MANEUTNYI 9:18 - TÖHET LĪPÖRE (Re-edited) Bible (BSI)

¹⁸ Yĕh meuk, tīntö kumṙah Chin ip huṙöich, ngatī ṙētak, yöng tökënngöre kumṙah, öt töngatī-iv nö i Aikup, löktö kūö ök sakāmö e nö vītu, söl ing töngamuh.

MANEUTNYI 9:18 Referans Kwoze

Salmai 83:15

Ngatī lū-u cha töp tö kalēḵ, kuföt tī Meh: pinhëken cha tap tī Meh chanôchö panam.

2 RĀCHA 7:1

Ngaich ngö ṙô Ēlaisa, Hangihtöre yin tö ṙô ngam Mā Tēv: ngö ṙô An ngam Mā Tēv, Huṙöich ip tö ngatī ṙētak min öp töhĕng nyanum töpahīöya atra nö hĕng siköl ṙāi nö inyīhiyö, ngaich nët nyanum pārlī nö hĕng siköl ṙāi, nö i kūö inkūp Samariā.

1 RĀCHA 20:6

Tīntö yip tarik re pöri chū-ö min in meh huṙöich i tö ngatī ṙētak ngaich cha-a min, nö kiluh el patī meh, el patī yip tarik meh inrē: ngaich ngö inlahen angū-ö min, tö nup maheuṅk cha min tövai, ngaich kē-ĕ u cha-a nö eltī re, ngaich kēngö u.

1 RĀCHA 19:2

Ngaich Yesīpel nö tīnngö vamë-eny nang Ĕlaicha, nö ngö ṙô, Hökngö tī yip tēv yēḵ tö chu nö ngatī, hēk möthë inrē, yē chu öt vīten ngam nômö meh nö sā nômö ök töhĕng tak tö cha ip huṙöich i tö ngatī ṙētak.

2 RĀCHA 7:18

Ngaich ngö inlahen angū-ö, nö sā ṙô ngam tarik ngam Tēv nö im rācha nö ngö ṙô, Nët nyanum pārli i töhĕng siköl, hĕng nyanum töpahīöya atra i töhĕng siköl, mīnö ip huṙöich nö i kūö inkūp Samariā i tö ngatī ṙētak;

INMEUKHÖMAT 16:21

Yöng ṙôken nuk tö hū ihong inrē, kö hĕng tālen lumngan nö hĕng, löktö el halīöngö nö löö kui tarik; ötlēkôre ngaich tarik tö ngam Tēv, kūö ngam invah tölëlngökūö, aṅ im tö hū ihong, pò ngam invah tölëlngökūö nö yaha ṙôkö.

MANEUTNYI 9:17

Ṙòngmö hapōilöre öm lā-al vē tarik Chu, öm öt hökngen cha nö kiröönngöre?

NGAM LĪPÖRE YŌP 37:13

Yĕn chinökṙen, hēk pòn pa- nam ò, hēk kūö hanāngenlōn, anga-aṅ nö halöngten e nö ngatī

NGAM LĪPÖRE YŌP 38:22

Ngaich öm kuhēthötre el chūök chehen tökënngöre ta- cham, hēk ngaich öm meuk chūök chehen tökënngöre kumṙah,

MANEUTNYI 10:6

Tööḵlö nup min patī meh, nup patī yip tarik alaha meh min inrē, nup patī yip aṅ Aikup inrē nö ṙòkhöre; töt maheuṅk yik yöng meh ötrēhĕn nö maheuṅk yik yöng yik yöng meh, hēten tö ök sakāmö cha nö i kūö ngih tumlat söl i ngih sakāmö. Havöökūöre ngaich angā-aṅ, ngaich kunyī-inyre nö ṙā-ang in Fërō.

MANEUTNYI 10:14

Ngaich minë mufākö nö keuheūtngöre chuhu nö i kui ngam panam Aikup? Ngaich keuheūtngöre chūök nö teungtöre nö i kūöngö Aikup; pōyen takô anū-ö; öt töngatī-iv mufākö nö sā u nö lā urĕh, ötrēhĕn nö ngatī nö lā unôich tö u.

MANEUTNYI 11:6

Keuheūtngöre chūök min im panam Aikup öp yöng pineūnyö, öt töasā-avö min nö sā e, ötrēhĕn min nö hēktöre tö sā e.

NGAM LĪPÖRE YŌP 38:23

Nup ma-inken chu hanöng hē öp kanihngen, hē sakāmö kinyūngö?