NAHIMIĀ 1:7 - TÖHET LĪPÖRE (Re-edited) Bible (BSI)

⁷ Chōchö inlahen in öi in Meh, hö-ö in inrē haköp në chöngö Meh, inchöngten, në chöngö inrē në hachöngten Meh ik tarik Meh Môsös.

NAHIMIĀ 1:7 Referans Kwoze

TANĪ-ĔL 9:11

Ṙòkhöre yin vē Israel nö tôichngen nö im chöngö meh kānngöre yin inrē, sō nö hangṙô meh, Nup tökūichö im chöngö Môsös ngam tarik ngam Tēv, rinūtngövah töchūöku inrē kinlēḵngô nö hōngtu nö i kui hī, pò hī köölö fālen in ò.

TANĪ-ĔL 9:13

Sā kinūichngö e nö im chöngö Môsös, ṙòkhöre ngih öt kanôlò nö yih nö i kui hī, ngaich rö-ö ayī-ö havëka miṙēlōn im Mā Tēv ngam Tēv hī, öi havööngökūöre tö nup öt lanöököre ngaich hangihtöre töm kanô-en aṅ in ò.

Salmai 106:6

Hol yik muvöhngöre in köölö fālen: kēken tökööl in, öt löökö fālen in ngaich.

INMEUKHÖMAT 19:2

Pòn kô-en, löök inrē minë kinṙôka tö Ò; pò Ò nö kahòkken ngam yöng mī-inyihköre kikānö, ngam mahachōichngö ngih panam tö ngam chinô-òṅre, ngaich inrē Anga-aṅ nö havahal mahām yik tanölöṙôre nö eltī ò.

MALAKI 4:4

Köpölōn yin tö ngam chöngö Môsös ök tarik chu, ngam hachöngten in chu in ò i Hôrep nö lamöö in Israĕl nö ṙòkhöre, minë chöngö inkaha falen inrē.

SEFAINIĀ 3:7

Ngö ṙô chū-ö ngaich, Kô-en man min pa-ekūö tö chu, hōḵ man min kē minkahtenre; lökten ngam elyöngö ò nö ötrökiṙen, nö sā nup töhalēnlöng nö ngaich tö chu nö in ò: ka-euilö chanòhlö pöri cha-a ngaich hachōichngö nup la-enre.

HŌSĪ 9:9

Aṙū-uti tī yin nö hachōichngöre, sā nuk sakāmö Kīpiā: köpölōn an min tö nuk tökööl cha, chöhkö nuk tökööl cha an min.

ESRĀ 7:6

Ṙamā-ang Pēpilön ön ngòh Esrā. Töhuveū ök nö kūich im chöngö Môsös ngam kahëtö ngam Mā Tēv ngam Tēv Israĕl: ngaich ök rācha nö kētö nuk töng havëkö ò, pò ngam kël ngam Mā Tēv ò nö i kui ò.

2 KINṘÖTNGÖ 27:2

Chīpö la-en anga-aṅ nö i kūö ngam Mā Tēv sā nuk la-en ök yöng ò kikōnyö Usīya höng hĕng ök la-en ò tö rö-ö i linökö la-en ngam tempöl ngam Mā Tēv. Höng sönen pöri yik tarik nö tömrit tötlöök inrunten.

2 KINṘÖTNGÖ 25:4

Hö-ö pöri anga-aṅ nö kumpah yik kūön cha, sā kinūichngö e nö im chöngö, i mat öp līpöre Môsös, i chūök inchöngten e tö ngam Mā Tēv, Öt kumpahai yip min yöng tökūö fālen yip kūönre, hēk öt kumpahai yip min kūön tökūö fālen yip yöngre; kö kapah pöri min tarik tökūö tököölre.

1 RĀCHA 2:3

Haköp chöngö ngam mā Tēv ngam Tēv meh, lök ël nup talöökö ò, haköp nup chöngö ò nup hachöngten ò inrē, nup inkaha fālen aṅ in ò inrē nup inmeuktö kanô-en inrē nö sā ap tökūichi im chöngö Môsös, hòṅ meh huveū-en i nup taṙòkhöre vahīṙen meh ip töng lā-a kūö meh inrē havöökūöre:

I. CHÖNGÖ 6:1

Ngih ön yih, nö chöngö, inkaha fālen inrē, ngam hachöngten ngam Mā Tēv, ngam Tēv yīö nö haköpten yīö hòṅ yīö la-evṙen tö u ip panam kū-ö yīö kiröönngöre öi kē-ĕ e nö aminre:

I. CHÖNGÖ 5:1

Ngaich Môsös nö havëten yip Israĕl nö ṙòkhöre, ngaich ngö ṙô tö cha, Ō Israĕl, hangihtöre yin tö në chöngö në inkaha fālen inrē nö ṙô chu el nang yīö töngamuh, hòṅ yīö haköpö u, ngaich köpen la-evṙen tö u.

I. CHÖNGÖ 4:5

Yĕh meuk, ngaich chin haköpten yīö tö në Chöngö inkaha fālen inrē, sā tinöölô Chu tö ngam Mā Tēv ngam Tēv chu, hòṅ yīö min ngatī la-en ellōn ngam panam ngam kū-ö yīö kuhēthötre öi kē e nö aminre.

I. CHÖNGÖ 4:1

Yĕh pöchö, Ō Israĕl, hangihtöre tö në chöngö tö në inkaha fālen inrē, në inköptö meh tö chu, öm la-evṙen tö u; hòṅ meh aṅ, ngaich kuhēthötre amīnu tö ngam panam ngam kahëtö ngam Mā Tēv yik muvöhngö yīö, nö in yīö.

LA-EN LĒVĪ 27:34

Në nun chöngö, tinöölô Môsös tö ngam Mā Tēv nö i yik kūön Israĕl, i kui öp rôngö Sināi.

Isayā 1:4

Pumnāmö tarik tötööḵlö tö tökööl, tarik tölangan tö ötlanöökö, kūön töt löökö la-en nyīö töchōichö la-en: ngaich yin nö ṙāngö ngam Mā Tēv, öt chūmkūöṙen yin tö ngam töhet in Israĕl, aṅ tahëng yin nö ngaich, ngaich yin nö heūlritre.

Salmai 89:31

Yē cha nö hachōichngö në chöngö chu: öt haköp minë inchöngten tö chu inrē.

Salmai 89:32

Ngaich chū-ö min chöhkö nup tanôichngen cha öich aṅtī tö tinluh: ap tökööl cha inrē aṅtī tö finôhò.