MANEUTNYI 9:6 - TÖHET LĪPÖRE (Re-edited) Bible (BSI)

⁶ Ngaich tinī-iṅv ngam Mā Tēv tö e im huṙöich, ngaich nuk nuā Aikup nö kapah nö ṙòkhöre: öt hĕng nòng pöri tökapah nö i nuk nuā yik kūön Israĕl.

MANEUTNYI 9:6 Referans Kwoze

Salmai 78:48

Kētö nuk nuā cha inrē nö i tö kënngöre kumṙah: nuk kiteūmö nuk töṙeūla cha inrē, nö i linkuknyökūö hanyālö.

Salmai 78:50

Vī talöökö tanānyö re Anga-aṅ; öt ṙālö nômö cha Anga-aṅ nö im kinpaha kētö umhômö cha pöri nö im tö lëlngökūö invah.

MANEUTNYI 9:25

Ngaich ngam tökënngöre kumṙah nö fuk kui tī tö nuk taṙòkhöre el kahôyö, hĕnghöre tarik, töṙeūla inrē, keuheuheūtngöre chūök im panam Aikup; ngaich ngam tökënngöre kumṙah nö fukkui tī tö nuk kun chōn el kahôyö, keuheūtngöre nuk chōn nö ohngö el kahôyö.

MANEUTNYI 8:22

Ip sakāmö hē e Chū-ö min haköhngen ap panam Kōsen, ip chūök yip tarik chu nö iyöng, öt inṙūöiyu min in e; hòṅ meh akahalōn tö Chu öich Chū-ö Mā Tēv ellōn ngih panam.

MANEUTNYI 9:4

Ngaich ngam Mā Tēv min nö haköhngen nup nuā Israĕl, tö nup nuā Aikup, öt hĕng nòng min tö kapah in nup nuā yip kūön Israĕl.

MANEUTNYI 9:5

Ngaich ṙētakvö ṙô ngam Mā Tēv, nö ngö ṙô, Huṙöich an ngam Mā Tēv nö tī tö e.

MANEUTNYI 9:26

Höng im panam Kōsen nö öt kumṙāhav tö tökënngöre, i chūök yik kūön Israĕl,

MANEUTNYI 12:29

Ngaich ngö inlahen ik chūöl hatööm, ngam Mā Tēv nö hachök yik lanòh nö ṙòkhöre im panam Aikup, löktökūö lanòh nö in Fërō ök amūichhak nö el kantēra rācha, söl i lanòh tö Hakövö ap me-el kinlēḵngô inkövö; ṙòkhöre lanòh nuā inrē.

MANEUTNYI 12:12

Pò chu min lök im panam Aikup ip hatööm angū-ö ngaich chökhutī min tö yip lanòh nö ṙòkhöre i panam Aikup, hĕnghöre tarik töṙeūla inrē; i nup tēv Aikup inrē nö ṙòkhöre öich akah fālen: Chū-ö Chin Mā Tēv.