NAHIMIĀ 1:4 - TÖHET LĪPÖRE (Re-edited) Bible (BSI)

⁴ Ngaich hē chu hang në ṙô ūichngöre chū-ö ngaich öich peūny, ṙōl sumkam inrē öich haṙivlōn ngaich höng iṙūhen chū-ö ahik havë-a inrē i kūö ngam Tēv halīöngö.

NAHIMIĀ 1:4 Referans Kwoze

TANĪ-ĔL 9:3

Ngaich chū-ö havöötökūöre im Mā Tēv, chöhan i vine-eṅkūötēv vinë-eṅlkui inrē holtö inhīkö sāk inyut, tisum inrē.

Salmai 137:1

I kui nup tahël i Pēpilön umuh ihö ūichhaka: hôṅ, peuiny ihö, hē ih fēken Siyôn.

ESRĀ 10:1

Hē Esrā nö ṙònghöichṙen nö vë-ekūötēv ve-eny tökööl re inrē, peuiny afukngöre inrē nö i kūö ngam patī ngam Tēv, maṙôngö yip tarik tömūl, nyīö inrē, hamūlöre nö in ò aṅ in yik Israĕl; pò yip tarik nö kalē-ĕṙô nö peuiny.

NAHIMIĀ 2:4

Ngö ṙô ngaich ök rācha tö chu, Öp yòh öp pökeh havëkö meh? Lökten chu vë-ekūö ngam Tēv halīöngö.

RŌMA 12:15

Ṙāmölōn i tö ṙāmölōn; peuny i yip pameuny.

SEFAINIĀ 3:18

Hamūlö cha chin min yip töhaṙīvölōn tö ngam manūlö tö-ūnngen nö kē-ĕyö nö ṙā-ang in cha tö chu: yip kameun lumngan ngam sinṙōngkūö.

TANĪ-ĔL 2:18

Ngaich vë-ekūö cha nö chöh miṙēlōn ngam Tēv ngam halīöngö tö inlahen ngih ötmikahkūö, hòṅ Tanīĕl tö yik hol ò inrē nö öt anòngngövah yik tö-akaha tarik aṅ Pēpīlön.

ESRĀ 9:3

Hē chu hāngö e tikaichngö inyut re chū-ö ngaich tö ök tökiröng inyut chu, teuklö keūyöre inrē ikuire teuklö sanôikūö re inrē ūichngöre ngaich öich pingangkūö.

YÔNA 1:9

Ngaich ngö ṙô anga-aṅ tö cha, Heprāi chin chū-ö, ngaich pa-ekūö chū-ö tö ngam Mā Tēv, ngam Tēv ngam halīöngö, ngam vamīlö mai tö ngam eltanyô inrē.

2 SAMUĔL 12:16

Lökten Tāvit nö vë-elkui ngam nyīö nö im Tēv; ahik inrē Tāvit, kuhēthötre ngaich hĕng mitööm ngaich nöng hulalhaka nö el tumlat.

Salmai 136:26

Ō Ha-öiny ngam Tēv aṅ el halīöngö: pò ngam miṙēlōn Ò nö örheūheu nö köp.

TANĪ-ĔL 10:2

I nuk sakāmö anū-ö, chu-ö Tanīĕl, öich lūöi afta haṙīvölōn.

2 RĀCHA 22:19

Pò meh ayālö ellōn, ngaich öm hayāichngöre i kūö ngam Mā Tēv, hē meh hang ök ṙô chu lā-al kūö ngih chūökö, lā-al kūö yip aṅ e inrē, hòṅ cha min nö pinngangkūö rinūtngövah inrē, ngaich inrē me-eṅ tikachngö inyut re, peuiny inrē öm i kūö chu; hang ṙô meh chin chū-ö inrē,ngö ṙô ngam Mā Tēv.

2 KINṘÖTNGÖ 6:13

Vī mās ang Sòlòmön taneui sumkôngö (2.2 Mtr) rôta nö ranöönö röön, taneui sumkôngö (2.2 Mtr) ṙôktāk, lūöi sumkôngö (1.3 Mtr) rôlòng, asöklö e ngaich nö el milūkö; ngaich söklöre anga-aṅ nö i kui e. Simtö kui kinmônöre ngaich anga-aṅ nö i kūö yik tömūl aṅ Israĕl, hanyāknyö këlre inrē nö kū-ötö el halīöngö;

ESRĀ 1:2

Ngö ṙô an Sāirös rācha aṅ Pörsiā: Kē-ĕkūö chu an ngam Mā Tēv, ngam Tēv halīöngö, tö në pūlngö ngam tumlat, ane inrē töl ṙô chu anga-aṅ mānlö patī ò i Yērusalem, öp i Yūtā.

ESRĀ 9:5

Hē öp tökētu tö harap chū-ö chōholre ṙā-ang i inhīkö tö chu, öich höng takācha inyut ök tökiröng inyut chu inrē, ngaich sim tö kui kinmônöre chū-ö hanyāṅknyö këlre inrē im Mā Tēv ngam Tēv chu.

NAHIMIĀ 2:20

Ngaich sapṙô cha chū-ö, Ngam Tēv ngam halīöngö an min mahakôlò ih, ngaich īhö tarik ò min öi choholre mānö; hö-ö pöri yī-ö minchööḵöv hēk huneū-envṙen hēk inköpkulōn i Yērusalem.

Salmai 102:15

Ngaich pa-ekūö min vē pumnāmö tarik tö mine-eny ngam Mā Tēv: ṙòkhöre inrē vē rācha ngih panam nö pa-ekūö tö ngam kanôlò Meh.