap min nö in meh. Suāp inrē havëkö meh? Hateūngi ap min pòrô nö ròngti ngih pūlngö chu.

ESTÖR 5:3

Ngaich ṙô ngaich ök rācha tö ò, Asuāpa, rāni Estör? Suāp havëkö meh? Kētu ap min nö in meh, pòrô nö ròngtī ngam pūlngö chu.

2 SAMUĔL 15:31

Ngaich hĕng tak ök tö ngö ṙô nö vë-eny nang Tāvit, Ahītōfel öp hol Apsalem nö halēnlö ap chöngö. Ngaich ngö ṙô ang Tāvit, vë-ekuö meh chin, Ō Mā Tēv, havāngtö öp halēnlö Ahītōfel nö kumlō-ov.

NAHIMIĀ 2:5

Ngaich ngö ṙô chū-ö tök rācha. Yē ngam rācha nö kuchīkölōn tö e, yē ngòh tarik meh inrē nö aheukhuvö nö i kūö meh, öm tīnten chu chuh Yūtā, ip elpanam chūök kui kupah yik yöng chu kikōnyö, hòṅ chu vīlen e hēk.

NAHIMIĀ 2:20

Ngaich sapṙô cha chū-ö, Ngam Tēv ngam halīöngö an min mahakôlò ih, ngaich īhö tarik ò min öi choholre mānö; hö-ö pöri yī-ö minchööḵöv hēk huneū-envṙen hēk inköpkulōn i Yērusalem.

NAHIMIĀ 1:5

Ngö ṙô chū-ö, Ō Mā Tēv ngam halīöngö, tökiröng Tēv inrē tö pahë-ev mahaköp kinlēḵngô tököpö hanāngenlōn inrē tö cha yip tö hāngenlōn tö ò mahaköp nup chöngö ò inrē;

Salmai 136:26

Ō Ha-öiny ngam Tēv aṅ el halīöngö: pò ngam miṙēlōn Ò nö örheūheu nö köp.

INLAHEN 23:19

Ngaich ök mākūö kumyung nö kēḵ kël ò, ngaich ṙūöngen ò, ulāikenre ngaich nö hatönan, nö ngö ṙô, Asuh ap ṙô meh, ve-eny nang chu?