NAHIMIĀ 2:3 - TÖHET LĪPÖRE (Re-edited) Bible (BSI)

³ Ngö ṙô chū-ö ngaich tök rācha, Hökngen ngam rācha yēḵ nö örheūheu nö aṅ? Kūöyòh öich öre öt ūnökūö, yē ap elpanam, ap chūök kui kupah yik yöng chu nö hulalhaka nö öt aṅhavkūö, nup inkūp e inrē nö ṙāpngö tökūö tameūyö?

NAHIMIĀ 2:3 Referans Kwoze

NAHIMIĀ 1:3

Ngaich ngö ṙô cha-a tö chu, Yip tö ōtren nö aṅ umuh ip panam yip tö kiröngö kanihngen yip tö sirōngkūö inrē; tiṙöli ap kinlōngö Yērusalem, ṙāpngö inrē nuk inkūp e tökūö tameūyö.

TANĪ-ĔL 2:4

Ngaich ngö ṙô yik aṅ Kālti tök rācha, Ō rācha örheūheu man yēḵ aṅ! Ve-enynang vē tarik re man tap heūvö, ngaich ihö min hameuktö öp manah.

1 RĀCHA 1:31

Sōnngökūöre ngaich Petsīpā nö el tumlat, ngaich salām ök rācha nö ngö ṙô, Örheūheu An yēḵ ngam mā chu rācha Tāvit nö aṅ.

TANĪ-ĔL 5:10

Yih ök rānī nö el ök chūök nāhaṅl hôl, kūö ṙô ök rācha tö yik mā in ò inrē; ngö ṙô ngaich rānī, Ō rācha, örheūheu man yēḵ aṅ! Uh nup yēḵ chanöh ellōn meh nö pinhëṅtökūö meh hēk inrē um haṙī-ingre lunyī elmat.

Salmai 137:6

Hökngen ngam litāk chu nö tanlö nö el mirāḵlö chu, yē chu öt köpölōn tö Meh: yē chu öt sumötlen Yērusalem nö tulöng tö ṙanāmölōn chu.

TANĪ-ĔL 6:21

Ngaich ngö ṙô Tanīĕl tök rācha, Ō rācha, örheūheu man yēḵ aṅ!

TANĪ-ĔL 6:6

Ngaich vē presiten tö yik setrap nö hamūl lōn re nö yih nö ik rācha, ngaich ngö ṙô tö ò, Ō rācha Tērīös örheūheu man yēḵ aṅ!

INRĀMÖRE 2:9

Chalipköti nup inkūp e nö el tumlat; likölngö nuk inkālkūö anga-aṅ nö piyāyi; öp rācha ò tö yip kūön rācha inrē mūlngö nö in yip pumnamö tarik; öt ōtren ngam chöngö, hö-ö yip pròfĕt ò nö meuk aṅ i ngam Mā Tēv.

2 KINṘÖTNGÖ 32:33

Haṙòh ngaich Hesikia nö in yik yöngre, lāpngen ò cha-a ngaich nö i paneūlö nup kui kupah yik kikōnyö kūön Tāvit; ngaich yik aṅ Yūtā aṅ Yērusalem inrē nö ineū-euṅvtī tö ò ik kinpaha ò. Ngaich ök kikōnyö kūön ò Manasē nö ṙënngen ò nö hayöng.

2 KINṘÖTNGÖ 28:27

Haṙòh ngaich Ahas nö i yik yöngre, lāpngen ò cha-a ngaich nö elpanam i Yērusalem, pò cha nö ötkēhĕtnen ò nö i kui kupah yik rācha aṅ Israĕl. Hayöng ngaich Hesīkia ök kikōnyö kūön ò nö ṙënngen ò.

2 KINṘÖTNGÖ 21:20

Lūöi anāi nët samyeūheu ṙēti anga-aṅ hē ranulten ò nö hayöng, ngaich hëvhöre samyeūheu anga-aṅ nö hayöng nö i Yērusalem; ngaich öt hĕng tak tö haṙivlōn hē chanuhu ò. Lāpngen ò cha-a ngaich nö elpanam Tāvit, hö-ö pöri nö el anūlö rācha.

TANĪ-ĔL 3:9

Ngö ṙô cha-a tök rācha Nēpukatnēsar, Ō Rācha, örheūheu man yēḵ aṅ!

Salmai 102:14

Pò vē kūön Meh nö kuchīkölōn nö i në ihong e: aṙē-ĕlōn inrē tö në pitung e.

LA-EN LĒVĪ 26:31

Ngaich min Chū-ö vītö nup el panam yīö nö öt aṅhaṅvkūö, vītö nup töhet chūök yīö inrē nö öt aṅhaṅvkūö, ngaich Chū-ö min inrē öt tongkö nup tinhūsö yīö.

2 RĀCHA 25:8

Im tinneui chumngëṅtö im sinat sumkam ngam chingëṅt, ngam minchūötör sīön samyeūheu ök rācha Nēpusaratan nö i Yērusalem ök yöngṙen amahati, tarik ök rācha aṅ Pĕpilön.

2 KINṘÖTNGÖ 36:19

Ngaich cha-a nö föngtö ök patī ngam Tēv, tiṙölngö ök kinlōngö Yērusalem inrē, föngtökūö nup patī rācha inrē tö tameūiyö ngaich keuheūtngöre tī nö likukngö nuk töpōi ṙāi chūökṙen.

NAHIMIĀ 2:13

Kunyī-inyre chū-ö tö hatööm löknyö ök el Achāṙö Inkūp ök tö kū-ö tö ök inkūp Sôḵ nuā, ngëichkö nuk kinlōngö Yērusalem chū-ö inrē nuk tötaṙöli nuk inkūp inrē töṙāpngö tökūö tameūyö.

YERIMIĀ 52:12

Im tinneūyö chingëṅt, im sinömö sakāmö ngam chingëṅt ngam minchūötör sīön sameūheu ök rācha Nēpukatnēsör, rācha aṅ Pēpilön ang Nēpusaratön yöngkūö amhati ök mī-i la-en ök rācha aṅ Pēpilön, nö kuhēthötre nö i Yērusalem.

ESTÖR 8:6

Sitih kanô-òṅ ṙöng öich chū-ö min meuk ngam öt kanôlò yamih nö i kui vē tarik chu? Hēk sitih kanô-òṅ öich min hatīönkö inlëlngö vē mak alahare?

Salmai 38:7

Pò ngam ṙat chu nö tööḵlö tö töhū: öt töt vahavö i alaha chu.

Salmai 102:15

Ngaich pa-ekūö min vē pumnāmö tarik tö mine-eny ngam Mā Tēv: ṙòkhöre inrē vē rācha ngih panam nö pa-ekūö tö ngam kanôlò Meh.