NAHIMIĀ 1:6 - TÖHET LĪPÖRE (Re-edited) Bible (BSI)

⁶ Hökngen ngam elnang Meh nö hangihtöre, minë mat inrē nö milakhak, hang ṙô ngòh tarik meh nö havë-a në ṙô chu hatööm sakāmö tökūö vē tarik Israĕl, vënyö nup tökööl vē tarik Israĕl, nup tökööl fālen ih in Meh. Hòṅ, köölö fālen chin chū-ö tö patī öp yöng chu kikōnyö inrē.

NAHIMIĀ 1:6 Referans Kwoze

TANĪ-ĔL 9:20

Hē chu ṙònghöichṙô ṙô-òv vë-ekūötēv inrē, vë-eny tököölre tökööl yip tarik chu inrē Israel, kētö öp vine-elkui inrē i kuö ngam Mā Tēv ngam Tēv chu tökūö ngam töhet rung ngam Tēv chu;

TANĪ-ĔL 9:4

Vë-ekūö ngam Mā Tēv chū-ö ngam Tēv chu halööknyôre inrē vë-eny tökööl re, öich ngö ṙô, Ō Mā, tökiröng Tēv pinhëṅ-ekūö inrē, mahaköp kinlēḵngô tököp inrē tö hanāngenlōn in cha yip töhāngenlōn tö ò mahaköp në chöngö ò inrē,

Salmai 34:15

Lā i tölöök nun minë mat ngam Mā Tēv: luvë-akkūö minë el nang ò nö i ṙô cha nö havë-a.

Salmai 106:6

Hol yik muvöhngöre in köölö fālen: kēken tökööl in, öt löökö fālen in ngaich.

2 KINṘÖTNGÖ 29:6

Tön rö-ö yik yöng hī nö kô-en ane inrē la-evṙen tö tötlöök nö i kūö ngam Mā Tēv ngam Tēv hī; ṙāngen ò yik nö ngaich, havööngö kūöre inrē tö ngam elyöngö ngam Mā Tēv, ngaich hapungtö ukre cha-a.

2 KINṘÖTNGÖ 6:40

Ō Tēv chu, ngaich man yĕh töngamuh milaklö matre elnangre inrē ip töhavëka i ngih chūök.

Isayā 6:5

Ngaich ngö ṙô chū-ö, Töt kôlò chin chū-ö! Pò chu öich tököölö fālen; pò chu öich tarik töthëtö minuh, ngaich iyöng ellōn vē tarik chū-ö töt hëtö minuh: pò në mat chu nö ngaich nö meuk ngam Rācha, ngam Mā Tēv yip tömaṙôngö.

1 YÔHAN 1:9

Yē hī pöri vë-eny tököölre, aṙēlöng min nup tökööl hī ahetlöngö ayī-ö i nup taṙòkhöre chanôchöre; pò ngam Tēv nö tökô-en takô.

T. LŪKÖS 18:7

Röh ang min ngam Tēv nö kahòklökui vē katöllöre, vē vame-eṅkūö Ò nö peuheū harap ṙô. Pò ò nö tömarô-òtö manöiyö nö in cha.

2 TIMÒTĪ 1:3

Ha-öiny ngam Tēv chin, ngam lahök la-en chu löktökūö yik muvöhngö chu, i hanëtö el kuilōn, öt ṙākenre chin fēken meh i nup ṙô chu vë-elkui, peuheū harap.

INRĀMÖRE 5:7

Köölö fālen yip yöng ih, hö-ö ngaich nö ōtre; keun öt lanöökö cha in ngaich.

1 TIMÒTĪ 5:5

Anga-aṅ ngòh tö kô-òngrit nö tafiösi kikānö, tötkôlò inrē, töönglö mikahre anga-aṅ im Tēv, ngaich Iṙuöhen im vinë-elkūi taṙòkhöre, peuheū harap inrē nö im vinë-eṅkūötēv.

Salmai 130:2

Mā hang ṙô chu: hökngen nup elnang re Man nö hangihtöre tö ṙô chu ve-elkui.

Salmai 55:17

Harap, peuheū, sakāmö inrē, öich ve-eny miṙivlōn re, aka-hare inrē: ngaich hang ṙô chu min Anga-aṅ.

Salmai 32:5

Akahngenre chin tököölu in meh, öt hanyāti inrē öp tötrongta tö chu: ngö ṙô chin, Halööknyôre chin min i ngam Mā Tēv tö nup tanôichngenre; ngaich më-eṅ aṙēlö öp tötṙongta aṅ i tökööl chu.

