NAHIMIĀ 1:3 - TÖHET LĪPÖRE (Re-edited) Bible (BSI)

³ Ngaich ngö ṙô cha-a tö chu, Yip tö ōtren nö aṅ umuh ip panam yip tö kiröngö kanihngen yip tö sirōngkūö inrē; tiṙöli ap kinlōngö Yērusalem, ṙāpngö inrē nuk inkūp e tökūö tameūyö.

NAHIMIĀ 1:3 Referans Kwoze

NAHIMIĀ 2:17

Ngaich ngö ṙô chū-ö tö cha, Meuk nup kanihngen hī ö-yih, tö Yērusalem nö hulalhak nö taṙōli haṙāpi inrē nuk inkūp e. Tā-a töi katöplö kinlōngö Yērusalem, hòṅ hī öt ngöhören minṙēngö.

2 RĀCHA 25:10

Ngaich yik kumyung aṅ Kāltī, yik hol ök yöngṙen amahati, nö tiṙōlngö nuk ihong kinlōnglö Yērusalem nö vinngö tī.

NAHIMIĀ 7:6

Vē yin tarik ngam panam vē yamih nö ṙā-ang el inkövö aṅ in yik töha-ötiyö yik töhalāyiyö tö Nēkupetnēsör ök rācha aṅ Pēpilön nö ha-ötiyö; havan cha-a ngaich nö i Yērusalem Yūtā inrē, kö löö elpanam re.

NAHIMIĀ 2:13

Kunyī-inyre chū-ö tö hatööm löknyö ök el Achāṙö Inkūp ök tö kū-ö tö ök inkūp Sôḵ nuā, ngëichkö nuk kinlōngö Yērusalem chū-ö inrē nuk tötaṙöli nuk inkūp inrē töṙāpngö tökūö tameūyö.

NAHIMIĀ 2:3

Ngö ṙô chū-ö ngaich tök rācha, Hökngen ngam rācha yēḵ nö örheūheu nö aṅ? Kūöyòh öich öre öt ūnökūö, yē ap elpanam, ap chūök kui kupah yik yöng chu nö hulalhaka nö öt aṅhavkūö, nup inkūp e inrē nö ṙāpngö tökūö tameūyö?

ESRĀ 5:8

Akahalōn an yĕh ngam rācha tö ih öi chuh panam Yūtā, i patī öp tökiröng Tēv. Tökiröng nup ihong tökatöplöng nö in e ṙātu inrē savaich nö i nup kinlōngö; iṙūöhöröön an ngam la-en nöng pētngen kôlò inrē nö eltī cha.

INRĀMÖRE 5:1

Ō Mā Tēv, köpölōn tölāinyngen ih; yĕh meuk, ngëichkö minṙē-ĕng ih inrē!

INRĀMÖRE 3:61

Ngaich man hang miyëḵṙô cha, Ō Mā Tēv, nuk töhalēnlöng tī cha nö in chu.

INRĀMÖRE 1:7

Köpölōn an Yērusalem tö nuk sakāmö kanihngen ò tö inngū-öṅ inrē tönuk töpōi ṙāi chehen ò nuk mī-in ò nö löktökūö i nuk hötṙeh sakāmö. Hē yik tarik ò nö fuk eltī ök lā-alre, ngaich öt hĕng tak umuh nö holṙen ò, ṙamngö vah ò ngaich ök lā-al ò,hayëḵngen fanukngö ò.

YERIMIĀ 52:14

Ngaich ṙòkhöre yik kumyung aṅ Kālti yik mi-in ök yöngṙen amahati, nö tiṙōlngö nuk kinlōngö tö vinngö nö i Yērusalem.

YERIMIĀ 42:18

Pòn ngö ṙô ngam Mā Tēv yip tömaṙôngö, ngam Tēv Israel: Sā ngam tanānyö chu lanīnö chu inrē nö hōngnyu nö i kui yip aṅ Yērusalem, ngatī ngam lanīnö chu min nö hōngnyu nö i kui yīö yē yīö chuh Aikup. Ngaich yī-ö min tösō-ovö, pinhë-eṅkūö, ranôichngen minṙēngö inrē. Hö-ö yin min meuk ngih chūökkö hēk.

YERIMIĀ 39:8

Föngtökūö ök patī ök rācha yik aṅ Kālti tö patī yik tarik inrē, tiṙölngö nuk kinlōngö Yērusalem inrē.

