NAHIMIĀ 1:1 - TÖHET LĪPÖRE (Re-edited) Bible (BSI)

¹ Në ṙô Nahimiā ök kikōnyö kūön Hakaliyā. Ngö lāinyngen an ik chingëṅt Kislev, im innët anāi samyeūheu, hē chu i Sūsā öp tökiröng elpanam,

NAHIMIĀ 1:1 Referans Kwoze

SAKARIĀ 7:1

Ngaich ngö inlahen angū-ö ik finën samyeūheu ök rācha Tērīös, ngam ṙô ngam Mā Tēv nö yih nö in Sakariā im finën sumkam ngam minchūötöre chingëṅt, Kisliv.

NAHIMIĀ 10:1

Achā-a yik kamtāntö tīre hē Nahemiā ök mahayöng, ök kikōnyö kūön Hakāiyā, Setikiā,

ESTÖR 1:2

I nuk sakāmö anū-ö hē ök rācha Ahāsurös nö ūichhaka nö el kantēra rācha nö i Sūsa ök tökiröng elpanam,

TANĪ-ĔL 8:2

Meuk chū-ö ik heūvö; ngaich hē chu meuk, i Sūsā chu-ö öp tökiröng elpanam, öp ip panam Etöm; ngaich chū-ö meuk ip heūvö i kui öp tahël chū-ö inrē Ūlai.

ESRĀ 7:7

Rīkre inrē yik chamuh Yērusalem tarik Israĕl, im sinātö samyeūheu ök rācha Artāsörsös, rīkre inrē yik kūönṙô Lēvī inrē, tö yik tumkökṙôre yōmkūö inkūp inrē, tö yik tarik ök tempöl.

ESTÖR 3:15

Kurāten ngaich yik samööma nö kiröönngöre i chöngö ök rācha, i Sūsa ök tökiröng elpanam ngam chöngö nö kēnyu. Uichngöre ngaich ök rācha, Haman inrē nö òk, ngaich pöri ök elpanam Sūsa nö katuilöng el kui.

NAHIMIĀ 2:1

Im chingëṅt Nīsan, im innët anāi samyeūheu ök rācha Artāsörsös, hē ò nö aṅhavkūö tö vāin, kē ök vāin chū-ö ngaich kētö e nö ik rācha. Höng törö-ö chū-ö hēṙu ūnngen i kūö ò.

ESRĀ 10:9

Ngaich ṙòkhöre yik tarik aṅ Yūtā aṅ Penyamin inrē nö hamūlöre nö i Yērusalem i ël tölūöi sumkam; ngam minchūötöre chingëṅt an angū-ö, im tönët anāi sakāmö ngam chingëṅt. Ṙòkhöre ngaich yik tarik nö ūichhak nö el ök töngāṅ i kūö ngam patī ngam Tēv, kichëyöre tökūö ngam tö ngatī, kūö ngam yöng kumṙah inrē.

NAHIMIĀ 5:14

Löktökūö ngam hē chu vīlöngö mahayöng im panam Yūtā, löktökūö im tönët anāi samyeūheu söl im tölūöi anāi nët samyeūheu Artāsörsös ök rācha, nët sīön samyeūheu, öt rēhĕn chū-ö öt rēhĕn yip hol chu nö nyā nuk nyā-aṅkūö aṅ in ök mahayöng.