ESRĀ 10:1

Hē Esrā nö ṙònghöichṙen nö vë-ekūötēv ve-eny tökööl re inrē, peuiny afukngöre inrē nö i kūö ngam patī ngam Tēv, maṙôngö yip tarik tömūl, nyīö inrē, hamūlöre nö in ò aṅ in yik Israĕl; pò yip tarik nö kalē-ĕṙô nö peuiny.

EFISÖS 2:3

In cha in misī ayī-ö iyöng, i lōn alahare, la-evṙen tö nup lōn ngam alaha, lōn ngam ellōn inrē, ngaich nehngenre kūö ngam lanīnö, sā yip inrēngöre:

T. LŪKÖS 2:37

Tö hëvhöre anāi fën tumhang samyeūheu anga-aṅ nö tafīösi; ök töng öt ṙamāngö ngam chūök ngam Tēv, lamök la-en ngam Tēv hĕnghöre ahik, ane inrē peuheū harap ṙô nö ve-elkui tömaṙôngö.

Salmai 88:1

Ō Mā Tēv, ngam Tēv, inyööken chu: peuheū, harap ṙô chin peuinyhökūö Meh.

ESRĀ 10:11

Ngaich yin yĕh halööknyôre tö tökööl re im Mā Tēv ngam Tēv yik yöng yīö, la-evṙen inrē tö lōn ò; haköhngenre yin tö yip tarik aṅ ngam panam tö yip aṅ tahëng inrē kikānö töpīhövö.

2 KINṘÖTNGÖ 28:10

Ngaich yin yih hòṅ haköv yip tarik aṅ Yūtā, Yērusalem inrē kikōnyö kikānö, nö töhakövö tö yīö. Röh öi yī-ö kanahnguṙen tö tököölre im Mā Tēv ngam Tēv yīö?

1 SAMUĔL 15:11

Paṙūtalōn chin töre ha-ūichlen Sôl nö rācha: pò ò nö havööngö kūöre tö tinöömörit chu, öt teūngen inrē nö hateungngö nuk chöngö chu. Līn ngaich ang Samu-ĕl, hĕng mitööm ṙô ngaich anga-aṅ nö peuiny hökūö ngam Mā Tēv.

1 RĀCHA 8:30

Ngaich hangihtöre më-eṅ, tö ṙô ngòh tarik meh nö vë-elkui, tö ṙô vē tarik meh Israĕl inrē, yē cha nö vë-ekūötēv min nö kū-ötö ngih chūök: hôṅ, el halīöngö man yĕh hang ngam chūök meh iyöng; ngaich aṙē-ĕl yē meh hang.

1 RĀCHA 8:47

Ngaich yē cha pöri min nö fē-ĕlre nö ip panam chūök cha nö kē-ĕyö nö hakövö ngaich havöötö kūöre nö hēk, ngaich vë-elkui nö in meh nö ip panam cha yip kamëngen cha nö hakövö, nö ngö ṙô, Köölö fālen in ngaich, lō-ong kūö inrē, öt löökö inlahen in ngaich;

NAHIMIĀ 1:11

Ō Mā, hökngen ngam el nang Meh nö hangihtöre tö ṙô ngòh tarik Meh nö havë-a, tö ṙô vē tarik Meh inrē nö havë-a vē tö kuchikölōn nö pa-ekūö tö minë-eny Meh; kētö taneunglen inrē in ngòh tarik Meh töngamuh, ane inrē kētö miṙēlōn in ò i kūö ngòh tarik. Sumlô kōp chū-ö in öp rācha ik hē e.

Salmai 102:17

Kūötenre An i vine-eṅkūö re tö tötkôlò: mikūöṙen tö vine-eṅkūöre tö cha.

TANĪ-ĔL 9:5

Köölö fālen in ngaich kēken tövaich ane inrē köölö inlahen öi ahôngen inrē, kānngöre ṙā-ang i minë chöngö meh inchöngten inrē;

TANĪ-ĔL 9:8

Ō Mā, aṅ i kūö ih an ngam kinlūöchöre elkui, in yip rācha ih, in yip kūön rācha ih, in yip yöng ih inrē, pò ih köölö fālen in meh.

TANĪ-ĔL 9:15

Ō Mā Tēv ih, kamënyö vē tarik meh nö ṙā-ang ip paam Aikup nö aṅtī tö kumlēḵ kël re, ngaich vīlö minë-eny re me-eṅ, sā ngih sakāmö töngamuh, köölöfālen in, kēken ötlanöökö in.