YERIMIĀ 29:18

Lū-u cha chin min aṅtī tö sanët, inyāichö, invah tölëlngökūö inrē, ngaich vīten cha chū-ö min nö pinhe-eṅkūö nup pūlngö ngam panam, rinūtngen, töyahlö nö pinhe-eṅ-kūö töhīsiyö, minṙēngö inrē in vē pumnāmö tarik chūök tī chu ahōngen cha,

YERIMIĀ 24:9

Vīten cha chin min nö pinhë-eṅkūö in nup pūlngö ngih tumlat nö ṙòkhöre,nö minṙēngö, inchō-oṙô, inkeūlô, rinūtngövah inrē, i nup chūökö nö ṙòkhöre chūök cha nö ahōṙi tö chu min.

YERIMIĀ 5:10

Kuṙòh kiröönngöre lök i töökö nup vain chōn piyāingen u inrē, uh pöri hatngö tī; lirakngö nup pak u, tön amin ngam Mā Tēv nup.

Isayā 43:28

Lökten chin hachōichngö yip mā ngam chūök töhet, ngaich chū-ö min kēten Yāköp, nö im öt inkôlò, Israĕl inrē im ötlinëkö elnang.

Isayā 5:5

Yĕh ngaich kuṙòh; töich ve-enynang meh töp tī chu min tö ngam panô-òṅ vāin chu: hòṅ ṙòngngö ngam kinlōngö e chin min, ngaich nya-aṅyö min angū-ö; likölngö ngam kinlonglö e chin min ngaich angū-ö min nö rööntu kui:

Salmai 79:4

Ngaich in vītöre minṙēngö i vē hol re: minnôn, minyīöl cha inrē, vē mahavīlen ih.

ESTÖR 1:1

I nuk sakāmö Ahāsurös (Sörses), ök mahyöng nö löktö kūö Intīā söl Sudan i kui nuk töhēngòng nët anāi sat panam.

NAHIMIĀ 11:3

Vē yin mākūö panam mi-iyöng nö i Yērusalem i nuk elpanam Yūtā pöri kö iyöng i kui inlānen re pöri cha-a nö i nuk elpanam cha: Israĕl, tö yik kūönṙô, tö yik Lēvi, tö yik tarik ök tempöl, tö yik kūön yik tarik Sòlòmön inrē.

ESRĀ 2:1

Vē yin tarik aṅ öp panam yamih nö ṙā-ang i inkövö aṅ in yik töha-ötiyö yik tö halāyi i Pēpilön; havantöre cha-a nö i Yērusalem Yūtā inrē, nö kö i elpanam re.

1 RĀCHA 9:7

Ngaich chū-ö min rökngen Israĕl nö öt ing panam ngam kahëtö chu in cha; tö ngih patī inrē, ngih ahetlö chu nö i minënyö chu, kavāli min angū-ö nö ṙā-ang i mat chu; ngaich Israĕl min nö inchō-oṙô tinkāköṙô inrē nö in yip taṙòkhöre tarik:

INCHŌḴ-OṘÔ 25:28

Ngòh tarik tötkô nö hayöngöre sā ngih elpanam tö taṙēhĕyö ṙā-ayö ngaich nö ötkinlōngu.

INRĀMÖRE 2:9

Chalipköti nup inkūp e nö el tumlat; likölngö nuk inkālkūö anga-aṅ nö piyāyi; öp rācha ò tö yip kūön rācha inrē mūlngö nö in yip pumnamö tarik; öt ōtren ngam chöngö, hö-ö yip pròfĕt ò nö meuk aṅ i ngam Mā Tēv.

LA-EN LĒVĪ 26:31

Ngaich min Chū-ö vītö nup el panam yīö nö öt aṅhaṅvkūö, vītö nup töhet chūök yīö inrē nö öt aṅhaṅvkūö, ngaich Chū-ö min inrē öt tongkö nup tinhūsö yīö.

LA-EN LĒVĪ 26:33

Ngaich chū-ö min pirātngen yīö i yip pumnāmö tarik hōknyö öp sanëtre chin min unôichrit yīö: ngaich öp panam yīö min nö öt aṅhavkūö, nup el panam yīö inrē nö öt aṅhav.

2 KINṘÖTNGÖ 36:19

Ngaich cha-a nö föngtö ök patī ngam Tēv, tiṙölngö ök kinlōngö Yērusalem inrē, föngtökūö nup patī rācha inrē tö tameūiyö ngaich keuheūtngöre tī nö likukngö nuk töpōi ṙāi chūökṙen.