NAHIMIĀ 2:10 - TÖHET LĪPÖRE (Re-edited) Bible (BSI)

¹⁰ Hē Sanpalāt pöri ök aṅ Hōròn; Tōpīa inrē ök tarik, ök aṅ Amön nö hang ngih, kunyāhalōn tī angū-ö tö cha nö kiröngen pòn hĕng tak öp yamih lamukkö inkôlò yik kūön Israĕl.

NAHIMIĀ 2:10 Referans Kwoze

NAHIMIĀ 4:7

Hē Sanpalāt pöri Tōipīa inrē tö yik Arap tö yik aṅ Amön aṅ Astòt inrē nö hang tö ök vinītit nuk kinlōngö Yērusalem nöng irūhöröön tö nup manëngö inrē nö ngaich nö hòṅ löpngökūö, tainy cha-a ngaich;

NAHIMIĀ 2:19

Hē Sanpalāt pöri ök aṅ Hōròn Tōpīa inrē ök tarik ò, aṅ Amön, tö Kīsem ök Arap nö hāngö e, ahūöngen ih cha-a ngaich pinhëṅtökūö ih inrē nö ngö ṙô Asuh öng ngih la-en yīö? Ahôngen öp rācha öyih?

INCHŌḴ-OṘÔ 27:4

Öt milēḵ ön ngih lanīnö, mihôiṅ tī pöri tanānyö; chīö pöri tökô nö sökhaka nö i kūö kumnyahlōn?

NAHIMIĀ 13:4

Urēhĕkūö e sin, Ēlīasip ök kūönṙô, ök töhalēnlöng nö i nuk tökiröng urôhò ngam patī ngam Tēv hī, ök tönôlngö inrē nö in Topiya,

NAHIMIĀ 6:1

Ngaich hē e nö vënyu nö in Sānpalāt Tōpaya inrē tö Kisem inrē ök Arap in yik tö-ōtngöre inrē tökunyaha elmat tö ih tö chu ngaich vīlö öp kinlōngö tö nup tömëngö inrē in e nö öt hĕng tö-ōtren (öl pöri chū-ö ik hē e asöklö nuk inkūp i nuk lökhöt),

INLAHEN 5:24

Ngaich hē ök yōm ngam töhet chūök, tö yik mākūö kūönṙô inrē, nö hang minë ṙô; pōihangen öt mikahlōn cha-a ngaich tö cha, töp lökngö e.

INLAHEN 4:2

Kunyahaṅlōn cha-a; pò cha nö haköp tö yik tarik, ngaich ahānga inrē tö ngam invanlö ṙā-ang i yip tökapah, nö lökten in Yēsū.

YERIMIĀ 48:34

Hū-a ap Hespòn, Ĕliāleh inrē; sölngö ṙô yip nö tölngö Yā has, löktökūö Sō-ar söl i Horonēm Ēklātselisīyā inrē pò nup mak Nimrim nö ngaich nö öt aṅhaṅvö.

YERIMIĀ 48:5

Pòn i paneūlö Luhit cha-a nöng kinröönngöre nö peuiny; pòn ip paneūlö Horōnēm cha-a nö hang pineūnyö tinṙōlngö.

Isayā 15:5

Peūinyö Mô-āp ap nômö chu; pāngö yik mā ò nö i Sō-ar, i Eklātselīsīya. Pòn i paneūlö Lūhit cha-a nöng paneunyngöre nö peūlöre; pòn el talöökö Heronēm cha-a nö hūnyôre tö pinyāingö e.

Mumkahten 10:7

Meuk tö hakövö chin nö i uk kōra, kūön rācha inrē nöng kiröön sā töhakövö.

INCHŌḴ-OṘÔ 30:22

Öp kaitī yē ò nö rācha, tökulō-ov inrē yē ò nö tööḵngen tö nyā-aṅkūö;

Salmai 112:10

Meūkö e min yip tötlöök, ngaich haṙīvölōn; ti-ëaṅt kui kanap re min anga-aṅ, ngaich chaṙēviyö: öt kôlò min öp lōn ngòh tötlöök.

NAHIMIĀ 13:1

Ik sakāmö angū-ö cha-a nö löktökūö ök līpöre Môsös nö vë-ekūö e nö elnang yik tarik; ngaich kôtökūö tö e nö kūichiyö tö yik aṅ Amön hēk aṅ Mô-ap nö öt hētu nö kuhēthötre i manūlö ngam Tēv;

NAHIMIĀ 6:16

Hē yik lā-al ih nö ṙòkhöre nö hāngö e, ṙòkhöre yik pumnāmö tarik mahavīlen ih nö pa-ekūö ngaich pōyen miṙē-ĕv nöng kahngenre; pò cha nö akahalōn tö ngam la-en nö keuheūten i hinôlṙen ih tö ngam Tēv ih.

NAHIMIĀ 13:28

Ngaich hĕng tak ök aṅ in yik kikānö kūön Yehōyata, ök kikōnyö kūön Ēliasip ök mākūö kūönṙô, nö köinykūön Sanpalāt ök aṅ Hōròn; lökten chu lūḵ an nö ṙā-ang in chu.

ESTÖR 10:3

Pò Môrtikai ök Yahūti nö ṙanët nö i töökö ök rācha Ahāsurös, kiröng inrē anga-aṅ nö in yik Yahūti nôlta nö in yik tömaṙôngö holre, pò ò nö chöh lanööken yik tarikre lāmö ṙô inrē nö i taṙòkhöre tarik.

YERIMIĀ 41:10

Ngaich ang Isama-el nö kē yik tarik aṅ Mispā nö töhakövö, yik kūön rācha kikānö ṙòkhöre yik tarik inrē tö-ōtre nö i Mispā yik kahëtö Nēpusaratön, ök yöngkūö amahati nö in Kētalia ök kikōnyö kūön Ahīkam. Kē-ĕ cha ngaich ang Isma-el ök kikōnyö kūön Nētania nö hakövö kiröönngöre ngaich nö havāngngöre nö in yik aṅ Amön.