NAHIMIĀ 13:1 - TÖHET LĪPÖRE (Re-edited) Bible (BSI)

¹ Ik sakāmö angū-ö cha-a nö löktökūö ök līpöre Môsös nö vë-ekūö e nö elnang yik tarik; ngaich kôtökūö tö e nö kūichiyö tö yik aṅ Amön hēk aṅ Mô-ap nö öt hētu nö kuhēthötre i manūlö ngam Tēv;

NAHIMIĀ 13:1 Referans Kwoze

NAHIMIĀ 9:3

Söklöre cha-a ngaich nö i chūök re ngaich vë-ekūö ngam līpöre chöngö ngam Mā Tēv ngam Tēv cha lūöi köṅny ṙô rô-òten ngam sakāmö; ngaich im tahëng tölūöi köṅnyṙô cha-a nö vë-eny tökööl re salām ngam Mā Tēv inrē, ngam Tēv cha.

NAHIMIĀ 13:23

Hē nuk sakāmö chu-ö inrē meuk yik Yahūti yik tö pīhö tö kikānö aṅ Astòt, Amön. Mô-ap, inrē;

2 RĀCHA 23:2

Chuh el patī ngam Mā Tēv ngaich ök rācha, ṙòkhöre inrē yik tarik aṅ Yūtā ṙòkhöre inrē yik aṅ Yērusalem nö hol ò, yik kūönṙô pròfĕt, ṙòkhöre inrē tarik, hĕnghöre tökūönö tökiröng inrē: ngaich anga-aṅ nö ahangnyö nuk ṙô ngam lipöre kinlēḵngô nö el nang cha ngam tökôti nö el ngam patī ngam Mā Tēv.

INLAHEN 15:21

Pò ngam chöngö Môsös nö misī-iten nö ahangka, ve-evkūö inrē nö el chūök vine-eṅkūötēv, örheūheu hē el töhet sakāmö.

INLAHEN 13:15

Keuheūt hë vine-eṅkūö ngam chöngö, nup līpöre yik pròfĕt inrē; ngaich ngö ṙô yik mākūö chūök vine-eṅkūötēv, Kahōlö; yē nāṅ ṙahônyu tö ṙinuöhöl alaha vē tarik, yĕh ṙô-òv nan.

T. LŪKÖS 10:26

Ngaich ngö ṙô Anga-aṅ tö ò, Asuh ap tökūichiyö nö im chöngö? Sitih ṙô öm ve-ekūö e?

AMŌS 1:13

Ngö ṙô An ngam Mā Tēv: Kūö tölūöi fālen yip kūön Amön, hôṅ, kūö töfën, hö-ö chin min havööngökūö ngam sācha e; pò cha nö fungngö aich kikānö puyōsö nö i Kīlīöt, pò cha ö hòṅ ṙūöyö kūöngö panam re:

YERIMIĀ 48:1

Inlahen Mō-ap. Ngö ṙô an ngam Mā Tēv yip tömaṙôngö, ngam Tēv Israel: Aōla Nēpō, pò e ngaich nö ngaich nö piyāyi! Sumrōngi kūö an Kīriātēm, ngaich an nö kē-ĕ; sumrōngikūö an ngam chūök kumyung nö tiṙöliyö inrē;

Isayā 34:16

Chöh aṅmat ngam līpöre ngam Mā Tēv yin, vë-ekūö e ngaich: öt hĕng hang min tö në törö-övö; öt hĕng nòng min töhòṅ pīhövö: pò ngam elvāng chu nö chöngu nö ngaich tö e, hamūlö cha inrē öp ma-alaha aṅ in ò.

NAHIMIĀ 4:3

In ò inrē ang Topiyā ök aṅ Amön, ngö ṙô anga-aṅ, Hôṅ, ngam vahī-il cha yĕn yôkö kui angū-ö tö am aṅ el inchōn ngaich taṙöli min ngam kinlōngö cha ihong?

NAHIMIĀ 2:19

Hē Sanpalāt pöri ök aṅ Hōròn Tōpīa inrē ök tarik ò, aṅ Amön, tö Kīsem ök Arap nö hāngö e, ahūöngen ih cha-a ngaich pinhëṅtökūö ih inrē nö ngö ṙô Asuh öng ngih la-en yīö? Ahôngen öp rācha öyih?

NAHIMIĀ 2:10

Hē Sanpalāt pöri ök aṅ Hōròn; Tōpīa inrē ök tarik, ök aṅ Amön nö hang ngih, kunyāhalōn tī angū-ö tö cha nö kiröngen pòn hĕng tak öp yamih lamukkö inkôlò yik kūön Israĕl.

KINṘEŪKÖ 22:5

Ngaich anga-aṅ nö tīnngö ma-ahānga nö in Pēlām ök kikōnyö kūön Pī-ōr nö i Pītōr, ök tö röhta nö ik tahël nö i panam yik kūön yik tarik ò, nö havëten ò, nö ngö ṙô, Yĕh meuk, ṙamā-ang Aikup yin vē tarik yamih: yĕh meuk, tööḵlö kūö ön ngih panam tö cha, ngaich cha-a inrē nö höngngöh nö lā-al chu.

NAHIMIĀ 8:2

Ngaich Esrā ök kūönṙô nö kētö ök chöngö nö i kūö yik tömūl, hĕnghöre kikōnyö kikānö inrē ṙòkhöre inrē yik tö akaha elnang nö hang, ik raneh sakāmö ngam sinātö chingëṅt.