NAHIMIĀ 13:3 - TÖHET LĪPÖRE (Re-edited) Bible (BSI)

³ Hē yik tarik nö hang ṙô ngam chöngö ngaich cha-a nö haköhngen yik kūön aṅ tahëng pumnāmö tö yik Israĕl.

NAHIMIĀ 13:3 Referans Kwoze

NAHIMIĀ 9:2

Ngaich yik aṅ Israĕl nö haköhngenre tö yik aṅ tahëng tarik, ngaich söklöre nö vë-eny tökööl re kanöölö yik yöng cha inrē.

MANEUTNYI 12:38

Kalūöchöre tö ṙôngöre nö kiröönngöre chā-a; töṙeūla, tömūlhaka, pōyen inrē nuā.

NAHIMIĀ 10:28

Yik tö ōtngöre tarik, yik kūönṙô, yik Lēvī, yik yōmkūö inkūp, yik tumkökṙôre, yik tarik ök tempöl, ṙòkhöre inrē yik mahaköhngen re tö yip tarik aṅ minë panam nö im chöngö ngam Tēv, yik pīhö cha, kūön cha kikōnyö, kūön cha kikānö, ṙòkhöre yik tö-akaha tö-akaha elmat inrē,

KINṘEŪKÖ 11:4

Ngaich yik tömaṙôngö tarik nö yikngö nuk tökuchik nyā-aṅkūö: ngaich yik kūön Israĕl inrē nö peuiny nö hēk, nö ngö ṙô, Achīö ap min kamëtö kāḵ hī tö alaha.

YĀKÖP 1:27

Ngih ön töhet falngen im Tēv, öt töchōich inrē, ngih chinöhkö kūönyōich, tafīösi inrē, i nup kanihngen cha; haköpngöre inrē un pitōtuvö tö aṅ ing panam.

RŌMA 3:20

Pòn kūö la-en ngam chöngö nö öt tarīku tö löök nö ikūö Ò: pòn lökten im chöngö ngam mikahkūö tö tökööl.

INCHŌḴ-OṘÔ 6:23

Pò ngam chöngö nö ëāṅvö hanātö inrē öp inköphöti, inmeuktö hinang chöngö an ngam talöökö nômö meh,

Salmai 119:11

Halinngen ngam ṙô Meh chin ellōn re: pò chu sōḵ köölö fālen in Meh.

Salmai 119:9

Aṅtī tö yòh ang ngòh ṙāl tarik nö ahetlö el talöököre? Höng ngam inṙēmngen nö sā ngam ṙô meh.

ESRĀ 10:11

Ngaich yin yĕh halööknyôre tö tökööl re im Mā Tēv ngam Tēv yik yöng yīö, la-evṙen inrē tö lōn ò; haköhngenre yin tö yip tarik aṅ ngam panam tö yip aṅ tahëng inrē kikānö töpīhövö.

ESRĀ 9:2

Pò cha nö kē yip rīkre kūön cha kikānö nö pīhö cha pīhö kūön cha tö kikōnyö inrē; ngaich vē töhet tarik kalūöchtöre nö in vē tarik në panam. Ngaich in ngih tökô-en ṙinātö ellōn ngam eltī vē mākūö tö vē yöngkūö vē mā vē tarik nö urööṙen.